Mga Pahibalo

◼ Tanyag nga literatura sa Pebrero: Bisan hain sa librong Creation o Pinadayag Sangkoanan mahimong itanyag. Marso: Ang librong Kahibalo itanyag uban sa paningkamot nga makasugod ug mga pagtuon sa Bibliya. Abril ug Mayo: Indibiduwal nga mga kopya sa Ang Bantayanang Torre ug Pagmata! Sa mga balikduaw, ang mga magmamantala mahimong motanyag nga maoy regular nga mohatod sa mga magasin, uban ang tumong nga makasugod ug pagtuon sa Bibliya.

◼ Ang sekretaryo ug ang magtatan-aw sa pag-alagad angayng magsubli sa kalihokan sa tanang regular payunir sa kataposan sa Pebrero. Nianang higayona angay nga sila aduna nay mga 420 ka oras nga gitaho. Kon adunay nalisdan sa pagkab-ot sa gikinahanglang oras, ang mga ansiyano kinahanglang maghikay alang sa tabang nga ikahatag aron ilang mahulipan ang wala makab-ot nga oras sulod sa nahibiling unom ka bulan sa tuig sa pag-alagad. Alang sa mga sugyot, repasoha ang S-201 tinuig nga sulat nga penetsahag Oktubre 1, 2002.

◼ Ang nagadumalang magtatan-aw o usa nga iyang gitudlo kinahanglang mag-awdit sa kuwenta sa kongregasyon sa Marso 1 o sa dili madugay nga maarangan human niana. Inigkahuman niini, ipahibalo sa kongregasyon human mabasa ang sunod nga taho sa kuwenta.

◼ Sa Dominggo, Pebrero 16, 2003, adunay miting uban niadtong nagaplano nga mag-oksilyare payunir sulod sa mga bulan sa Marso, Abril, ug Mayo. Ang tanan gidasig sa pagtambong. Ang magtatan-aw sa pag-alagad maoy modumala sa miting, ug paneguroong mabatonan ang igoigong Applications for Auxiliary Pioneer Service aron ikaapod-apod sa tanang motambong niining tigoma.

◼ Ang bisan unsang mga tigom nga gieskedyul sa Miyerkoles, Abril 16, 2003 angayng pagahimoon sa laing adlaw sulod sa semana sa Memoryal.

◼ Ang espesyal nga pakigpulong publiko nga pagahimoon sa Abril 27, 2003 may ulohan nga “Miabot na ba ang Takna sa Paghukom sa Babilonya?” Ang mga kongregasyon nga may duaw sa magtatan-aw sa sirkito, adlawng espesyal nga asembliya, o sirkitong asembliya sa hinapos sa semana sa Abril 26-27, 2003, angayng mag-eskedyul sa espesyal nga miting publiko sa Mayo 4, 2003.

◼ Bag-ong mga Publikasyon nga Mabatonan:

Draw Close to Jehovah​—Bicol, Cebuano, Hiligaynon, Iloko, Iningles, Ininsek, Pangasinan, Samar-Leyte, Tagalog

Worship the Only True God​—Cebuano, Hiligaynon, Iloko, Iningles, Ininsek,Pangasinan, Tagalog

◼ Bag-ong Videocassette nga Mabatonan:

Respect Jehovah’s Authority​—Ingles (Kini ang drama maylabot sa pagrebelde ni Kore nga nakita sa 2001-2 distritong mga kombensiyon.)