Eskedyul sa Tigom sa Pag-alagad
MATIKDI: Ang Atong Ministeryo sa Gingharian mag-eskedyul ug Tigom sa Pag-alagad sa matag semana sulod sa mga bulan sa kombensiyon. Ang mga kongregasyon mohimog mga pagpasibo sumala sa gikinahanglan aron magtugot sa pagtambong sa “Himayaa ang Diyos” nga Distritong Kombensiyon. Sulod sa bulan sa Pebrero, 2004, ang enterong Tigom sa Pag-alagad pagahikayon aron sublion ang pangunang mga punto sa programa sa kombensiyon. Sa pagpangandam sa maong panaghisgot, kitang tanan magkuhag mga nota didto sa kombensiyon, lakip ang espesipikong mga punto nga buot natong ipadapat sa personal diha sa atong kaugalingong kinabuhi ug sa ministeryo sa kanataran. Dayon kita makadasig sa uban pinaagi sa pagpatin-aw kon sa unsang paagi atong gipadapat ang maong mga sugyot sukad sa pagtambong sa kombensiyon.
Semana sa Nobyembre 10
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Himoa ang duha ka pasundayag kon sa unsang paagi gamiton ang mga sugyot sa panid 8 sa pagtanyag sa Nobyembre 15 nga Bantayanang Torre ug sa Nobyembre 22 nga Pagmata! diha sa inyong teritoryo. Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda. Iapil sa usa sa maong mga pasundayag ang pagsaysay kon sa unsang paagi ang atong tibuok-kalibotang buluhaton gisuportahan sa pinansiyal.—Tan-awa Ang Bantayanang Torre, p. 2, o ang Pagmata! p. 5.
15 min: ‘Pamatud-i Ninyo nga Kamo Andam.’a Dapita ang mamiminaw sa pagkomento kon unsay nakatabang kanila aron ang mga kabalaka ug mga kabaldahan sa presenteng sistema sa mga butang dili makahurot sa panahon nga mas maayo untang gamiton sa espirituwal nga mga pangagpas.
20 min: “Panagkatigom Aron Dayegon si Jehova.”b Gamita ang mga pangutana nga gitagana. Awhaga ang tanan nga mahimong presente sa matag sesyon sa kombensiyon, gikan sa Biyernes sa buntag hangtod sa Dominggo sa hapon. Ipasiugda ang panginahanglan sa pagpadapat kon unsay atong makat-onan imbes maminaw lamang. Hisgoti ang nota sa ibabaw bahin sa giplano alang sa Tigom sa Pag-alagad sa Pebrero, 2004, sa dihang may himoon nga repaso sa pangunang mga punto sa distritong kombensiyon. Dasiga ang tanan sa pagkuhag mga nota.
Awit 127 ug paniklop nga pag-ampo.
Semana sa Nobyembre 17
12 min: Lokal nga mga pahibalo. Interbiyoha ang duha o tulo ka magmamantala nga dunay talagsaong mga kasinatian sa pag-alagad sa kanataran ginamit ang labing bag-ong tanyag nga literatura. Hayan ang uban nakaarang sa pagsugod ug mga pagtuon sa Bibliya.
18 min: “Ang Pagdayeg Magapalagsik.”c Ilakip ang mga komento sa librong Kalipay sa Pamilya, mga panid 49-50, parapo 21. Sa mubo pakomentoha ang mga indibiduwal nga nadasig sa mga pulong sa pagdayeg gikan sa uban.
15 min: “Mahimong Panig-ingnan sa Maayong mga Buhat.”d Gamita ang mga pangutana nga gitagana. Ipatin-aw kon nganong hinungdanon ang maayong panggawi sa tanan didto sa kombensiyon.
Awit 58 ug paniklop nga pag-ampo.
Semana sa Nobyembre 24
12 min: Lokal nga mga pahibalo. Taho sa kuwenta. Himoa ang duha ka separadong mga pasundayag kon sa unsang paagi gamiton ang mga sugyot sa panid 8 sa pagtanyag sa Disyembre 1 nga Bantayanang Torre ug sa Disyembre 8 nga Pagmata! Usa ka laing teksto gawas nianang gisugyot sa panid 8 mahimong gamiton. Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda. Diha sa usa sa mga presentasyon, ipasundayag ang pagtanyag ug mga magasin sa di-pormal nga paagi diha sa publikong sakyanan o sa ubang nahiangay nga lokal nga kahimtang.
13 min: Pakigpulong sa ansiyano bahin sa “Pangutana” sa panid 7.
20 min: “Mahapsay nga Sinina Nagabutyag sa Pagkamasimbahon sa Diyos.”e Dumalahon sa ansiyano. Gamita ang mga pangutanang gitagana. Ipabasa ang matag parapo sa igsoong lalaki nga may katakos sa pagbasa.
Awit 202 ug paniklop nga pag-ampo.
Semana sa Disyembre 1
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Nobyembre. Hisgoti ang tanyag nga literatura sa Disyembre. Sa mubo repasoha ang usa o duha ka gisugyot nga mga presentasyon.
15 min: “Ugmara ang Mahinatagong Espiritu.” Pakigpulong sa ansiyano, nga gipasukad sa Nobyembre 1, 2003, Bantayanang Torre, mga panid 26-30.
20 min: “Ugmara ang Pagkasuod Kang Jehova.”f Gamita ang mga pangutanang gitagana. Pakomentoha ang mamiminaw kon sa unsang paagi mapadapat ang mga teksto. Hikaya daan ang usa o duha sa pagkomento kon unsay nakatabang kanila sa pagpauswag sa kalidad sa ilang personal nga pagtuon sa Bibliya.
Awit 70 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
d Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
e Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
f Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.