Eskedyul sa Tigom sa Pag-alagad

Semana sa Marso 8

Awit 37

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Pahinumdomi ang tanan sa pagdala sa bag-ong brosyur nga ‘Tan-awa ang Maayong Yuta’ sa Tigom sa Pag-alagad sa sunod semana. Ginamit ang mga sugyot sa panid 4, ipasundayag kon sa unsang paagi itanyag ang Marso 15 nga Bantayanang Torre ug ang Marso 22 nga Pagmata!

15 min: Gamita ang mga Tract sa Pagsugod sa mga Panaghisgot. Panaghisgot sa mamiminaw. Kasagaran ang labing lisod nga bahin sa pagpamatuod mao ang pagsugod sa panaghisgot. Ang mga tract mahimong gamiton sa pagsugod sa panaghisgot diha sa pagpamalaybalay, sa teritoryo sa negosyo, ug sa publikong mga dapit. Sa mubo repasoha ang duha o tulo ka tract nga hayan makadani sa mga tawo diha sa lokal nga teritoryo. Unsang pasiunang mga komento ang mahimong gamiton sa dihang itanyag kining maong mga tract? Sa unsang paagi mahimong gamiton ang mga ilustrasyon? Unsang mga pangutana ang mahimong mataktikanhong ipatugbaw? Ipasundayag kon sa unsang paagi mahimong sugdan ang panaghisgot ginamit ang usa ka tract. Sa mubo pahisgoti sa magmamantala ang usa ka parapo gikan sa tract ug dayon taposon pinaagig pagtanyag sa librong Kahibalo.

20 min: “Higugmaa Ninyo si Jehova, Kamong Tanan nga mga Maunongon.”a Sa dihang hisgotan ang parapo 3, dapita ang mamiminaw sa pagkomento kon giunsa nila pagdapit ang mga tawo ngadto sa pagsaulog sa Memoryal.

Awit 131 ug paniklop nga pag-ampo.

Semana sa Marso 15

Awit 121

10 min: Lokal nga mga pahibalo. Repasoha ang pangunang mga punto sa “Mga Pahinumdom sa Memoryal.” Ipahibalo kon kanus-a himoon ang Pagtuon sa Bantayanang Torre alang sa semana sa Memoryal.

15 min: Pahinumdom Bahin sa Espesyal nga Kalihokan Panahon sa Memoryal. Panaghisgot sa mamiminaw nga dumalahon sa magtatan-aw sa pag-alagad. Hisgoti ang espesyal nga mga kahikayan nga nahimo. Dasiga ang tanang makahimo sa pagpalista ingong mga oksilyare payunir sa Abril ug Mayo. Sa mubo repasoha ang pipila ka punto gikan sa pasukip sa Pebrero nga Atong Ministeryo sa Gingharian.

20 min: Pahimusli ang ‘Tan-awa ang Maayong Yuta.’ Ang bag-ong brosyur makapahimo sa atong pagbasa sa Pulong sa Diyos nga mas makahuloganon. Makatabang kaayo ang paggamit sa indise niini. Basaha ang Isaias 63:​1, nga naghubit kang Jehova ingong naggikan sa Bozra. Dapita ang tanan sa pagpangita sa Bozra diha sa indise sa ‘Maayong Yuta.’ Ipatin-aw kon unsay kahulogan sa “Bozra 11 G11,” ginamit ang kahon sa panid 34, ug pangitaa ang Bozra ug Edom diha sa mapa. Ginamit ang indise, pangitaa ang ruta ni Jesus gikan sa Jerusalem paingon sa Sikar. (Juan 4:3-5) Gamita gihapon ang indise sa pagpangita sa nahimutangan sa linaw sa Bethzatha. (Juan 5:1-3) Pagpilig usa o duha ka dugang mga pananglitan gikan sa senemanang pagbasa sa Bibliya alang sa Teokratikanhong Tunghaan sa Ministeryo. Sa mubo ipasiugda ang pipila ka mapa diha sa brosyur, nga magmatikod sa mga yugto sa panahon nga gikobrehan niini. Ang mapa diha sa mga panid 18-19 nagpresentar sa kinadaghanang dapit sa Bibliya. Awhaga ang tanan nga pahimuslan gayod ang ‘Tan-awa ang Maayong Yuta.’

Awit 63 ug paniklop nga pag-ampo.

Semana sa Marso 22

Awit 191

10 min: Lokal nga mga pahibalo. Taho sa kuwenta. Pahinumdomi ang tanan sa pagsunod sa eskedyul sa pagbasa sa Bibliya alang sa Memoryal sa Marso 30–​Abril 4, sumala sa gilaraw diha sa Pagsusi sa Kasulatan sa Adlaw-Adlaw​—2004 ug sa 2004 Calendar.

15 min: Lokal nga mga panginahanglan.

20 min: “Pagdasdas sa mga Mangangabayo nga Naglangkit Kanimo.”b Basaha ug hisgoti ang gisitar nga mga teksto segun sa itugot sa panahon.

Awit 181 ug paniklop nga pag-ampo.

Semana sa Marso 29

Awit 129

10 min: Lokal nga mga pahibalo. Ginamit ang mga sugyot sa panid 4, ipasundayag kon sa unsang paagi itanyag ang Abril 1 nga Bantayanang Torre ug ang Abril 8 nga Pagmata!

15 min: Pahimusli Gayod ang 2004 Tinuig nga Basahon. Pakigpulong ug panaghisgot sa mamiminaw. Paghisgot ug mga haylayt sa “Sulat Gikan sa Nagamandong Lawas,” talagsaong mga gidaghanon gikan sa tibuok-kalibotang taho, ug pipila ka makapalig-on-sa-pagtuo nga mga eksperyensiya.

20 min: Ang Kamatuoran Naghiusa sa mga Pamilya. Pakigpulong ug panaghisgot uban sa mamiminaw. Ang mga interesado magpanuko usahay sa pag-alagad kang Jehova tungod sa pagsupak gikan sa mga membro sa pamilya. Ipaasoy ang pipila sa mosunod nga mga eksperyensiya: Enero 1, 2002, Bantayanang Torre, mga panid 14-15; Disyembre 1, 2000, Bantayanang Torre, panid 8; Septiyembre 1, 1999, Bantayanang Torre, panid 32; Enero 1, 1999, Bantayanang Torre, panid 4; ug Pebrero 22, 1998, Pagmata!, panid 31. Ipasiugda nga ang pamilyahanong kinabuhi kasagarang moarang-arang bisag usa lang ka membro sa panimalay ang nagpadapat sa mga prinsipyo sa Bibliya.

Awit 130 ug paniklop nga pag-ampo.

Semana sa Abril 5

Awit 126

10 min: Lokal nga mga pahibalo. Ilakip ang “Usa ka Paagi sa Pagtabang Kanila.”

20 min: Ang Pisikal nga Kahinlo Nagrekomendar Kanato. Pakigpulong pinasukad sa Hunyo 1, 2002, Bantayanang Torre, mga panid 20-21. Ilakip ang usa ka pasundayag diin gipakita sa ansiyano ngadto sa usa ka payunir kon sa unsang paagi mataktikanhong tabangan ang usa ka estudyante sa Bibliya sa kahinungdanon sa paghupot sa iyang balay ug tugkaran nga hinlo, ginamit ang leksiyon 9, parapo 5, sa brosyur nga Gikinahanglan.

15 min: Iasoy ang mga eksperyensiya nga napahimuslan maylabot sa pagsaulog sa Memoryal ug sa gipasangkad nga kalihokan sa pag-alagad sa Marso.

Awit 25 ug paniklop nga pag-ampo.

[Mga footnote]