Eskedyul sa Tigom sa Pag-alagad
Semana sa Agosto 14
12 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Duha na lang ka hinapos nga mga semana ang nahibilin sa Agosto, busa dasiga ang tanan nga makig-ambit sa ministeryo sa dili pa matapos ang bulan. Sublia ang eskedyul sa hinapos sa semana nga mga tigom sa dayon na nga pagsangyaw.
15 min: “Bugnoa ang Maayong Bugno sa Pagtuo.” Limitahe ang pasiunang mga komento nga dili molapas sa usa ka minuto, ug sundan sa pangutanag-tubag nga panaghisgot. Pagkuhag dugang mga komento gikan sa librong Atong Ministeryo, mga panid 44-5, kon unsaon sa mga tagdumala sa Pagtuon sa Libro sa Kongregasyon pag-organisar ang kalihokan sa pag-alagad sa kanataran alang sa ilang mga grupo ug maghatag ug pagtagad ngadto ni bisan kinsa nga nanginahanglag personal nga tabang sa pagpakig-ambit ug pagtaho sa ilang ministeryo nga regular.
18 min: Kon sa Unsang Paagi Ikaw Makakuhag Kaayohan Pinaagig Pag-eskuyla. Usa ka amahan makigsulti sa iyang mga anak sa pagtabang kanila sa pagpabili kon nganong ang sekular nga edukasyon mapuslanon. (Tan-awa ang librong Gisukna sa mga Batan-on, mga panid 133-9.) Daghang batan-on mibati nga ang pag-eskuyla maoy usa gayod ka hagit niining masupilong katilingban karon. Sila usab mibatig kalaay, nga nagkanayon nga ang ilang nakat-onan diyutay rag praktikal nga bili. Ang amahan magsubli sa Kasulatanhong mga prinsipyo ug maayong mga katarongan kon nganong maalamon ang pagbaton ug igong gidak-on sa sekular nga edukasyon. Iyang dasigon ang iyang mga anak sa pagtuon ug maayo ug pagpatalinghog diha sa klase.
Awit 127 ug paniklop nga pag-ampo.
Semana sa Agosto 21
10 min: Lokal nga mga pahibalo. Taho sa kuwenta. Ipasundayag ang nabansay-pag-ayong demonstrasyon nga magpakita kon unsaon sa pagtubag sa pangutana: “Ngano man ang Diyos sa gugma nagatugot sa kasakitan nga dugay nang nagapadayon?”—Tan-awa ang librong Nangatarongan, p. 116-7 (p. 395-6 sa Ingles).
10 min: Pakigpulong sa usa ka ansiyano bahin sa mga puntos sa “Pangutana.” Dasiga ang tanang magdala ug interesadong mga tawo sa pag-tour sa Bethel nga isaysay ang hustong panapot ug pamosturang gikinahanglan ug usab sa pagpakitag maayong panig-ingnan sa ilang kaugalingon.
25 min: “Nakakuhag Kaayohan ba ang Imong Kaugalingon?” Pangutanag tubag.
Awit 152 ug paniklop nga pag-ampo.
Semana sa Agosto 28
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad alang sa Agosto. Ang mga tagdumala sa Pagtuon sa Libro sa Kongregasyon kinahanglang magsusi sa tanan diha sa ilang grupo aron ang tanang taho mahimong maihap sa Septiyembre 6.
15 min: Lokal nga mga panginahanglan.
20 min: “Ang mga Tigom Makaayo sa mga Batan-on.” Pangutanag-tubag nga panaghisgot nga dumalahon sa usa ka ansiyano. Sa dihang hisgotan ang parapo 8, tagda ang pipila ka praktikal nga mga butang nga magpalambo sa mas maayong pagtagad ug pagpatalinghog sa panahon sa mga tigom. (Tan-awa ang Septiyembre 22, 1998, Pagmata!, mga panid 19-20.) Dasiga ang mga ginikanan nga magmalig-on nga patambongon ang ilang mga anak nga regular sa tanang tigom.—Tan-awa ang eksperyensiya sa Septiyembre 1, 1997, Bantayanang Torre, panid 25.
Awit 176 ug paniklop nga pag-ampo.
Semana sa Septiyembre 4
10 min: Lokal nga mga pahibalo. Sublia ang mga puntong igsusulti nga magamit sa dihang magtanyag sa librong Creation diha sa teritoryo sulod sa Septiyembre.
15 min: Linain ang Atong Panahon. Pakigpulong sa usa ka ansiyano, pinasukad sa Nobyembre 15, 1996, Bantayanang Torre, mga panid 22-3.
20 min: “Ikaw ba Malahutayon?” Pakigpulong ug panaghisgot sa mamiminaw. Dasiga ang tanan sa pagpamalandong sa ilang personal nga kalamposan sa pagpasundayag ug pagkamalahutayon diha sa Kristohanong ministeryo. Kon ang mga kahuyangan madayag, adunay panginahanglan nga palig-onon ang atong kaugalingon sa espirituwal nga paagi. Ilakip ang mga komento gikan sa Oktubre 1, 1999, Bantayanang Torre, mga panid 20-1, mga parapo 17-21. Dapita ang duha o tulo ka magmamantala kinsa milahutay nga matinumanon sa miaging yugto sa katuigan aron isaysay kon unsay ilang ginabuhat sa paglahutay.
Awit 206 ug paniklop nga pag-ampo.