Eskedyul sa Tigom sa Pag-alagad
Semana sa Hulyo 10
12 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Komentohi ang taho sa pag-alagad sa kanataran sa Abril alang sa nasod ug sa lokal nga kongregasyon. Ipunting ang pagtagad sa kahon nga “Tan-awa ang Luyo nga Panid,” ug ipasundayag ang usa sa gisugyot nga mga presentasyon nga mahimong epektibo diha sa lokal nga teritoryo.
15 min: “Dili Kami Makahunong sa Pagsulti.” Limitahe ang pasiunang mga komento nga dili molapas sa usa ka minuto, ug sundan sa pangutanag-tubag nga panaghisgot. Ipasiugda ang mga katarongan kon nganong tagdon ta ang atong asaynment sa pagsangyaw nga seryoso kaayo. Ilakip ang hinungdanong mga puntos gikan sa Enero 15, 1997, Bantayanang Torre, mga panid 23-4.
18 min: “Ipahinabo ang Tanang Butang Alang sa Pagpalig-on.” Hisgotan sa duha ka ansiyano ang artikulo. Basaha ang matag parapo ug gisitar nga mga kasulatan. Ipatugbaw ang mga prinsipyong nalangkit. Ipasiugda ang panginahanglan sa mailahong panabot sa dihang magdumalag mga butang labot sa negosyo o maghimog mga pamuhonan. Sublia ang tambag sa Marso 15, 1997, Bantayanang Torre, mga panid 18-19, 22.
Awit 15 ug paniklop nga pag-ampo.
Semana sa Hulyo 17
10 min: Lokal nga mga pahibalo. Taho sa kuwenta. Sa mubo isaysay kon unsaon sa paggamit ang Balaang Ngalan nga brosyur sa pagtabang sa interesadong tawo nga pabilhan ang panginahanglan nga makaila ug makagamit sa personal nga ngalan sa Diyos.—Tan-awa ang librong Nangatarongan, mga panid 217-18 (p. 196-7 sa Ingles).
15 min: “Iwali ang Pulong . . . Magmadalion.” Limitahe ang pasiunang mga komento nga dili molapas sa usa ka minuto, ug sundan sa pangutanag-tubag nga panaghisgot. Ilakip ang mga komento diha sa Atong Ministeryo nga libro, panid 170. Itanyag ang pipila ka praktikal nga sugyot kon sa unsang paagi mapauswag ang kalihokan sa pagsangyaw sulod sa umaabot nga mga bulan.
20 min: Kinsay Angayan nga Mahimong Imong Sumbanan? Ang usa ka amahan nagdumala sa iyang pagtuon sa pamilya uban sa usa o duha ka tin-edyer nga mga anak. Iyang namatikdan sa di pa dugay nga ang ilang mga panaghisgot kasagarang nagtumong bahin sa mga bayani sa esports, mga artista sa pelikula, mga personalidad sa TV, ug mga musikero. Iyang ipahayag ang kabalaka tungod kay kining matanga sa pagkadani maoy pagpasundayag sa espiritu sa kalibotan. Ilang hisgotan ang Mayo 22, 1998, Pagmata!, mga panid 12-14. Ang mga batan-on makaamgo nga adunay kapeligrohan sa pag-idolo sa kalibotanong mga tawo ug mouyon nga ang kalibotanong pagkainila walay ikatanyag sa mga Kristohanon. Ilang konsiderahon ang mga kaayohan sa pag-isip sa mga ginikanan, mga ansiyano, ubang mga panig-ingnan diha sa kongregasyon—ug ilabina si Jesu-Kristo—ingong ilang mga sumbanan.
Awit 34 ug paniklop nga pag-ampo.
Semana sa Hulyo 24
5 min: Lokal nga mga pahibalo.
15 min: Pagrekomendar sa Atong Kaugalingon Ingong mga Ministro sa Diyos. Hisgotan sa duha ka ministeryal nga mga alagad ang Kasulatanhong tambag nga gihatag diha sa Disyembre 15, 1998, Bantayanang Torre, mga panid 19-20. Ilang pabilhan ang panginahanglan sa pagkab-ot sa maayong paagi ingong ministeryal nga mga alagad ug sublion kon unsay ilang personal nga mahimo aron ipakita nga sila nagtuman sa ilang mga asaynment. Ilang makita ang kahinungdanon sa pagkahimong maayong mga panig-ingnan diha sa ministeryo sa kanataran ug hisgotan ang mga paagi nga sila makatabang sa mga ansiyano sa paghimog personal nga tabang sa uban. Sila mouyon nga buot nilang mobuhat kutob sa maarangan sa pagtabang sa kongregasyon nga pabilhan ang pagkadinalian sa mga panahon ug motubo ug molambo sa espirituwal nga paagi.
