Repaso sa Teokratikanhong Tunghaan sa Ministeryo
Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Pebrero 24, 2003. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Enero 6 hangtod sa Pebrero 24, 2003. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, pp. 36-7.]
MGA HIYAS SA PAGPANULTI
1. Matuod o Bakak: Ang yawi sa tukmang pagbasa mao ang pagseguro nga ang ginabasa morag husto, bisan pag may gamayng kalainan kini diha sa nasulat. Ipatin-aw. [be p. 83] Bakak. Dili kanunayng tukma ang morag hustong paminawon sa magbabasa. Aron tukma ang pagbasa, kinahanglang basahog kusog sa usa kon unsay makita diha sa pinatik nga panid nga dili dugangan ug mga pulong, laktawan ang mga pulong, labyan ang mga bahin sa mga pulong, o ilisan ang usa ka pulong. Ang tukmang pagbasa naglangkit usab sa hustong paglitok.
2. Ihatag ang mga Tubag: Aron tukma ang pagbasa, ang usa kinahanglang _________________________ , _________________________ , _________________________ magbansay, magbansay, magbansay ug buhaton kana nga kusog. [be p. 85]
3. Nganong hinungdanon ang pagsulti nga tin-aw? (1 Cor. 14:8, 9) [be p. 86] Kon tin-aw ang imong paglitok, ang uban makasabot sa imong isulti. Ang mga pulong nga tin-awng pagkasulti lagmit tagdon nga seryoso. (Diwa igo na.)
4. Unsa ang pipila ka hinungdan sa dili-klarong pagpanulti, ug unsay atong mahimo aron makasulti nga mas tin-aw? [be pp. 87-8] Ang dili-klarong pagpanulti tingali maoy tungod sa dili pagbuka pag-ayo sa baba, pagsulti nga paspas kaayo, o paglaktaw sa mga silaba. Mapauswag kini pinaagi sa pagtarong sa imong ulo, igong pagbuka sa baba, ug pagkat-on sa pagrelaks sa mga kaunoran sa nawong ug tutonlan. (Diwa igo na.)
5. Unsa ang pipila ka pulong nga gigamit sa Teokratikanhong Tunghaan sa Ministeryo sulod sa miaging duha ka bulan ang gibati nimong kinahanglang bansayon aron hustong malitok? [be p. 92] [Pahamangno sa magtatan-aw sa tunghaan: Matikdi ang mga pulong nga kasagarang sayop ang pagkalitok. Ipaila ang hustong paglitok apan sa paagi nga dili makapakaulaw. Pananglitan, human makonsulta ang mga lagda nga gihatag diha sa “New World Translation” ug diha sa usa ka kasaligang diksiyonaryo, mahimo nimong hisgotan uban sa mamiminaw ang hustong paglitok sa mga pulong “Bethphage,” “Thaddaeus,” ug ang “the.”]
ASAYNMENT NUM. 1
6. Matuod o Bakak: Ang atong mga mata makatabang kanato sa pagpaminaw. Ipatin-aw. [be p. 14] Matuod. Ang mga mata kusog nga makaapektar kon asa nato isentro ang atong atensiyon. Atong magamit ang atong mga mata aron matabangan kita sa pagsentro sa atensiyon pinaagi sa kanunayng pagtan-aw sa mamumulong ug pagsunod kaniya samtang iyang basahon ang mga teksto sa Bibliya. Kon dili kita magtan-aw sa mamumulong, dili nato masabtan ang kadaghanan sa ipahayag gikan sa plataporma.
7. Ihatag ang mga Tubag: Ang _________________________ , _________________________ , yuta, bulan, ug ang _________________________ adlaw pulos nagsilbi ingong mga timailhan sa panahon nga gihatag sa Diyos. [si p. 279 par. 7]
8. Ihatag ang mga Tubag: Sa paggamit sa Bibliya, ang terminong “adlaw” mahimong magtumong sa yugto nga _________________________ 12 ka oras, _________________________ 24 ka oras, _________________________ 1,000 ka tuig, o _________________________ mga milenyo, ang konteksto nagpaila sa kahubitan nga kini mapadapat. [si p. 279 par. 8] (Ang mga tubag mahimong ihatag bisag dili magsunodsunod.)
