Eskedyul sa Tigom sa Pag-alagad
Semana sa Pebrero 11
12 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa pagbasa o pagsubli sa Genesis 6:1 ngadto sa 9:19 ug sa pagtan-aw sa video nga Noah—He Walked With God agig pagpangandam sa panaghisgot diha sa Tigom sa Pag-alagad sa semana sa Marso 4.
20 min: “Iwali sa Bug-os ang Pulong sa Diyos.”a (Mga parapo 1-13) Dumalahon sa nagadumalang magtatan-aw. Usa ka makapadasig nga panaghisgot bahin sa atong gitinguhang mapalampos sa Marso, Abril, ug Mayo. Ang tanan angayng maggamit sa kalendaryo nga gitagana diha sa pasukip aron planohon ang praktikal nga eskedyul sa pagpakig-ambit kutob gayod sa maarangan diha sa ministeryo sulod sa Marso. Dasiga ang tanan nga makahimo sa pag-oksilyare payunir nianang bulana. Sa dihang hisgotan ang mga parapo 7-8, hangyoa nga mosulti kadtong nagpayunir sa miaging panahon sa Memoryal bahin sa mga panalangin nga ilang napahimuslan. Ipahibalo nga ang mga aplikasyon sa pag-oksilyare payunir mabatonan human niining tigoma ug maingon man sa tigom sa Dominggo, Pebrero 17 alang niadtong nagplano nga magpayunir.
13 min: “Kon Unsay Isulti Labot sa mga Magasin.” Pasultiha ang mga magmamantala kon sa unsang paagi kining bahina sa Atong Ministeryo sa Gingharian nakatabang kanila nga mas maandam. Sa duha ka mubong mga pasundayag, ipakita kon unsaon pagtanyag ang Pebrero 15 nga Bantayanang Torre ug dayon ang Pebrero 22 nga Pagmata!
Awit 49 ug paniklop nga pag-ampo.
Semana sa Pebrero 18
10 min: Lokal nga mga pahibalo. Taho sa kuwenta.
15 min: “Nganong Padayong Mosangyaw?”b Taposon pinaagig mga interbiyo sa usa o duha ka magmamantala nga padayong nagsangyaw sulod sa daghang katuigan. Ilang ipaambit ang ilang mga pagbati kon nganong milahutay sila niining buluhatona ug kon sa unsang paagi nakabenepisyo sila niana.
20 min: “Iwali sa Bug-os ang Pulong sa Diyos.”c (Mga parapo 14-23) Dumalahon sa magtatan-aw sa pag-alagad. Larawa ang tibuok eskedyul sa mga tigom sa dayon nang pagsangyaw nga giplano sa Marso. Isentro ang pagtagad sa pagpaabtik pag-usab niadtong nahimong mga di-aktibo ug sa pagtabang sa mga bata ug mga estudyante sa Bibliya nga mahimong takos ingong di-bawtismadong mga magmamantala. Ipahibalo ang mga ngalan niadtong nakaaplay na nga mag-oksilyare payunir sa Marso, ug dasiga ang mas pa nga mohimog mainampoong pagpamalandong sa pagduyog kanila.
Awit 143 ug paniklop nga pag-ampo.
Semana sa Pebrero 25
10 min: Lokal nga mga pahibalo. Ipasundayag ang duha ka mubong mga presentasyon sa magasin—ang usa naggamit sa Marso 1 nga Bantayanang Torre ug ang ikaduha naggamit sa Marso 8 nga Pagmata!
35 min: “Ginapadapat Mo ba ang Imong Nakat-onan sa ‘Mga Magtutudlo sa Pulong sa Diyos’ Distritong Kombensiyon?” Panaghisgot sa mamiminaw sa programa sa kombensiyon, nga dumalahon sa tagdumala sa Pagtuon sa Bantayanang Torre. Human sa usa ka minuto nga pasiuna, paggahin ug 10-12 minutos alang sa programa matag adlaw. Sa mubo ipresentar ang lintunganayng mga punto ilalom sa matag sub-ulohan ug unya dapita ang mamiminaw nga mokomento (1) kon sa unsang paagi naningkamot sila sa pagpadapat sa instruksiyon, (2) kon sa unsang paagi nakabenepisyo sila sa pagbuhat niana, ug (3) kon unsa pay gibati nilang kinahanglan nilang buhaton. Gamita ang makapukaw-sa-hunahunang mga pangutana sa pag-aghat sa makapadasig nga panaghisgot.
Awit 151 ug paniklop nga pag-ampo.
Semana sa Marso 4
5 min: Lokal nga mga pahibalo.
10 min: Gamita ang Librong Nangatarongan sa Pagsugod ug mga Pagtuon. Sulod sa Marso buot natong maningkamot pag-ayo sa pagsugod ug mga pagtuon sa Bibliya sa balay. Sa mubo iasoy ang kasinatian diha sa Agosto 1998 nga Atong Ministeryo sa Gingharian, panid 4, parapo 8. Kon dunay bag-o lang nakasugod ug pagtuon ginamit ang librong Kahibalo uban sa bag-ong tract nga Gusto Ka Bang Makabaton ug Dugang Kahibalo Bahin sa Bibliya?, ipasundayag nila kon sa unsang paagi kadto napalampos.
15 min: “Dulot nga Epekto sa mga Video nga Mohatag ug Pamatuod.” Panaghisgot sa mamiminaw. Hangtod karon, nasubli na nato ang walo sa atong mga video diha sa programa sa Tigom sa Pag-alagad. Paasoya ang mga magmamantala sa mga kalamposan nga ilang napahimuslan gumikan sa pagpasalida sa mga video ngadto sa uban.
15 min: “Ang Tanan Makakat-on Gikan sa Noah—He Walked With God.” Sugdi dayon ang panaghisgot uban sa mamiminaw sa video nga Noah, nga gamiton lamang ang mga pangutana nga gitagana diha sa kahon niini nga panid. Sa Abril atong sublion ang video nga Young People Ask—How Can I Make Real Friends? (Matikdi: Sa mga kongregasyon nga walay magamit niini nga video, ang pakigpulong nga “Ikaw Bililhon sa mga Mata sa Diyos!” mahimong puli nga ipahayag, pinasukad sa Hunyo 8, 1999 nga Pagmata!, mga panid 11-13.)
Awit 215 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.