Mga Pahibalo
◼ Tanyag nga literatura sa Enero ug Pebrero: Ang daandaang 192-panid nga mga libro mahimong itanyag, sama sa Kalipay—Unsaon sa Pagkaplag Niini, Ang Kamatuoran nga Motultol sa Kinabuhing Dayon, o Ang Tinuod nga Kalinaw ug Kasegurohan—Sa Unsang Paagi Imong Makaplagan Kini? Kon walay daandaang mga libro nga mabatonan, bisan hain sa Pagpangita sa Katawhan sa Diyos o ang libro nga Creation mahimong puli nga itanyag. Marso: Ang librong Kahibalo itanyag uban sa paningkamot nga makasugod ug mga pagtuon sa Bibliya sa balay. Abril ug Mayo: Indibiduwal nga mga kopya sa Ang Bantayanang Torre ug Pagmata! Sa mga balikduaw, ang mga magmamantala mahimong motanyag nga regular nga mohatod sa mga magasin o motanyag ug suskrisyon kon sila nagpuyo nga halayo sa kongregasyon. Pagdala kanunay ug brosyur nga Gikinahanglan aron makasugod ug mga pagtuon sa Bibliya uban sa interesadong mga tawo.
◼ Ang mga kongregasyon angayng maghimog mga kahikayan sa pagsaulog sa Memoryal niining tuiga sa Huwebes, Marso 28, 2002, human sa pagsalop sa adlaw. Bisan tuod ang pakigpulong mahimong magsugod nga sayosayo pa, ang pagpasa sa mga emblema sa Memoryal kinahanglan nga dili sugdan hangtod human sa pagsalop sa adlaw. Bisan tuod maayo alang sa matag kongregasyon ang paghimog kaugalingong pagsaulog sa Memoryal, hayan dili kini kanunayng posible. Diin ubay-ubayng mga kongregasyon ang naandang nagagamit sa samang Kingdom Hall, tingali usa o dugang mga kongregasyon ang makagamit ug laing pasilidad sa maong gabii.
◼ Ang espesyal nga pakigpulong publiko sa 2002 nga panahon sa Memoryal ipahayag sa Dominggo, Abril 14, 2002. Kini nag-ulohang “Ibutang Kanunay sa Hunahuna ‘ang Makalilisang nga Adlaw.’” Ang usa ka laraw itagana alang sa mga mamumulong sa igong panahon. Kadtong mga kongregasyon nga adunay duaw sa magtatan-aw sa sirkito, sirkitong asembliya, o adlawng espesyal nga asembliya nianang maong hinapos sa semana maghimo sa maong espesyal nga pakigpulong sa pagkasunod semana. Walay kongregasyon ang maghimo sa espesyal nga pakigpulong una pa sa Abril 14, 2002.
◼ Sanglit ang Abril ug Mayo maoy espesyal nga mga bulan sa magasin ug daghan ang makig-ambit diha sa buluhatong oksilyare payunir nianang panahona, ang magtatan-aw sa pag-alagad ug ang igsoong lalaki nga nagadumala sa mga magasin kinahanglang magtagad na karon sa pag-order ug ekstrang mga magasin nga magamit sa kongregasyon sulod sa maong mga bulan. Palihog ipadala ang inyong espesyal nga mga order aron moabot kini sa sangang buhatan sa pagka-Pebrero 1, 2002. Kini magseguro nga inyong madawat ang ekstrang mga magasin nga dungan sa inyong regular nga order.
◼ Bag-ong mga Publikasyong Mabatonan:
Watch Tower Publications Index, 1986-2000—Ingles
Tract T-72, The Greatest Name—Ingles
Tract T-73, Who Are Jehovah’s Witnesses?—Ingles
(Matikdi: Ang duha ka tract sa ibabaw linaing gidisenyo alang sa mga Muslim. Aduna lang kamiy limitadong suplay nga mahimong orderon.)