9. Sa unsang paagi ang mga panig-ingnan ni Ana, Marcos, ug Elias motabang kanato sa pagbuntog sa pagkaluya sa buot? Sa unsang paagi atong magamit kining maong mga panig-ingnan sa pagtabang sa uban? [w01 2/1 pp. 20-3] Imbes maluya ang buot o maghambin ug kayugot sa dihang nasaypan pag-akusar sa hataas nga saserdote sa Israel, si Ana prangka apan matinahoron nga nagpahayag sa mga kamatuoran ngadto kaniya. Si Marcos nagpabiling aktibo diha sa pag-alagad, nga mibiyahe uban kang Bernabe inay magpadaog sa kaluya sa buot nga wala siya iuban ni apostol Pablo sa misyonaryong panaw. Si Elias usab dunay mga suliran nga nagwagtang sa makadiyot sa iyang kalipay. Bisan pa niana, siya misalig kang Jehova alang sa instruksiyon ug kusog sa pagtuman sa iyang matagnaong asaynment. Kining maong mga panig-ingnan makatabang kanato sa pagdasig niadtong nakaagom sa kaluya sa buot sa pagbuntog sa ilang mga suliran ug sa pagkinabuhig mabungahong kinabuhi. (Diwa igo na.)
10. Sa unsang paagi ang pagsabot sa karaang atletikong mga dula naghatag ug katin-awan sa pipila ka bersikulo sa Bibliya? Sa unsang paagi kining impormasyona angayng makaapektar sa atong kinabuhi? [w01 1/1 pp. 28-31] Sa pagkasayod nga ‘walay banggiitang kriminal ang tugotang makigsangka’ diha sa mga dula sa karaang Gresya, mas masabtan pa nato ang giingon ni Pablo diha sa 2 Timoteo 2:5 nga ang usa kinahanglang “makigsangka subay sa mga lagda” diha sa lumba sa kinabuhi. Ang pagkahibalo nga ang mga magdadagan sa karaang mga dula wala mapabug-ati ug mga sinina o mga kahimanan motabang kanato sa pagsabot sa giingon ni Pablo diha sa Hebreohanon 12:1 bahin sa ‘pagtangtang sa tanang kabug-at.’ Ang karaang mga lumba nagsulay sa kalig-on ug pagkamalahutayon, ug kini nagpatin-aw sa dugang giingon ni Pablo bahin sa pagdagan nga malahutayon. Ang ganti tungod sa pagdaog sa karaang mga lumba sa dagan sa Gresya kasagarang ginama sa mga dahon sa lawrel, ihalas nga olibo, o pino. Kining kamatuorana motabang kanato sa pagsabot sa kahulogan sa giingon ni Pablo diha sa 1 Corinto 9:24, 25 nga dili sama sa ganti tungod sa pagdaog sa atletikong mga bangga, ang ganti alang sa Kristohanong pagkamalahutayon dili madunot. Busa tin-awng giilustrar ni apostol Pablo ang mga ganti sa pagkab-ot sa mga kinahanglanon sa Diyos, pagbiya sa materyalistikanhong panglantaw, ug sa paglahutay alang sa ganti nga kinabuhing walay kataposan. (Diwa igo na.)
SENEMANANG PAGBASA SA BIBLIYA
11. Matuod o Bakak: Sanglit ang Gingharian sa Diyos natukod na man didto sa langit niadtong 1914, dili na tukma ang pag-ampo nga, “Paanhia ang imong gingharian.” (Mat. 6:10) Ipatin-aw. [be p. 279; w96 6/1 p. 31] Bakak. Ang pag-ampo nga “Paanhia ang imong gingharian” maoy tukma ug tugob gihapon sa kahulogan tungod kay ang nagmando na karon nga Gingharian sa Diyos molihok pa sa umaabot sa mahukmanong paagi maylabot niining yutaa, ug kini mao ang anaa sa atong hunahuna sa dihang atong litokon diha sa pag-ampo ang susamang mga pulong nga gihisgotan sa Pag-ampo sa Ginoo.
