Eskedyul sa Tigom sa Pag-alagad
Semana sa Pebrero 9
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Dasiga ang tanan sa pagdala sa Septiyembre 1, 2003, Bantayanang Torre alang sa panaghisgot sa tigom sa pag-alagad sa sunod semana. Ginamit ang mga sugyot sa panid 8, ipasundayag kon sa unsang paagi itanyag ang Pebrero 15 nga Bantayanang Torre ug ang Pebrero 22 nga Pagmata! Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda. Diha sa usa sa mga presentasyon, ipasundayag kon sa unsang paagi dumalahon ang tigsumpo sa panaghisgot nga ‘May kaugalingon akong relihiyon.’—Tan-awa ang librong Nangatarongan, mga panid 18-19.
10 min: “Pahimusli ang Pagtuon sa Pakigsuod Kang Jehova.” Pakigpulong sa magtatan-aw sa Pagtuon sa Libro sa Kongregasyon pinasukad sa maong artikulo. Sa dihang hisgotan ang parapo 2, tagda ang eskedyul sa pagtuon. Sa dihang hisgotan ang parapo 3, basaha ug hisgoti ang parapo 23 sa panid 25 sa maong publikasyon.
25 min: “Padayong Isaysay ang Katingalahang mga Buhat ni Jehova.”a (Mga parapo 1-10) Dumalahon sa magtatan-aw sa pag-alagad. Gamita ang mga pangutana nga gitagana. Pukawa ang kadasig alang sa dugang kalihokan sa pag-alagad sa kanataran panahon sa Memoryal.
Awit 90 ug paniklop nga pag-ampo.
Semana sa Pebrero 16
5 min: Lokal nga mga pahibalo. Dasiga ang tanan sa paggamit sa mga pangutana diha sa panid 1 aron repasohon ang ilang mga nota agig pagpangandam alang sa panaghisgot sa mamiminaw sa “Himayaa ang Diyos” nga programa sa Kombensiyon sa tigom sa pag-alagad sa sunod semana.
20 min: Dayega si Jehova “sa Taliwala sa Kongregasyon.” Panaghisgot sa mamiminaw pinasukad sa Septiyembre 1, 2003, Bantayanang Torre, mga panid 19-22. (1) Sa unsang paagi gipasiugda sa Salmo 22:22, 25 ang atong rason sa pagkomento diha sa mga tigom? (2) Nganong makatabang ang pag-ampo? (3) Nganong gikinahanglan ang pagpangandam? (4) Unsang tumong ang angay natong batonan diha sa mga tigom? (5) Nganong makatabang ang atong paglingkod sa unahan? (6) Nganong hinungdanon ang pagpaminaw kon unsay gisulti sa uban? (7) Sa unsang paagi kita makatubag sa kaugalingon natong mga pulong? (8) Sa unsang paagi atong madasig ang uban pinaagi sa atong mga komento? (9) Unsa ang responsabilidad sa tagdumala?
20 min: “Padayong Isaysay ang Katingalahang mga Buhat ni Jehova.”b (Mga parapo 11-17) Gamita ang mga pangutana nga gitagana. Ilakip ang mubong pasundayag sa usa ka magmamantala nga nagdapit sa usa ka balikduaw sa pagtambong sa Memoryal.
Awit 75 ug paniklop nga pag-ampo.
Semana sa Pebrero 23
10 min: Lokal nga mga pahibalo. Taho sa kuwenta. Ginamit ang mga sugyot sa panid 8, ipasundayag kon sa unsang paagi itanyag ang Marso 1 nga Bantayanang Torre ug ang Marso 8 nga Pagmata! Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda. Sa kataposan sa usa sa mga presentasyon, ipatugbaw ang makapukaw-sa-hunahunang pangutana nga tubagon sa sunod duaw ginamit ang brosyur nga Gikinahanglan.
35 min: “Ang Distrito ug Internasyonal nga mga Kombensiyon Nagpadasig Kanato sa Paghimaya sa Diyos!” Dumalahon sa usa ka ansiyano. Human sa pasiunang mga pulong nga usa ka minuto o kubos pa, dumalaha ang panaghisgot sa mamiminaw sa programa sa kombensiyon ginamit ang mga pangutana diha sa artikulo. Bahinbahina ang panahon aron mahisgotan ang tanang pangutana, tingali magtagad lamang ug usa ka tubag diha sa pipila ka pangutana. Dili tanang gisitar nga teksto mahimong basahon sa panahon nga gigahin; gilakip kini aron dali nga makaplagan ang mga tubag. Ang mga komento kinahanglang isentro sa mga benepisyo sa pagpadapat sa mga butang nga nakat-onan.
Awit 81 ug paniklop nga pag-ampo.
Semana sa Marso 1
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Pebrero. Isulti ang tanyag nga literatura sa Marso, ug sa mubo repasoha ang usa sa gisugyot nga mga presentasyon gikan sa pasukip sa Mayo 2002 nga Atong Ministeryo sa Gingharian.
15 min: Hisgotan sa usa ka ansiyano ang mga punto diha sa “Pangutana,” nga magpasiugda kon sa unsang paagi ang mga prinsipyo sa Bibliya mogiya kanato sa dihang hikayon ang Kristohanong mga kasal.
20 min: “Atong Mahimo ang Gikinahanglan ni Jehova Kanato.”c Gamita ang mga pangutana nga gitagana. Segun sa itugot sa panahon, ipasiugda ang gisitar nga mga teksto.
Awit 98 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.