10 min: Pagsulat Ngadto sa mga Tawo Kinsa Dili Nato Makontak. Pakigpulong ug panaghisgot sa mamiminaw. Tungod kay malisod na nga maabtan ang mga tawo sa balay, ang pipila ka magmamantala nakabaton ug maayong mga resulta pinaagi sa pagsulat. Tagda kining mga giya. Ang mga sulat angayng mubo, gipasukad sa Kasulatan, ug matinahuron. Ayaw pagpadala ug mga sulat nga walay ngalan sa nagpadala. Isulat o imakenilya nga hinlo ug mabasa. Ihatag ang adres sa Kingdom Hall ug ang mga oras sa tigom sa kongregasyon duyog sa imbitasyon sa pagtambong. Ayawg gamita ang adres sa Sosyedad. Sublia ang mga sugyot nga gitanyag diha sa Giya sa Tunghaan, mga panid 87-8, ug ang Nobyembre 1996 Kahon sa Pangutana sa Atong Ministeryo sa Gingharian.
15 min: Gamita ang Epektibong mga Pasiuna. Pilia ang duha o tulo ka pasiuna gikan sa mga panid 9-15 sa librong Nangatarongan, ug hisgoti kon sa unsang paagi kini epektibong magamit diha sa lokal nga teritoryo. Pangutan-a ang mamiminaw, “Unsang mga pasiuna ang inyong gamiton sa dihang moduol sa usa ka tawo diha sa dalan, sa impormal, o laing paagi?” Ipasundayag ang usa o duha ka pasiuna kutob sa itugot sa panahon.
Awit 54 ug paniklop nga pag-ampo.
Semana sa Hulyo 31
15 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran alang sa Hulyo. Dapita ang mamiminaw sa pag-asoy sa personal nga mga kasinatian nga napahimuslan niining bulana sa dihang nag-apod-apod sa mga brosyur.
12 min: Lokal nga mga panginahanglan.
18 min: “Gipabilhan Mo ba ang Pailob ni Jehova?” Pangutanag tubag. Ilakip ang hinungdanong mga komento bahin sa hataas-nga-pailob ni Jehova.—Tan-awa ang Insight, Tomo 2, mga panid 263-4.
Awit 75 ug paniklop nga pag-ampo.
Semana sa Agosto 7
10 min: Lokal nga mga pahibalo.
17 min: “Maulawon Ka ba nga Tawo?” Pangutanag tubag. Iasoy ang usa ka makapadasig nga kasinatian gikan sa 1997 Yearbook, mga panid 43-4.
18 min: Magmaalamon sa Imong Kaugmaon. Pakigpulong sa usa ka ansiyano. Ang mga batan-on nagtinguha sa pagpahimulos sa usa ka malipayong kaugmaon uban niadtong ilang gihigugma. Samtang kini maoy kinaiyanhon, kinahanglang ipadapat nila ang diyosnong tambag kon buot nilang magmalamposon. (Prov. 19:20) Ang pagkadani ngadto sa kaatbang nga sekso maoy kusganon sa pagkabatan-on. Kon ang mga pagbati dili makontrolar, ang mga sangpotanan makadaot. Daghang pangutana ang mitungha bahin sa kaalam sa mga tin-edyer nga malangkit sa emosyon uban sa kaatbang nga sekso, nga mopalambo sa romantikong mga relasyon nga mohatod sa pagpakigdeyt. Sublia ang tambag nga gihatag sa librong Gisukna sa mga Batan-on, mga panid 231-5. Ipasiugda ang pangunang mga puntos sa Nobyembre 15, 1999, Bantayanang Torre, mga panid 18-23, nga nagpakita sa kahinungdanon sa mga batan-on nga tumanon ang ilang tibuok katungdanan sa Diyos. Dasiga ang mga tin-edyer nga timbangtimbangon kining tambaga ug hisgotan kini uban sa ilang mga ginikanan kon sila adunay mga pangutana.
Awit 101 ug paniklop nga pag-ampo.