Mga Pahibalo

◼ Tanyag nga literatura sa Abril ug Mayo: Indibiduwal nga mga kopya sa Ang Bantayanang Torre ug Pagmata! Sa dihang maghimog mga balikduaw sa interesadong mga tawo, ilakip kadtong mitambong sa Memoryal o sa ubang teokratikanhong mga kalihokan apan dili aktibong nakig-uban sa kongregasyon. Palabiha ang pagtanyag sa Pagsimba sa Diyos nga libro ug paningkamoti ang pagsugod ug pagtuon sa Bibliya sa balay, ilabina sa mga tawong nakatuon na sa Kahibalo nga libro ug Gikinahanglan nga brosyur. Hunyo: Ang bag-ong libro nga Pagkakat-on Gikan sa Dakong Magtutudlo. Kon ang mga tawo moingon nga sila walay anak, itanyag ang Gikinahanglan nga brosyur. Hulyo ug Agosto: Mahimong itanyag ang bisan unsa sa mga brosyur.

◼ Ang mga tomo sa 2003 Watchtower ug Awake! mabatonan na sa di madugay ug mahimo nang orderon karon. Apan, hinumdomi nga kini maoy special-request nga mga tomo ug kinahanglang orderon lamang kon adunay tinong hangyo gikan sa mga magmamantala alang niini. Kon ang mga tomo dili pa moabot sa dihang madawat na ang mga order, kini ipakita ingong “back-ordered” ug ang mga tomo ipadala kaninyo kon madawat na kini gikan sa Brooklyn.

◼ Gikinahanglan sa sangang buhatan ang paghupot ug kinaulahiang rekord sa mga adres ug mga numero sa telepono sa tanang nagadumalang mga magtatan-aw ug mga sekretaryo. Kon adunay kausaban sa bisan unsang panahon, ang Komite sa Pag-alagad sa Kongregasyon kinahanglang magkompleto, magpirma, ug magpadala dayon ug Presiding Overseer/Secretary Change of Address (S-29) nga porma ngadto sa sangang buhatan. Maglakip kini sa bisan unsang mga kausaban sa mga area code sa telepono.

◼ Ang mga sekretaryo sa kongregasyon angayng maghupot ug igong suplay sa mga pormang Application for Regular Pioneer Service (S-205) ug Application for Auxiliary Pioneer Service (S-205b). Kini mahimong orderon diha sa Literature Request Form (S-AB-14). Paghupot ug labing menos usa ka tuig nga suplay. Repasoha ang tanang porma sa aplikasyon sa mga regular payunir sa pagtino nga kini kompleto, lakip na ang petsa sa bawtismo sa aplikante.

◼ Bag-ong Audiocassette nga Mabatonan:

Learn From the Great Teacher diha sa audiocassette—Iningles

◼ Bag-ong Compact Disc nga Mabatonan:

Learn From the Great Teacher diha sa compact disc—Iningles