Eskedyul sa Tigom sa Pag-alagad
Semana sa Septiyembre 9
13 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang duha ka pasundayag kon sa unsang paagi itanyag ang Septiyembre 15 nga Bantayanang Torre ug ang Septiyembre 22 nga Pagmata!
17 min: “Tabangi ang Uban sa Paghimaya Kang Jehova.”a
15 min: Nganong Kulang ug Pagtuo? Panaghisgot sa mamiminaw. Kanunay kitang makahibalag ug mga tawo nga gamay rag pagtuo. (2 Tes. 3:2) Aron mapaambit kanila ang kamatuoran, kinahanglan natong susihon kon nganong wala silay pagtuo. Tagda ang upat ka hinungdan nga gihisgotan diha sa librong Nangatarongan, mga panid 324-325 (p. 129-30 sa Ingles), nga makababag sa mga tawo nga mabatonan ang pagtuo. Dapita ang mamiminaw sa pagsugyot kon unsang paagiha ang mahimong gamiton sa matag kahimtang.
Awit 122 ug paniklop nga pag-ampo.
Semana sa Septiyembre 16
10 min: Lokal nga mga pahibalo. Taho sa kuwenta. Ilakip ang “‘Masibotong mga Magmamantala sa Gingharian’ Distritong mga Kombensiyon.”
18 min: Unsay Atong Nalampos sa Miaging Tuig? Pakigpulong sa magtatan-aw sa pag-alagad. Ihatag ang dagkong mga punto sa taho sa kongregasyon alang sa 2002 nga tuig sa pag-alagad. Dayega ang tanan tungod sa maayong mga butang nga nalampos. Isentro ang pagtagad sa nahimo sa kongregasyon maylabot sa pagtambong sa tigom, sa pagbalikduaw ug pagtuon sa Bibliya nga kalihokan, ug sa pag-oksilyare payunir. Paghimog makab-ot nga mga tumong alang sa umaabot nga tuig.
17 min: Ang mga Suliran nga Giatubang sa Nag-inusarang mga Ginikanan. Interbiyohon sa ansiyano ang usa o duha ka nag-inusarang mga ginikanan (o kadtong adunay di-Saksing mga kapikas) aron mahibaloan kon giunsa nila pagbansay ug paggiya sa espirituwal ang ilang mga anak nga sa samang panahon nag-atiman sa mga kaakohan sa pamilya ug usab sa pagtambong sa mga tigom ug paggula nga regular diha sa pag-alagad sa kanataran. Ipasiugda ang pipila ka sugyot nga gipresentar diha sa librong Kalipay sa Pamilya, mga panid 104-10.
Awit 149 ug paniklop nga pag-ampo.
Semana sa Septiyembre 23
10 min: Lokal nga mga pahibalo. Ginamit ang mga sugyot sa panid 8, ipasundayag sa ansiyano kon sa unsang paagi itanyag ang Oktubre 1 nga Bantayanang Torre ug ipakita sa ministeryal nga alagad kon sa unsang paagi itanyag ang Oktubre 8 nga Pagmata!
15 min: Pagbarog Dapig sa Kamatuoran Diha sa Eskuylahan. Interbiyoha ang usa o duha ka batan-ong mga magmamantala nga nag-eskuyla. Giunsa nila pagsagubang ang mga suliran ug mga pangdani nga gitanyag sa nasyonalistikanhong mga seremonyas, mga dakong tigom, ekstrakurikular nga mga esport, ug di-hinlong panggawi? Ilakip ang mga komento kon sa unsang paagi sila nakapamatuod diha sa eskuylahan.
20 min: “Likayi ang Pangagpas sa ‘mga Butang nga Walay-Bili.’”b Human mahisgoti ang parapo 4, ilakip ang mga komento diha sa pasukip sa Enero 2000 nga Atong Ministeryo sa Gingharian, mga parapo 30-2. Uban sa parapo 6, basaha ang parapo 18 diha sa pasukip sa Enero 2000.
Awit 105 ug paniklop nga pag-ampo.
Semana sa Septiyembre 30
15 min: Lokal nga mga pahibalo. Hisgoting “Nag-uswag ang Programa sa Pagpanukod ug Kingdom Hall.”
