Eskedyul sa Tigom sa Pag-alagad
Semana sa Agosto 11
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 8, himoa ang duha ka separadong mga pasundayag kon sa unsang paagi itanyag ang Agosto 15 nga Bantayanang Torre ug ang Agosto 22 nga Pagmata! Diha sa usa sa mga presentasyon, ipasundayag kon sa unsang paagi dumalahon ang posibleng tigsumpo sa panaghisgot nga “Puliki ako.”—Tan-awa ang librong Nangatarongan, panid 19.
15 min: “Sundoga ang Pagkamaayo ni Jehova.”a Dapita ang mamiminaw sa pag-asoy ug mubong mga eksperyensiya nga magpasundayag kon sa unsang paagi ang mga buhat sa kalulot nagbukas ug kahigayonan sa pagpamatuod.
20 min: “Ang mga Panalangin sa Payunir nga Ministeryo.”b Gamita ang mga pangutana nga gitagana. Dapita ang usa o duha ka payunir sa pagkomento bahin sa mga panalangin nga ilang nadawat gikan sa pagpayunir. Hisgoti nga si bisan kinsa nga interesado makabaton ug aplikasyon gikan sa sekretaryo.
Awit 11 ug paniklop nga pag-ampo.
Semana sa Agosto 18
10 min: Lokal nga mga pahibalo. Taho sa kuwenta.
17 min: “Ang Buluhaton nga Magapalagsik.”c Hikaya daan ang duha o tulo ka komento kon sa unsang paagi ang Kristohanong ministeryo nagapalagsik kanila.
18 min: “Huptan Nato ang Atong Dapit sa Pagsimba nga Maayog Kahimtang.”d (Mga parapo 1-5) Gamita ang mga pangutana nga gitagana. Sa dihang hisgotan ang mga parapo 3 ug 4, repasoha ang lokal nga mga kahikayan sa paghinlo sa Kingdom Hall. Hisgoti ang bisan unsang mga butang nga nanginahanglag pagtagad. Dayega ang kongregasyon tungod sa ilang mga paningkamot sa pagmentinar sa angay nga dapit sa matuod nga pagsimba.
Awit 114 ug paniklop nga pag-ampo.
Semana sa Agosto 25
10 min: Lokal nga mga pahibalo. Ginamit ang mga sugyot sa panid 8, himoa ang duha ka separadong mga pasundayag kon sa unsang paagi itanyag ang Septiyembre 1 nga Bantayanang Torre ug ang Septiyembre 8 nga Pagmata! Sa matag pasundayag, ipakita ang usa ka ginikanan ug tin-edyer nga anak lalaki o babaye nga nagbansaybansay agig pagpangandam alang sa buluhatong pagmagasin. Ilang repasohon sa mubo ang matag gisugyot nga presentasyon sa dili pa kana ipasundayag.
15 min: “Magamit ba ang Imong Balay?” Pakigpulong sa magtatan-aw sa pagtuon sa libro. Ilakip ang mga komento diha sa “Pangutana” sa Abril 2001 ug Abril 1990 nga mga gula sa Atong Ministeryo sa Gingharian. Hisgoti ang ubay-ubayng mga grupo sa pagtuon sa libro diha sa kongregasyon ug ang aberids nga nanambong. Ipaasoy sa usa o duha ka magmamantala kon sa unsang paagi sila ug ang ilang mga pamilya nakabenepisyo sa pagtuon sa libro nga anaa sa ilang balay. Si bisan kinsa nga buot magpagamit sa ilang balay angayng magpahibalo niini ngadto sa nagadumalang magtatan-aw.
20 min: Pagbaton ug Kaisog sa Pagsangyaw. (1 Tes. 2:2) Pakigpulong nga may panaghisgot sa mamiminaw. Ipatin-aw kon nganong daghan ang nagpanuko sa pagsangyaw sa uban bahin sa mensahe sa Gingharian. Tinuod kini bisan niadtong mga aktibo sulod sa daghan nang katuigan. Iasoy ang pipila ka kasinatian nga makita diha sa Disyembre 1, 1999, Bantayanang Torre, panid 25; sa Disyembre 15, 1999, Bantayanang Torre, panid 25; ug sa Abril 1, 1996, Bantayanang Torre, panid 31. Dapita ang mamiminaw sa pagkomento kon sa unsang paagi sila nakabaton ug kaisog sa pagpaambit sa maayong balita sa mga okasyon nga mibati silag kahadlok. Taposa pinaagi sa pagdasig nga mokuhag kusog gikan kang Jehova, nga gipasukad sa Disyembre 15, 1999, Bantayanang Torre, mga panid 23-4.
Awit 125 ug paniklop nga pag-ampo.
Semana sa Septiyembre 1
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Agosto. Hisgoti ang tanyag nga literatura sa Septiyembre.
15 min: Gituman ba Nimo ang Imong Saad nga Mobalik? Pakigpulong ug panaghisgot sa mamiminaw nga gipasukad sa Septiyembre 15, 1999, Bantayanang Torre, mga panid 10-11, ilalom sa ulohang “Ubang mga Paagi sa Pagtuman sa Atong mga Saad.” Sa dihang makakaplag kitag mga tawo diha sa atong ministeryo nga nagpakitag interes, kita sagad maghikay nga mobalik aron ipadayon ang panaghisgot sa sunod higayon. Matinumanon ba kitang mobalik sumala sa gisaad? Repasoha ang mga prinsipyo sa Bibliya nga angayng mopalihok kanato sa pagtuman sa atong saad. Dapita ang mamiminaw sa pag-asoy ug mga kasinatian nga nagpakita kon sa unsang paagi sila gipanalanginan tungod sa pagbalik dayon.
20 min: “Huptan Nato ang Atong Dapit sa Pagsimba nga Maayog Kahimtang.”e (Mga parapo 6-12) Gamita ang mga pangutana nga gitagana. Ipasiugda ang kahinungdanon sa hustong pagmentinar sa Kingdom Hall, nga magpasiugda sa kahon sa panid 5. Ilakip ang mubong taho bahin sa kahimtang sa inyong Kingdom Hall, ug hisgoti ang bisan unsang mga plano maylabot sa mga ayohonon o pauswagonon.
Awit 41 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
e Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.