Eskedyul sa Tigom sa Pag-alagad

Semana sa Hulyo 9

Awit 4

8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.

17 min: Taho sa Pag-alagad sa Abril. Pakigpulong ug mga interbiyo nga dumalahon sa magtatan-aw sa pag-alagad. Ipasiugda ang taho sa pag-alagad sa Abril sa lokal nga kongregasyon. Interbiyoha ang lainlaing mga magmamantala kinsa naghimog linaing paningkamot sa ministeryo nianang bulana.​—Tan-awa ang pasukip sa Marso 2001 nga Atong Ministeryo sa Gingharian, mga parapo 28-30.

20 min: “Makaalagad Ka ba sa Dapit nga Mas Dako ang Panginahanglan?”a Tan-awa ang librong Atong Ministeryo, mga panid 112-13.

Awit 42 ug paniklop nga pag-ampo.

Semana sa Hulyo 16

Awit 10

10 min: Lokal nga mga pahibalo. Taho sa kuwenta.

15 min: Mga Batan-on​—Kuwentaha ang Bili sa Inyong Karera. Usa ka amahan ug iyang tin-edyer nga anak nga lalaki o babaye moduol sa ansiyano nga adunay praktikal nga kasinatian sa sekular nga panarbaho. Human pamalandonga ang bahin diha sa Tigom sa Pag-alagad duha ka semana na ang miagi maylabot sa pagpili ug karera, ang batan-on seryosong naghunahuna bahin sa pagsulod sa regular payunir nga pag-alagad apan nagduhaduha kon unsaon pag-atiman ang iyang materyal nga mga panginahanglan. Ipasiugda sa ansiyano ang panginahanglan sa timbang nga panglantaw. (Septiyembre 1, 1999, Bantayanang Torre, panid 11, parapo 13) Maoy maalamon nga adunay pipila nga maantigohan aron maandam sa pagtagana sa kaugalingon. Daghan ang milampos gayod pinaagi lamang sa pagkat-on sa pangunang mga kahanas nga nagkinahanglag kinamenosang paggugol ug panahon ug salapi. (Pebrero 1, 1996, Bantayanang Torre, panid 14; Gisukna sa mga Batan-on, panid 178) Duyog nilang hisgotan ang Marso 8, 1996, Pagmata!, mga panid 9-11, ug pipila ka praktikal nga mga sugyot bahin sa pagpangita o pagmugnag haom sekular nga trabaho.

20 min: Mga Saksi ni Jehova​—Kinsa Sila? Unsay Ilang Gituohan? Panaghisgot sa mamiminaw ug pasundayag. Susiha kini nga brosyur, ug hisgotan kon sa unsang paagi kini magamit sa paghatag ug impormasyon sa uban bahin kanato ug sa atong buluhaton. Kini nag-ingon kon kinsa kita (mga panid 3-5), nagpasiugda sa pipila sa atong modernong kasaysayan ug mga kalihokan (mga panid 6-11), naglista sa mga pagtulon-an nga nagpalahi kanato gikan sa ubang mga relihiyon (mga panid 12-14), nagsaysay sa maayong balita nga atong ginasangyaw ug kon sa unsang paagi gisangyaw nato kini (mga panid 15-21), nagpakita kon sa unsang paagi ang atong buluhaton nakahatag kaayohan sa komunidad (mga panid 22-4), naghatag ug internasyonal nga gilapdon sa atong organisasyon (mga panid 25-6), ug nagtubag sa sagad gisuknang mga pangutana bahin kanato (mga panid 27-31). Ipasundayag sa magmamantala ginamit ang brosyur sa pagtubag sa usa sa mga pangutana diha sa panid 29 nga gisukna sa tagbalay. (Matikdi: Kon kini nga brosyur dili mabatonan sa inyong kongregasyon, gamita ang brosyur nga Mga Saksi ni Jehova​—Nahiusang Nagabuhat sa Kabubut-on sa Diyos sa Tibuok Kalibotan.)

Awit 50 ug paniklop nga pag-ampo.

Semana sa Hulyo 23

Awit 19

10 min: Lokal nga mga pahibalo.

15 min: Lokal nga mga panginahanglan.

20 min: “Pangandam sa Pagtuon sa Tagna ni Isaias!”b Sa mubo komentohi kon sa unsang paagi kita makakuhag kaayohan gikan sa pagtuon sa libro ni Isaias.​—Tan-awa ang kapitulo 1, mga parapo 10-12, sa Tagna ni Isaias I.

Awit 53 ug paniklop nga pag-ampo.

Semana sa Hulyo 30

Awit 22

10 min: Lokal nga mga pahibalo.

20 min: Mga Batan-on​—Magmailahon sa Pagplano sa Inyong Edukasyon. Usa ka ansiyano makigsulti sa pipila ka ginikanan ug sa ilang tin-edyer nga mga anak bahin sa dugang edukasyon. Ang ansiyano manguna sa pagpakighisgot sa Septiyembre 1, 1999, Bantayanang Torre, mga panid 16-17, mga parapo 11-13, nga magpasiugda sa mga katarongan kon nganong ang bug-os-panahong ministeryo kinahanglan mahimong panguna sa ilang listahan sa mga unahonon. (Disyembre 1, 1996, Bantayanang Torre, mga panid 18-19, mga parapo 13-15) Dayon sublion sa grupo ang tambag diha sa Marso 8, 1998, Pagmata!, mga panid 20-1, nga magpasiugda sa panginahanglan sa pagpasundayag ug kaalam sa pagtimbangtimbang sa mga kaayohan ug mga kaulangan sa dugang nga edukasyon. Ang tanan mouyon nga sila kinahanglang magiyahan sa tambag ni Jesus nga unahon ang intereses sa Gingharian.​—Mat. 6:33.

15 min: “Mahimo Nimong Masagubang ang Pagkaluya!” Pakigpulong sa ansiyano pinasukad sa artikulo diha sa Bantayanang Torre nga isyu sa Pebrero 1, 2001, mga panid 20-3. Ipadapat ang materyal sa lokal aron mahimo kining praktikal sa kongregasyon.

Awit 57 ug paniklop nga pag-ampo.

Semana sa Agosto 6

Awit 25

5 min: Lokal nga mga pahibalo.

20 min: “Usa ka Pulong nga Gisulti sa Hustong Panahon.” Pakigpulong nga may duha o tulo ka pasundayag sa gisugyot nga mga presentasyon.

20 min: “Ayaw Pagduhaduha!”c Segun sa itugot sa panahon, iasoy ang mga kasinatian gikan sa Disyembre 15, 1999, Bantayanang Torre, panid 25.

Awit 63 ug paniklop nga pag-ampo.

[Mga footnote]