Eskedyul sa Tigom sa Pag-alagad
Semana sa Mayo 13
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang lainlaing mga demonstrasyon kon sa unsang paagi itanyag ang Mayo 15 nga Bantayanang Torre ug ang Mayo 22 nga Pagmata!
20 min: “Sugyot nga mga Presentasyon sa Pag-alagad sa Kanataran.” Panaghisgot sa mamiminaw sa pasukip nga dumalahon sa magtatan-aw sa pag-alagad. Kini nga pasukip naundan sa sugyot nga mga presentasyon nga anaa sa miaging mga gula sa Atong Ministeryo sa Gingharian uban sa pipila nga bag-o. Ang blangko nga mga linya mahimong gamiton aron sulatan sa ubang mga sugyot nga mapatik sa umaabot ug mapamatud-ang epektibo sa lokal nga teritoryo. Dapita ang mamiminaw sa pagsugid kon unsang mga presentasyona ang ilang nagustohan pag-ayo ug ngano. Ipasundayag ang usa o duha ka presentasyon nga mahimong gamiton niining hinapos sa semana. Dasiga ang tanang magmamantala ug mga payunir nga tipigan kini nga pasukip ug tamdan kini kanunay sa dihang mangandam alang sa ministeryo.
15 min: “Imong Malikayan ang Espirituwal nga Atake sa Kasingkasing.” Pakigpulong nga gibase sa artikulo sa Disyembre 1, 2001, Bantayanang Torre, mga panid 9-13. Ipasiugda nga hinungdanon ang pag-amping sa atong mahulagwayong kasingkasing sama gayod sa pag-amping sa atong pisikal nga kasingkasing. Dasiga ang tanan nga dili isalindot ang mapasidan-ong mga timailhan sa espirituwal nga pagkaluya.
Awit 115 ug paniklop nga pag-ampo.
Semana sa Mayo 20
10 min: Lokal nga mga pahibalo. Taho sa kuwenta. Sublia ang “Pangutana.”
15 min: “Dako ba ang Teritoryo sa Inyong Kongregasyon?” Pakigpulong ug panaghisgot sa mamiminaw nga dumalahon sa magtatan-aw sa pag-alagad. (Mahimong repasohon sa mga kongregasyon nga adunay limitadong teritoryo ang artikulong “Gamitang Mapuslanon ang Imong Panahon,” diha sa Hunyo, 1999 nga Atong Ministeryo sa Gingharian, panid 4.) Hisgoti kon unsa ka dako ang teritoryo nga gihuptan sa kongregasyon ug unsa ka dako ang nakobrehan sa miaging tuig. Ipatin-aw kon sa unsang paagi ang gitanyag nga mga sugyot mapadapat sa lokal nga paagi. Sublia ang mga plano nga ginahimo sa pagkobre sa talagsa-matrabaho nga teritoryo sa dili madugay.
20 min: “Gigamit Mo ba ang Gikinahanglan nga Brosyur sa Pagsugod ug mga Pagtuon?” Sugdi pinaagig usa ka demonstrasyon sa naandam-pag-ayo nga magmamantala kon unsaon pagsugod ang usa ka pagtuon, ginamit ang sugyot sa parapo 3. Human niana, hisgoti ang pangunang mga punto sa brosyur, ug ipatin-aw kon sa unsang paagi kini gidisenyo gayod sa pagsugod ug mga pagtuon. Ipakita ang kabililhon sa regular nga pagtamod sa mga sugyot sa mga panid 4 ug 6 sa pasukip niining bulana kon unsaon pagsugod ug mga pagtuon ginamit kini nga brosyur. Pangutan-a ang mamiminaw kon hain sa mga sugyot ang nakaplagan nilang labing epektibo. Taposa pinaagi sa pagsubli sa demonstrasyon sa parapo 3.
Awit 169 ug paniklop nga pag-ampo.
Semana sa Mayo 27
12 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho sa pag-alagad sa kanataran sa Mayo. Ginamit ang mga sugyot sa panid 8, ipasundayag sa edaran nga magmamantala kon sa unsang paagi itanyag ang Hunyo 1 nga Bantayanang Torre ug sa batan-ong magmamantala kon sa unsang paagi itanyag ang Hunyo 8 nga Pagmata! Human sa matag demonstrasyon, komentohi kon unsa ka sayon nga gigamit ang usa ka teksto diha sa pasundayag.
20 min: “Unsa ang Dunay Tinuod nga Bili?” Pakigpulong sa ansiyano nga gibase sa artikulo sa Septiyembre 15, 2001, Bantayanang Torre, mga panid 21-3. Ipakita kon sa unsang paagi ang pagbaton sa pag-uyon ni Jehova mas dakog bili kay sa bisan unsang kabantog o materyal nga mga kabtangan. Ipadapat ang mga punto nganha sa lokal nga kongregasyon aron mahimo kining praktikal.
13 min: Pagtanyag sa Kahibalo nga Libro sa Hunyo. Human sa mubong paghisgot sa pito ka “Mga Sugyot sa Pagtanyag sa Kahibalo nga Libro” sa panid 5 sa pasukip, ipasundayag sa naandam-pag-ayong mga magmamantala o mga payunir ang duha niining mga presentasyona. Dasiga ang tanan sa pagsubli niining mga sugyota sa dili pa makig-ambit sa ministeryo sa Hunyo.
Awit 93 ug paniklop nga pag-ampo.
Semana sa Hunyo 3
15 min: Lokal nga mga pahibalo. Ipaasoy sa pipila ka magmamantala ang mga panalangin nga ilang nasinati ingong resulta sa pagpakig-ambit sa buluhatong oksilyare o regular payunir sulod sa Marso, Abril, o Mayo.
15 min: Kon sa Unsang Paagi ang Librong Nangatarongan Naggamit sa Ubang mga Hubad sa Bibliya. Mubong pakigpulong nga sundan sa panaghisgot sa mamiminaw. Basaha ang parapo 2 sa panid 8 sa librong Nangatarongan, ug ipatin-aw kon ngano ug sa unsang paagi ang Bibliya kinahanglang ipasiugda diha sa atong ministeryo. Hisgoti ang listahan sa Bibliya nga gipamubo sa panid 6, ug ipatin-aw kon nganong mogamit kitag mga pangutlo gikan sa ubang mga hubad. Hisgoti ang mga pahamangno nga gihisgotan sa Oktubre 1, 1997, Bantayanang Torre, panid 16, parapo 2, ug panid 20, parapo 15. Ginamit ang mga ulohang “Apostolikong Paghalili,” “Larawan,” ug “Trinidad” diha sa librong Nangatarongan, dapita ang mamiminaw sa pag-ilustrar kon sa unsang paagi ang pagtandi sa mga hubad makatabang sa pagtudlo sa kamatuoran.
15 min: “Ang Atong Pagtuo Mopalihok Kanato sa Maayong mga Buhat.”a Sa dihang hisgotan ang parapo 2, interbiyoha sa mubo ang usa ka masibotong Saksi. Ipahayag sa magmamantala kon sa unsang paagi ang pagsangyaw ngadto sa uban nagpasundayag ug nagpalig-on sa iyang pagtuo.
Awit 56 ug paniklop nga pag-ampo.
[Footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.