Eskedyul sa Tigom sa Pag-alagad
MATIKDI: Ang Atong Ministeryo sa Gingharian mag-eskedyul ug Tigom sa Pag-alagad sa matag semana sulod sa Nobyembre, Disyembre, ug Enero. Ang mga kongregasyon mohimog mga pagpasibo sumala sa gikinahanglan aron magtugot sa pagtambong sa “Mga Magtutudlo sa Pulong sa Diyos” Distritong Kombensiyon. Gamita ang 15 minutos sa kataposang Tigom sa Pag-alagad sa dili pa ang inyong kombensiyon aron sublion ang prangkang tambag gikan sa pasukip niining bulana nga mapadapat sa lokal nga paagi. Sulod sa bulan sa Pebrero, ang enterong Tigom sa Pag-alagad pagahikayon aron sublion ang pangunang mga puntos sa kombensiyon. Sa pagpangandam sa maong panaghisgot, kitang tanan makakuhag makahuloganong mga nota sa kombensiyon, nga maglakip sa usa ka listahan sa mga puntos nga buot natong ipadapat sa personal diha sa atong kaugalingong kinabuhi ug diha sa ministeryo sa kanataran. Dayon kita mahimong maandam sa pagpatin-aw kon sa unsang paagi atong gipadapat kining mga sugyota sukad sa pagtambong sa kombensiyon. Makapalig-on ang pagpatalinghog sa usag usa nga mag-asoy kon sa unsang paagi kita nakabenepisyo gikan sa maayong instruksiyon nga nadawat.
Semana sa Nobyembre 12
12 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ilakip ang mga pasundayag sa duha ka presentasyon, ginamit ang kahon nga “Kon Unsay Isulti Labot sa mga Magasin.” Ang usa ka magmamantala magtanyag sa Nobyembre 15 nga Bantayanang Torre, ug ang ikaduha magtanyag sa Nobyembre 22 nga Pagmata!
15 min: “Salig Kang Jehova Alang sa Kusog.”a Ilakip ang mubong mga komento sa Oktubre 1, 1999, Bantayanang Torre, mga panid 18-19, mga parapo 6-8.
18 min: “Mga Kombensiyon—Panahon sa Pagmaya!” Pakigpulong sa ansiyano.
Awit 191 ug paniklop nga pag-ampo.
Semana sa Nobyembre 19
8 min: Lokal nga mga pahibalo. Taho sa kuwenta.
15 min: “Mga Ginikanan—Bansaya ang Inyong mga Anak sa Pagsangyaw.”b Hangyoa ang mga ginikanan sa pag-asoy sa ilang nahimo sa pagtabang sa ilang mga anak nga makakat-on sa pagtanyag sa mga magasin ug paggamit sa Bibliya diha sa mga pultahan.
22 min: “Magpatalinghog ug Magadawat ug Dugang nga Pagtudlo.” Pakigpulong ug panaghisgot sa mamiminaw.
Awit 195 ug paniklop nga pag-ampo.
Semana sa Nobyembre 26
10 min: Lokal nga mga pahibalo. Ginamit ang mga sugyot sa “Kon Unsay Isulti Labot sa mga Magasin,” ipasundayag ang duha ka presentasyon sa mga magasin—ang usa maggamit sa Disyembre 1 nga Bantayanang Torre ug ang ikaduha maggamit sa Disyembre 8 nga Pagmata!
15 min: “Kanus-a nga Ako Makahigayon Gayod?” Pakigpulong ug panaghisgot sa mamiminaw. Ilakip ang pangunang mga puntos sa Oktubre 1, 2000, Bantayanang Torre, mga panid 20-1, mga parapo 9-10, ubos sa sub-ulohang “Kon sa Unsang Paagi ang Pipila Naggahin ug Panahon sa Pagtuon.” Dapita ang mamiminaw sa pag-asoy ug praktikal nga mga paagi nga ilang nagahinan ug panahon ang mas mahinungdanong mga butang pinaagig pagsalindot sa wala-kinahanglanang mga kalihokan.
20 min: “Buhatang Maayo ug Madayeg.”c Ipunting ang espesipikong mga butang nga angay natong himoon sa dihang motambong aron ipasundayag nga aduna kitay Kristohanong mga hiyas nga naglakip sa tiunay nga kabalaka alang sa uban.
Awit 198 ug paniklop nga pag-ampo.
Semana sa Disyembre 3
8 min: Lokal nga mga pahibalo.
17 min: Hinungdanong mga bahin sa Nangatarongan nga Libro. Panaghisgot sa mamiminaw. Tagda ang mosunod nga mga pananglitan kon sa unsang paagi ang hinungdanon lainlaing mga bahin sa libro mapuslanon kaayo sa pagpatin-aw sa mga pagtulon-an sa Bibliya: Mga kahubitan, sama sa “Gingharian” (p. 180-1; p. 225-6 sa Ingles) o “espiritu” (p. 172-3; p. 380 sa Ingles); pagtandi sa mga hubad sa nagkalainlaing mga hubad, nga nagpakita kon diin ug kon sa unsang paagi gigamit ang ngalan sa Diyos diha sa Bibliya (p. 212-4; p. 191-3 sa Ingles) o ang kamatuoran bahin sa impiyerno (p. 201-2; p. 169-70 sa Ingles); mga talaan, nga nagdetalye sa mga tinuohan nga nagpalahi kanato gikan sa ubang mga relihiyon (p. 373-5; p. 199-201 sa Ingles) o nagpakita kon sa unsang paagi mahibaloan sa usa ka tawo kon unsang relihiyona ang husto (p. 368-70; p. 328-30 sa Ingles); makasaysayanhong kagikan, nga nagbutyag sa sinugdan sa Pasko (p. 32-4; p. 176-8 sa Ingles) o sa neyutralidad sa unang mga Kristohanon (p. 272-5; p. 273-5 sa Ingles); siyentipikanhong pamatuod, nga nagpaluyo sa paglalang (p. 309-11; p. 85-6 sa Ingles) o nagpakita nga makadaot ang paggamit sa marijuana ug tabako (p. 149-52; p. 108-11 sa Ingles). Dasiga ang mga magmamantala sa paggamit niining maayong tabang sa pagpanudlo kon motungha ang bisan unsang mga kahigayonan diha sa ministeryo sa kanataran.
20 min: “Mga Panalangin Tungod sa Pagpakitag Pagpabili sa Gugma ni Jehova—Bahin 1.”d Sa dihang hisgotan ang mga parapo 3-6, dapita ang kongregasyon sa pag-asoy sa ilang makapadasig nga mga kasinatian sa buluhatong pagpamalaybalay, pagsangyaw sa kadalanan, mga balikduaw ug mga pagtuon sa Bibliya.
Awit 200 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.