12. Matuod o Bakak: Ang giingon ni Jesus nga narekord diha sa Mateo 11:24 nagkahulogan nga kadtong gilaglag ni Jehova pinaagi sa kalayo didto sa Sodoma ug Gomora pagabanhawon. Ipatin-aw. Bakak. Si Jesus wala maghisgot nga direkta maylabot sa walay-kataposang paghukom ug pagkabanhaw. Ang iyang punto maoy kon unsa ka dili-masanongon ang mga tawo sa Corasin, Betsaida, ug Capernaum ug kon unsa ka imposible gayod nga sila magbag-o. Ang pag-ingon nga “mas maagwanta pa unya” sa Tiro/Sidon ug sa Sodoma/Gomora ang “Adlaw sa Paghukom” maoy usa ka matang sa hyperbole, o paghingapin, nga dili tuyo ni Jesus nga sabton sa literal nga paagi. Gawas pa, sanglit ang Bibliya naggamit sa Sodoma/Gomora ug sa Lunop ingong mga sumbanan sa malaglagong kataposan sa presenteng daotang sistema, dayag nga kadtong gilaglag sa Diyos niadtong miaging mga paghukom nakasinatig dumalayon nga kalaglagan.—2 Ped. 2:4-9; Jud. 7. [2, w88 6/1 pp. 30-1]
13. Pilia ang Hustong Tubag: Ang matinumanon ug maalamong ulipon nga gihisgotan ni Jesus diha sa Mateo 24:45-47 mao (a) ang Nagamandong Lawas sa mga Saksi ni Jehova; (b) ang tanang dinihogang mga Kristohanon ingong grupo dinhi sa yuta sa bisan unsang panahon; (c) si Jesu-Kristo mismo. Kining maong ulipon nagtaganag espirituwal nga pagkaon sa hustong panahon ngadto sa “mga sulugoon sa panimalay,” nga naghawas sa (a) mga dinihogan ingong indibiduwal; (b) ubang mga karnero; (c) tanang magbabasa sa Kristohanong mga publikasyon. Ang Agalon nagtudlo sa ulipon ibabaw sa tanan niyang kabtangan niadtong tuig (a) 1914; (b) 33 K.P.; (c) 1919. [5, w93 5/1 pp. 16-18; tan-awa usab ang w90 3/15 p. 14.]
14. Pilia ang Hustong Tubag: Ang baling nga gihisgotan diha sa ilustrasyon ni Jesus sa Mateo 13:47-50 naglakip sa kongregasyon sa dinihogang mga Kristohanon ug sa (a) Mesiyanikong Gingharian sa Diyos; (b) ilang mga kauban nga ubang mga karnero; (c) Kakristiyanohan. Ang baling naghawas sa yutan-ong galamiton nga nag-angkong kongregasyon sa Diyos ug nagtigom ug “isda,” o mga tawo nga nag-angkong nagsunod kang Kristo. Naglakip kini sa Kakristiyanohan, nga nakakuhag daghan kaayong dili-maayong “isda” nga wala uyoni sa Diyos, ug sa kongregasyon sa dinihogang mga Kristohanon, nga ang ulahi padayong nakakuhag ‘maayong isda,’ ilalom sa paggiya sa mga manulonda, ingon sa gihisgotan sa Mateo 13:49. [3, w92 6/15 p. 20]
15. Sumala sa giingon ni Jesus nga narekord diha sa Mateo 5:24, unsay angay nimong buhaton kon gibati nimong nakapasilo kag isigkamagsisimba? [g96 2/8 pp. 26-7] Kon ang imong tanlag nagpahinumdom kanimo nga nakapasilo kag isigkamagsisimba, ikaw mao ang angayng mosugod sa kalmadong panaghisgot uban sa usa nga nasilo diha sa espiritu sa Kristohanong gugma, uban ang tumong nga makig-uli, nga kasagaran pinaagi sa pagpangayog pasaylo.