Eskedyul sa Tigom sa Pag-alagad
Semana sa Enero 8
7 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
13 min: “Dasiga ang mga Payunir.” Positibo ug makapadasig nga pakigpulong sa usa ka ansiyano.
25 min: Mahigugmaong mga Tagana Alang sa Atong Pag-atiman sa Panglawas. Hisgotan sa takos nga ansiyano ang kabililhon sa pagpil-ap sa Advance Medical Directive/Release nga kard. Ang dinasig nga pagtultol sa Salmo 19:7 nagpakita nga ang Buhat 15:28, 29 maoy kapahayagan sa hingpit nga balaod sa Diyos sa Dugo. Kini nga dokumento nagapahayag sa imong determinasyon nga ituboy ang maong balaod ug nagasulti usab alang kanimo sa dihang dili ka na makahimo sa pagsulti sa imong kaugalingon. (Itandi ang Proverbio 22:3.) Human niining tigoma, ang bawtismadong mga Saksi hatagan ug bag-ong kard, ug kadtong may di-bawtismadong menor de edad nga mga anak makadawat ug Identity Card alang sa matag bata. Kini nga mga kard dili pil-apan niining gabhiona. Kini kinahanglan nga maampingong pil-apan didto sa balay apan DILI pirmahan. Ang pagpirma, pagsaksi, ug pagpetsa sa tanang kard himoon human sa sunod nga Pagtuon sa Libro sa Kongregasyon, ubos sa pagtultol sa tagdumala sa pagtuon sa libro. Sa dili pa pirmahan, paneguroa nga ang mga kard bug-os nga napil-apan. Kadtong mopirma ingong mga saksi kinahanglang aktuwal nga makakita sa tag-iya sa kard nga mopirma sa dokumento. Pinaagig pagpasibo sa nahisulat gikan niini nga kard ngadto sa ilang kaugalingong mga kahimtang ug mga kombiksiyon, ang di-bawtismadong mga magmamantala mahimong mosulat sa ilang kaugalingong direktiba aron gamiton alang sa ilang kaugalingon ug sa ilang mga anak.
Awit 155 ug paniklop nga pag-ampo.
Semana sa Enero 15
10 min: Lokal nga mga pahibalo. Taho sa kuwenta.
15 min: “Palamdaga ang Inyong Kahayag.”a Ilakip ang mga komento sa Hunyo 1, 1997, Bantayanang Torre, panid 15, mga parapo 12, 13. Dasiga ang tanan sa pagpahimulos sa tanang kahigayonan sa pagpamatuod.
20 min: Nagasusi Ka ba sa Kasulatan sa Adlaw-Adlaw? Pakigpulong ug mga interbiyo. Tagda ang Disyembre 15, 1996, Bantayanang Torre, mga panid 17-18, mga parapo 12-14, nga nagpasiugda sa kaalam sa paghisgot sa teksto sa adlaw-adlaw ingong usa ka pamilya. Interbiyoha ang mga membro sa pamilya, nga ang matag usa magsubli sa di pa dugayng panaghisgot sa teksto sa adlaw-adlaw nga napamatud-an gayod nga mapuslanon ug ihatag ang katarongan kon ngano. Ipasiugda nga kini kinahanglang maoy bahin sa regular nga programa sa pagtuon sa pamilya nga gidisenyo sa pagpalig-on sa atong mga panimalay ug sa pagpabiling aktibo sa pamilya diha sa ministeryo.
Awit 67 ug paniklop nga pag-ampo.
Semana sa Enero 22
7 min: Lokal nga mga pahibalo.
18 min: Kon Unsaon sa Pag-andam ug mga Pasiuna. Pakigpulong ug mga pasundayag. Sublia ang pangunang mga puntos sa librong Nangatarongan, panid 9. Ipakita kon sa unsang paagi makapili kita sa mga pasiuna nga labing haom sa atong natural nga paagi sa pagpresentar, personalidad, ug teritoryo. Sublia ang pipila ka sampol nga mga pasiuna nga magamit uban sa brosyur nga Gikinahanglan, ug ipasundayag ang usa o duha niana. (Tan-awa ang Abril 1997 nga Atong Ministeryo sa Gingharian, panid 8.) Dasiga ang tanan nga gamiton ug maayo ang mga sugyot nga gitanyag diha sa librong Nangatarongan ug Atong Ministeryo sa Gingharian diha sa ilang kalihokan sa pag-alagad sa kanataran.
20 min: “Mahimong Maayong Tigpatalinghog.” Pakigpulong ug panaghisgot sa mga mamiminaw. Sublia ang mga puntos gikan sa Giya sa Tunghaan, mga panid 27-8, mga parapo 15-17. Ang labing maayong pagsusi sa atong mga batasan sa pagpatalinghog maoy kon unsa ka daghan ang atong mahinumdoman. Dapita ang mga mamiminaw sa paghinumdom sa pipila ka talagsaong mga puntos nga gikobrehan sa mga may bahin sa Tunghaan sa Teokratikanhong Ministeryo niining gabhiona.
Awit 96 ug paniklop nga pag-ampo.
Semana sa Enero 29
10 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho sa pag-alagad sa kanataran alang sa Enero. Hisgoti ang tanyag nga literatura sa Pebrero, nga magpasiugda sa mga libro nga adunay estak ang kongregasyon.
15 min: Pakigpulong sa usa ka ansiyano sa librong Sekreto sa Kalipay sa Pamilya. Ugmara ang kahinam alang sa pagtuon niini nga libro diha sa Pagtuon sa Libro sa Kongregasyon. (Tan-awa ang Bantayanang Torre, Enero 1, 1999, mga panid 3-5.) Dasiga ang tanan nga makig-ambit gayod sa senemanang mga panaghisgot sa pagtuon sa libro. Ang tanan buot motambong nga regular, makig-ambit, nga maikagong mokat-on ug daghan kutob sa maarangan bahin sa sekreto sa kalipay sa pamilya.
20 min: “Mga Ginikanan—Isilsil ang Mapuslanong mga Batasan Diha sa Inyong mga Anak.” Pakigpulong ug interbiyo sa mga ginikanan kansang mga anak nagabuhat ug maayo sa espirituwal. Ipabanaag sa mga ginikanan ang positibong mga butang nga ilang gibuhat aron ilangkit ang ilang mga anak diha sa ministeryo sa kanataran. Kon itugot sa panahon, ilangkob ang mga sugyot gikan sa librong Kalipay sa Pamilya, mga panid 55-9.
Awit 149 ug paniklop nga pag-ampo.
Semana sa Pebrero 5
10 min: Lokal nga mga pahibalo.
15 min: “Mahimong Malipayong Magtutuman.”* Ipakita kon unsay makadugang sa atong kangaya diha sa pag-alagad sa Diyos, ingon sa gilaraw sa librong Insight, Tomo 2, panid 120, mga parapo 6-8.
20 min: Makakaplag Kag Maayong Kalingawan. Hisgotan sa grupo sa pamilya ang tambag nga gihatag sa Mayo 22, 1997, Pagmata! Mabalaka ang amahan bahin sa mga pangagpas sa kalingawan sa pamilya. Human sa mubong pagsubli sa “Unsay Nahitabo sa Kalingawan?” (mga panid 4-7), ilang isentro ang pagtagad diha sa mga matang sa kalingawan nga mahimong maayo ug mapuslanon (mga panid 8-10). Ipasiugda ang papel sa mga ginikanan sa pagpanguna ug panginahanglan sa tanang membro sa pamilya sa pakigtambayayong alang sa kaayohan sa tibuok panimalay.
Awit 190 ug paniklop nga pag-ampo.
[Footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.