15 min: Unsay Nakapatalagsaon sa Atong mga Magasin? Hisgoti ang mga rason kon nganong talagsaon ang mga magasin: (1) Kini nagbayaw sa ngalan ni Jehova. (2) Kini nagdasig sa pagtuo kang Jesus. (3) Kini nagmantala sa Gingharian sa Diyos. (4) Kini nagsentro sa pagtagad ngadto sa Bibliya ingong kataposang awtoridad. (5) Kini nagpatin-aw sa katumanan sa tagna sa Bibliya. (6) Kini nagpatin-aw sa tinuod nga kahulogan luyo sa mga hitabo sa kalibotan. (7) Kini nagpakita kon unsaon pagsagubang ang mga problema karong adlawa. (8) Kini nakadani sa tanang matang sa mga tawo. (9) Kini nagpabiling neyutral sa politika. Ipresentar ang duha ka mubong mga pasundayag, nga ang matag usa magpakita kon sa unsang paagi ang usa niining mga puntoha magamit sa pagsugod sa panaghisgot.
15 min: “Ipakitang Pagpabili Alang sa Teokratikanhong Kapanguhaan.”c Dumalahon sa ansiyano. Awhaga ang tanan sa paglimite sa mga hangyo sa literatura ngadto sa aktuwal nga gikinahanglan. Pahinumdomi ang tanan maylabot sa pribilehiyo sa pag-amot sa pinansiyal nga paagi sa pagpaluyo sa tibuok-kalibotang buluhaton.
Awit 21 ug paniklop nga pag-ampo.
Semana sa Oktubre 7
10 min: Lokal nga mga pahibalo.
10 min: Lokal nga mga panginahanglan.
25 min: “Kahadloki ang Diyos ug Ihatag Kaniya ang Himaya.” (Pin. 14:7) Pakigpulong ug panaghisgot sa mamiminaw nga nagrepaso sa programa sa sirkitong asembliya alang niining tuiga. Dapita ang kongregasyon sa pagkomento bahin sa pangunang mga puntong nakat-onan ug kon giunsa nila pagpadapat kana. (Ang mga bahin mahimong iasayn nga abante.) Ipasiugda kining mga bahina sa programa: (1) “Tabangi ang mga Bag-ohan sa Pag-ugmad ug Kahadlok sa Diyos.” Sa unsang paagi atong matabangan ang mga interesado nga nakatambong sa Memoryal nga mouswag ug mahimong aktibong mga alagad ni Jehova? (2) “Ang Pagkahadlok Kang Jehova Nagkahulogan sa Pagdumot sa Daotan.” Sa unsang paagi ang Proverbio 6:16-19 makatabang kanato sa paglikay gikan sa mga butang nga gidumtan ni Jehova—garbo, pagpamakak, materyalistikanhong mga pangagpas, di-maayong kalingawan, sayop nga paggamit sa Internet? (3) “Suora pa Gayod Kadtong Imong Gihigugma.” Sa unsang paagi ang pagpakigsuod kang Jehova, Jesus, mga membro sa pamilya, ug sa uban pa diha sa kongregasyon magpanalipod kanato gikan sa kalibotan? (4) “Kahadloki si Jehova, Dili ang mga Tawo.” Sa unsang paagi ang pagkahadlok nga dili mapahimut-an si Jehova nakatabang kanimo sa pagbuntog sa pagkamaulawon sa dihang magsangyaw, sa pagsunod sa diyosnong mga prinsipyo diha sa trabahoan o sa eskuylahan, o sa pagsukol sa pagpit-os sa imong amo nga mopalta sa mga tigom, mga asembliya, ug mga kombensiyon? (5) “Himoa ang Tanang Butang Alang sa Kahimayaan sa Diyos.” (Sal. 119:37; Heb. 4:13) Nganong angayng pugngan kita sa diyosnong kahadlok gikan sa sobrang pag-inom, pagtan-aw sa pornograpiya, o sa pagbuhat sa ubang tinago nga mga sala? (6) “Magpadayon sa Paglakaw Diha sa Kahadlok Kang Jehova.” Sa unsang paagi si Jehova nagpanalangin kanimo tungod sa pagtugot sa iyang espiritu nga molihok sa bug-os diha sa imong kinabuhi?—Sal. 31:19; 33:18; 34:9, 17; 145:19.
Awit 171 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.