Mga Pahibalo

◼ Tanyag nga literatura sa Pebrero: Ang librong Pakigsuod Kang Jehova maoy itanyag. Marso: Ang librong Kahibalo maoy itanyag, uban ang tumong nga makasugod ug mga pagtuon sa Bibliya. Kon ang mga tawo aduna na niining publikasyona, ang Patalinghogi ang Tagna ni Daniel! mahimong itanyag. Abril ug Mayo: Indibiduwal nga mga kopya sa Ang Bantayanang Torre ug Pagmata! Sa dihang mobalikduaw sa interesadong mga tawo, ilakip kadtong nakatambong sa Memoryal o sa ubang teokratikanhong mga okasyon apan dili aktibong nakig-uban sa kongregasyon. Ipasiugda ang pagpahimutang sa librong Simbaha ang Diyos ug maningkamot nga makasugod ug pagtuon sa Bibliya sa balay, ilabina sa mga tawong nakatuon na sa librong Kahibalo ug sa brosyur nga Gikinahanglan.

◼ Ang espesyal nga pakigpulong publiko sa 2004 ihatag sa Dominggo, Abril 18, 2004. Ang ulohan sa maong pakigpulong maoy “Magmaisogon ug Salig Kang Jehova.” Itagana ra ang usa ka laraw. Ang mga kongregasyon nga may duaw sa magtatan-aw sa sirkito, sirkitong asembliya, o adlawng espesyal nga asembliya nianang semanaha magpahigayon sa espesyal nga pakigpulong sa Abril 25, 2004. Ang mga kongregasyon nga may pakigpulong publiko sa laing adlaw gawas sa Dominggo mahimong mag-eskedyul sa espesyal nga pakigpulong sulod sa Abril 19 hangtod sa 24, 2004.

◼ Sugod sa Marso, ang bag-ong pakigpulong publiko alang sa mga magtatan-aw sa sirkito maoy “Nganong Kahadlokan ang Matuod nga Diyos?”

◼ Angayng repasohon sa Sekretaryo ug sa Magtatan-aw sa Pag-alagad ang kalihokan sa tanang regular payunir sa kataposan sa Pebrero. Nianang higayona sila angayng duna nay total nga mga 420 ka oras nga gitaho sulod sa unang unom ka bulan sa tuig sa pag-alagad. Kon adunay wala makaabot niining gidaghanona, ang mga ansiyano kinahanglang magtagad kon maapas ba nila ang wala makab-ot nga oras sulod sa nahibiling unom ka bulan sa tuig sa pag-alagad. Kon ang ilang mga oras ubos kaayo nga dili na nila makab-ot ang tinuig nga kinahanglanon, nan ang mga ansiyano mahimong mosugyot nga sila moundang sa pagkaregular payunir ug tingali magregular oksilyare payunir na lang hinuon.

◼ Ang nagadumalang magtatan-aw o usa nga iyang gitudlo kinahanglang mag-awdit sa kuwenta sa kongregasyon sa Marso 1 o sa dili madugay nga maarangan human niana. Kon mahimo na kini, ipahibalo sa kongregasyon human mabasa ang sunod nga taho sa kuwenta. Basaha ang bisan unsang pagpasalamat sa mga kontribusyon nga gihatag sa kongregasyon ngadto sa tibuok-kalibotang buluhaton ug ngadto sa bisan unsang pondo nga gipaluyohan sa organisasyon.

◼ Sa Dominggo, Pebrero 15, 2004, adunay miting uban niadtong nagaplano nga mag-oksilyare payunir sulod sa mga bulan sa Marso, Abril, ug Mayo. Ang tanan gidasig sa pagtambong. Ang magtatan-aw sa pag-alagad maoy modumala sa miting, nga magseguro nga dunay igoigong mga Application for Auxiliary Pioneer Service nga mabatonan aron ikaapod-apod sa tanang motambong niining tigoma.

◼ Bag-ong mga Publikasyon nga Mabatonan:

Learn From the Great Teacher​—Bicol, Cebuano, Hiligaynon, Iloko, Iningles, Ininsek, Pangasinan, Samar-Leyte, Tagalog

“See the Good Land”​—Cebuano, Iloko, Iningles, Tagalog