Mga Tigom sa Pag-alagad Alang sa Nobyembre
MATIKDI: Sanglit ang tanang kongregasyon sa Pilipinas mopahigayon ug usa ka linaing tigom sa pag-alagad sa semana sa Nobyembre 8 aron isaysay ang bag-ong kahikayan sa pagpang-apod-apod sa literatura ug magasin, ang materyal sa ubos alang nianang semanaha mahimong basahon lamang sa tinagsatagsa sa mga magmamantala.
Semana sa Nobyembre 1
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Ang Pagsangyaw Nagpalahi Kanato.” Pangutanag tubag nga panaghisgot. Ginamit ang librong Kahibalo, panid 173, parapo 8, sa mubo isaysay kon unsay atong mahimong isulti sa pagdasig sa estudyante sa Bibliya aron magpakig-ambit sa ministeryo.
20 min: “Kinsa ang Hayan Modawat ug Pagtuon sa Bibliya?” Pakigpulong ug mga pasundayag. Uyon sa parapo 4, isugyot ang lainlaing mga paagi sa pagpalihok sa interes diha sa pagkat-on kon unsay anaa sa atong mga publikasyon. Himoa ang duha ka mugbong pasundayag nga nagpakita kon sa unsang paagi kana tingali himoon.
Awit 198 ug paniklop nga pag-ampo.
Semana sa Nobyembre 8
10 min: Lokal nga mga pahibalo.
15 min: “Pangutana.” Usa ka pakigpulong.
20 min: “Unsay Imong Isulti Ngadto sa Usa ka Muslim?” Pangutanag tubag. Ipasiugda ang panginahanglan alang sa panabot sa dihang makighisgot sa mga tawo sa laing mga kultura. Ipasundayag ang usa ka naandam-pag-ayong presentasyon. Alang sa dugang impormasyon bahin sa Islam, tan-awa ang librong Nangatarongan, mga panid 23-4; ug Pagpangita sa Katawhan sa Diyos, kapitulo 12.
Awit 208 ug paniklop nga pag-ampo.
Semana sa Nobyembre 15
5 min: Lokal nga mga pahibalo. Taho sa kuwenta.
20 min: “1999-2000 ‘Matagnaong Pulong sa Diyos’ Distritong mga Kombensiyon.” Pangutanag tubag nga panaghisgot sa mga parapo 1-14. Ipasiugda ang kahinungdanon sa pagsunod sa pagtultol sa Sosyedad sa pagdalag atong kaugalingong paniudto ngadto sa kombensiyon matag adlaw.
20 min: Mga Ginikanan—Kamo ba Nagdumalag Usa ka Regular nga Pagtuon sa Bibliya sa Pamilya? Pakigpulong ug panaghisgot sa mamiminaw. Isaysay kon nganong ang mga pamilya kinahanglang duyog nga magtuon. (Tan-awa ang Giya sa Tunghaan, mga panid 37-8.) Tagda ang mosunod nga mga babag sa pagtuon sa pamilya: (1) pagbati nga ang mga anak bata pa kaayo aron makabenepisyo, (2) paghunahuna nga ang pagtambong sa mga tigom sa kongregasyon igo na, (3) pagkagikapoy tungod sa puliki nga mga eskedyul, ug (4) pagkalinga sa pagtan-awg telebisyon. (Tan-awa ang Mayo 15, 1994, Bantayanang Torre, mga panid 11-12.) Dapita ang mga ulo sa pamilya sa pagsugid kon sa unsang paagi ilang nabuntog ang mga babag sa pagmentinar ug usa ka maayong rutina sa pagtuon sa pamilya.
Awit 217 ug paniklop nga pag-ampo.
Semana sa Nobyembre 22
10 min: Lokal nga mga pahibalo ug mga kasinatian sa pag-alagad sa kanataran. Dugang pa, repasoha ang artikulong “Tan-awa ang Gahom sa Bibliya!”
