Eskedyul sa Tigom sa Pag-alagad
Semana sa Septiyembre 10
8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ilakip ang “‘Mga Magtutudlo sa Pulong sa Diyos’ Distritong mga Kombensiyon.”
22 min: “Bug-os ba Nimong Ginatuman ang Imong Ministeryo?”a Human hisgoti ang mga parapo 1-3 uban sa mamiminaw, ipasundayag ang duha ka mubong mga presentasyon sa magasin—ang usa naggamit sa Septiyembre 15 nga Bantayanang Torre ug ang ikaduha naggamit sa Septiyembre 22 nga Pagmata! Human hisgoti ang parapo 4, ipasundayag ang gisugyot nga presentasyon, ginamit ang librong Kahibalo.
15 min: Pakigpulong sa ansiyano sa “Ayaw Tugoting ang mga Pagduhaduha Modaot sa Imong Pagtuo,” pinasukad sa Bantayanang Torre nga gula sa Hulyo 1, 2001, mga panid 18-21.
Awit 124 ug paniklop nga pag-ampo.
Semana sa Septiyembre 17
10 min: Lokal nga mga pahibalo. Taho sa kuwenta.
20 min: Unsa ang Atong Nalampos sa Miaging Tuig? Pakigpulong sa magtatan-aw sa pag-alagad. Ibutyag ang dagkong mga puntos sa taho sa kongregasyon alang sa 2001 nga tuig sa pag-alagad. Hatagig komendasyon ang tanan tungod sa maayong mga butang nga nalampos. Isentro ang pagtagad sa nahimo sa kongregasyon maylabot sa pagtambong sa tigom, sa pagkaregular diha sa pag-alagad sa kanataran, ug sa kalihokan sa pagtuon sa Bibliya. Larawa ang makab-ot nga mga tumong alang sa umaabot nga tuig.
15 min: “Pangutana.” Usa ka pakigpulong. Dasiga ang kongregasyon nga paluyohan ang mga tigom sa dayon nang pagsangyaw.
Awit 129 ug paniklop nga pag-ampo.
Semana sa Septiyembre 24
15 min: Lokal nga mga pahibalo. Ginamit ang mga sugyot nga gitanyag diha sa “Kon Unsay Isulti Labot sa mga Magasin,” ipasundayag ang duha ka presentasyon—ang usa naggamit sa Oktubre 1 nga Bantayanang Torre ug ang ikaduha naggamit sa Oktubre 8 nga Pagmata!
15 min: Lokal nga mga panginahanglan.
15 min: Sa Unsang Paagi Ako Makahimog Mas Maayo Diha sa Eskuylahan? Usa ka ansiyano ug iyang asawa o usa ka ministeryal nga alagad ug iyang asawa makig-estorya sa ilang nagtungha nga bata. Sila nabalaka tungod kay ang bata nagpasagad sa asaynment sa eskuylahan. Ilang sublion ang tambag diha sa Gisukna sa mga Batan-on, kapitulo 18, ug hisgotan kon unsay gikinahanglang buhaton sa bata aron mouswag. Ipasiugda sa mga ginikanan ang kahinungdanon sa pagkuhag kinahanglanong paninugdang edukasyon aron magamit ang bug-os nga katakos sa usa sa pagpangagpas sa sagradong pag-alagad.
Awit 133 ug paniklop nga pag-ampo.
Semana sa Oktubre 1
10 min: Lokal nga mga pahibalo.
20 min: “Kana ba Babag sa Pagsangyaw?”b Ipasiugda ang panginahanglan nga magmatimbang sa sekular nga trabaho, nga magpahilunag mga unahonon nga padayong unahon ang intereses sa Gingharian. Dapita ang pipila ka ulo sa pamilya diha sa kongregasyon aron iasoy kon sa unsang paagi ilang nabuntog ang hagit sa pagtagana sa ilang mga panimalay sa materyal nga paagi nga walay pagsakripisyo sa ilang espirituwal nga mga panginahanglan.
15 min: Pakigpulong sa ansiyano sa “Sa Unsang Paagi Imong Mahuptan ang Timbang nga Panglantaw sa Salapi?,” pinasukad sa artikulo sa Bantayanang Torre sa Hunyo 15, 2001, mga panid 5-8.
Awit 137 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.