Bag-ong mga Korporasyon Giporma

Ang Enero 15, 2001 nga gula sa Ang Bantayanang Torre nagtaho bahin sa organisadong paagi nga ang mga Saksi ni Jehova padayong nagaabante uban ang buluhaton sa Gingharian sa tibuok yuta. Gipatin-aw usab niana kon sa unsang paagi gigamit ang nagkalainlaing legal nga mga instrumento ingong mga himan aron mapasayon ang pagpakaylap sa maayong balita. Ang maong mga instrumento o mga korporasyon kinahanglanon sa pagpahiuyon ngadto sa lokal ug nasyonal nga mga balaod, sumala sa gikinahanglan sa Pulong sa Diyos. (Roma 13:1) Tungod sa pagkadaiya ug gilapdon sa atong buluhaton, giuyonan sa Nagamandong Lawas ang pagporma ug dugang nga mga korporasyon aron atimanon ang tino nga mga panginahanglan sa mga Saksi ni Jehova didto sa Tinipong Bansa. Ang bag-ong mga korporasyon mao ang mosunod:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Kining mga korporasyona molihok duyog sa Watch Tower Bible and Tract Society of Pennsylvania ug Watchtower Bible and Tract Society of New York, Inc. Gipasalamatan ug dako uyamot ang inyong kooperasyon uban niining mga pagpasibo nga gihimo sa Nagamandong Lawas sa pagtuman sa asaynment niana sa pag-atiman sa tanang kabtangan sa Agalon.​—Mat. 24:45-47.