15 min: Unsa ang Imong Tinamdan Mahitungod sa mga Asaynment? Pakigpulong sa ansiyano. Adunay daghang hinungdanong mga buluhaton nga gikinahanglan aron padayong magalihok ang kongregasyon: pag-andam sa mga asaynment sa programa; paghapit sa uban alang sa mga tigom o pagkuyog kanila sa pag-alagad sa kanataran; pagtabang sa mga tigulang; ug paghinlo, pag-ayo, ug pag-atiman sa Kingdom Hall. Sa unsang paagi ikaw mosanong sa dihang hangyoon sa pagtabang? Ang pipila hayan modumili, modawat nga may pag-ukon-ukon, o mapakyas sa pagsunod hangtod nga matapos. Hisgoti kon nganong ang pagdawat ug pagtuman sa mga asaynment maoy usa ka malipayong pribilehiyo. Dasiga ang tanan diha sa kongregasyon sa pagpasundayag ug andam nga espiritu sa pagboluntaryo.—Sal. 110:3, ptn.; Isa. 6:8.
20 min: “1999-2000 ‘Matagnaong Pulong sa Diyos’ Distritong mga Kombensiyon.” Pangutanag tubag nga panaghisgot sa mga parapo 15-20. Gamita ang gikutlo ug gisitar nga mga kasulatan sa pagpasiugda kon nganong ang panapot, pamostura, ug panggawi maoy mga butang nga nagkinahanglan sa atong suod nga pagtagad.
Awit 223 ug paniklop nga pag-ampo.
Semana sa Nobyembre 29
10 min: Lokal nga mga pahibalo. Pahinumdomi ang mga magmamantala sa pagtunol sa mga taho sa pag-alagad sa kanataran alang sa Nobyembre.
15 min: Dasiga ang mga Bag-ohan sa Pagtambong sa mga Tigom. Panaghisgot tali sa ansiyano ug usa o duha ka ministeryal nga alagad, pinasukad sa brosyur nga Nagabuhat sa Kabubut-on sa Diyos, mga panid 14-15. Repasoha kon nganong hinungdanon nga ang mga bag-ohan motambong sa mga tigom. Repasoha ang lima ka senemanang mga tigom, nga nagasaysay sa mga kaayohan sa matag usa. Hisgoti kon sa unsang paagi ang mga tigom magpalambo ug diyosnong panggawi, magpalig-on sa espirituwalidad, magbutad kanato ngadto sa organisasyon, magtabang kanato nga magmasuod sa uban, ug mag-abag kanato sa pagsabot sa katuyoan sa atong ministeryo. Dasiga ang mamiminaw sa paggamit sa brosyur aron palihokon ang mga bag-ohan sa pagtambong sa mga tigom.
20 min: Ang Atong Pinalabi—Ang New World Translation. Pakigpulong ug mga pasundayag. Taliwala sa relihiyosong mga organisasyon, ang atoa maoy linain tungod kay kita nagpatik, naggamit, ug nag-apod-apod ug usa ka hubad sa Bibliya nga gimugna sa dinihogang mga magsisimba ni Jehova. Dili tungod kay magtinguha ta nga makaganansiya sa komersiyal nga paagi o ipakaylap ang sektaryanhong mga tinuohan. Hinunoa, kita gipalihok sa tinguha nga pasidunggan ang ngalan sa Diyos ug sa pagtabang sa uban aron labi pang makaila kaniya. Ang ubang mga hubad kasagarang lisod masabtan, busa repasoha ang dayag nga mga bentaha sa New World Translation. (Tan-awa ang librong “Ang Tibuok Kasulatan,” mga panid 327-31. Matikdi ang mga komento sa parapo 3, puntinga ang mga panig-ingnan sa napauswag nga mga hubad sa parapo 6, ug ipasiugda ang mga kaayohan nga gikobrehan sa mga parapo 22-3.) Paghimog duha ka mugbong mga pasundayag nga nagpakita kon sa unsang paagi kita tingali mosanong sa dihang ang uban moingon, “Aduna kamoy inyong kaugalingong Bibliya.”—Tan-awa ang librong Nangatarongan, mga panid 268-69.
Awit 205 ug paniklop nga pag-ampo.