Eskedyul sa Tigom sa Pag-alagad

Semana sa Hunyo 9

Awit 81

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang duha ka pasundayag kon sa unsang paagi itanyag ang Hunyo 15 nga Bantayanang Torre ug ang Hunyo 22 nga Pagmata!

15 min: “Ang Kristohanong Ministeryo​—Atong Labing Hinungdanong Buluhaton.”a Dasiga ang mga batan-on sa pagtagad sa mga panalangin nga ilang matagamtam pinaagi sa pagsulod sa bug-os-panahong pag-alagad. Ilakip ang mga komento sa impormasyon ubos sa sub-ulohang “Sa Dihang ang Kultura ug Konsensiya Magkasumpaki,” diha sa Nobyembre 1, 2000, Bantayanang Torre, mga panid 19-20.

20 min: “Pagkaretirado​—Usa ka Pultahan Ngadto sa Dugang nga Kalihokan?”b Kon posible, ilakip ang mubong interbiyo sa usa ka magmamantala nga naggamit sa pagkaretirado sa sekular nga trabaho aron mohimog dugang pa diha sa pag-alagad kang Jehova.

Awit 190 ug paniklop nga pag-ampo.

Semana sa Hunyo 16

Awit 55

8 min: Lokal nga mga pahibalo. Taho sa kuwenta.

12 min: Lokal nga mga panginahanglan.

25 min: “Magmakugihon sa ‘Paghatag ug Bug-os nga Pagpamatuod.’”c Gamita ang mga pangutana nga gitagana. Human mahisgoti ang mga parapo 5 ug 6, ilakip ang mubong pasundayag sa di-pormal nga pagsangyaw ngadto sa usa ka tindero ug magtanyag sa tract nga Gusto Ka Bang Makabaton ug Dugang Kahibalo Bahin sa Bibliya? Sa dili pa hisgotan ang mga parapo 7 ug 8, ipabasag kusog kining mga parapoha.

Awit 131 ug paniklop nga pag-ampo.

Semana sa Hunyo 23

Awit 95

10 min: Lokal nga mga pahibalo. Ginamit ang mga sugyot sa panid 8, himoa ang duha ka separadong mga pasundayag kon sa unsang paagi itanyag ang Hulyo 1 nga Bantayanang Torre ug ang Hulyo 8 nga Pagmata! Diha sa usa sa mga pasundayag, ipasundayag ang magmamantala nga nagsangyaw sa kadalanan.

20 min: Unsay Mahimo Bahin sa Pagkaluya sa Buot? Pakigpulong ug panaghisgot sa mamiminaw nga gipasukad sa Nobyembre 15, 1999, Bantayanang Torre, mga panid 28-9, hangtod sa sub-ulohang “Paghupot ug Maayong Tinamdan.” Hikaya daan ang usa o duha ka epektibong mga magmamantala nga magsaysay kon unsay nakatabang kanila sa pagpabiling malipayon diha sa ilang ministeryo.

15 min: “Pagsangyaw Diha sa Kalibotan nga Kanunayng Nagakausab.”d Sa dihang hisgotan ang mga parapo 2-3, pangutan-a ang mamiminaw kon unsang bag-ong mga hitabo ang mahimong gamiton sa pagsugod ug mga panaghisgot diha sa lokal nga teritoryo. Sa dihang hisgotan ang parapo 4, himoa ang usa ka mubong pasundayag, ginamit ang usa sa mga presentasyon nga gihisgotan.

Awit 15 ug paniklop nga pag-ampo.

Semana sa Hunyo 30

Awit 3

10 min: Lokal nga mga pahibalo. Repasoha ang tanyag nga literatura alang sa Hulyo ug Agosto. Ipasiugda ang brosyur nga Makapatagbaw nga Kinabuhi ug laing brosyur nga anaa sa estak. Himoa ang naandam pag-ayong mga pasundayag kon sa unsang paagi itanyag ang maong mga brosyur diha sa ministeryo.

15 min: “Baldado​—Apan Mabungahon.”e Ilakip ang mga komento kon sa unsang paagi makatabang ang uban, nga gipasukad sa Agosto 22, 1990, Pagmata!, mga panid 22-3, ubos sa sub-ulohang “Unsay Mahimo?”

20 min: Gamita ang Pulong sa Diyos sa Epektibong Paagi sa Pagsangyaw sa Gingharian. Panaghisgot sa mamiminaw nga dumalahon sa magtatan-aw sa pag-alagad. Uban sa matag tawo nga atong mahibalag diha sa atong ministeryo, paningkamotan natong ikapaambit ang makapalig-on nga Kasulatanhong impormasyon bahin sa Gingharian. Apan, kinahanglang mobuhat kitag labaw pa kay sa pagbasa lamang sa mga teksto sa Bibliya. Kinahanglan natong ipatin-aw, iilustrar, ug ipadapat kana. Ipasundayag kon sa unsang paagi kini himoon, ginamit ingong mga pananglitan ang pipila ka teksto nga gisitar diha sa librong Nangatarongan, mga panid 87-8 (p. 154-5 sa Iningles), ilalom sa italisadong sub-ulohang “Ang tawhanong mga magmamando wala man makatagana sa dinaliang gikinahanglan sa katawhan.” Human sa panaghisgot, ipasundayag sa naandam-pag-ayong magmamantala kon sa unsang paagi gamiton ang usa ka teksto sa epektibong paagi diha sa usa ka balikduaw, nga maghatag ug usa ka laktod nga pagpatin-aw, usa ka yanong ilustrasyon, ug usa ka mubong kapadapatan nga magpakita sa tagbalay kon sa unsang paagi ang pagmando sa Gingharian makabenepisyo kaniya sa personal. Sugdi ang pasundayag nga ang magmamantala nagbasa sa teksto. Dasiga ang tanan sa pag-ugmad sa katakos sa paggamit sa Pulong sa Diyos sa epektibong paagi.

Awit 171 ug paniklop nga pag-ampo.

Semana sa Hulyo 7

Awit 165

5 min: Lokal nga mga pahibalo.

15 min: Lokal nga mga eksperyensiya. Iasoy ang mga eksperyensiya sa lokal nga mga magmamantala sa dihang (1) nagsangyaw sa mga tawo nga nagsultig laing mga pinulongan o (2) nagsangyaw diha sa mga kahimtang gawas sa pagpamalaybalay ug pagsangyaw sa kadalanan.

25 min: “Ipadayag ang Ngalan sa Diyos.”f Gamita ang mga pangutana nga gitagana. Sa dihang hisgotan ang parapo 4, ilakip ang mga komento diha sa kahon nga “Pagpahibalo sa Ngalan sa Diyos,” nga makita sa panid 124 sa librong Mga Magmamantala. Ipasundayag sa takos nga magmamantala ang usa ka pagbalikduaw. Ginamit ang duha o tulo ka teksto gikan sa librong Nangatarongan, mga panid 217-8 (p. 196-7 sa Iningles), ipakita kon nganong hinungdanong makaila ug makagamit sa personal nga ngalan sa Diyos.

Awit 197 ug paniklop nga pag-ampo.

[Mga footnote]