Eskedyul sa Tigom sa Pag-alagad
Semana sa Hulyo 12
12 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4, ipasundayag kon sa unsang paagi itanyag ang Hulyo 15 nga Bantayanang Torre ug ang Hulyo 22 nga Pagmata! Sa usa ka presentasyon, ipasundayag ang pagtanyag ug magasin ngadto sa usa ka tawo diha sa dalan nga dili larinong makasulti sa imong pinulongan.
18 min: “Sundoga ang Hustisya ni Jehova.”a Segun sa itugot sa panahon, dapita ang mamiminaw sa pagkomento sa gisitar nga mga teksto.
15 min: Ang Bibliya—Usa ka Basahon sa Kasaligang mga Tagna. Pakigpulong ug panaghisgot sa mamiminaw nga gipasukad sa brosyur nga Usa ka Basahon Alang sa Tanang Tawo, mga panid 27-9. Sa atong ministeryo, kita sagad makahibalag ug mga tawo nga interesado sa umaabot. Ang Bibliya naghatag ug kasaligang impormasyon nga naglaraw sa masanag nga umaabot alang sa masinugtanong katawhan. Tagda ang pipila ka tagna sa Bibliya nga magpalig-on sa pagsalig sa mga tagna sa Bibliya bahin sa umaabot. Sa mubo ipasundayag sa magmamantala kon sa unsang paagi ang mga hitabo sa Bibliya magamit sa pagtabang sa interesadong tawo nga mapalig-on ang iyang pagsalig sa Bibliya.
Awit 16 ug paniklop nga pag-ampo.
Semana sa Hulyo 19
10 min: Lokal nga mga pahibalo. Hisgoti ang kahinungdanon sa paghupot ug regular nga programa sa pagbasa sa Bibliya adlaw-adlaw. Ilakip ang mga komento sa Agosto 15, 2000, Bantayanang Torre, panid 32.
15 min: Lokal nga mga panginahanglan.
20 min: “Pagdumalag Mauswagong mga Pagtuon sa Bibliya—Bahin 1.” Pakigpulong nga dumalahon sa magtatan-aw sa pag-alagad. Pakomentoha ang mamiminaw sa impormasyon diha sa librong Mga Magmamantala, mga panid 572-4, nga naghisgot sa kaugmaran sa kalihokan sa pagtuon sa Bibliya sa modernong mga panahon. Palamboa ang kadasig alang sa umaabot nga serye sa mga artikulo. Lakip sa mga topiko nga pagahisgotan maoy kon sa unsang paagi mangandam alang sa pagdumala sa pagtuon, kon sa unsang paagi tabangan ang ginatun-an sa pagpangandam, kon unsa ka daghang materyal ang kobrehan, kon sa unsang paagi gamiton ang mga teksto sa epektibong paagi, kon sa unsang paagi dumalahon ang mga pangutana nga ipatungha sa ginatun-an, kon sa unsang paagi isugyot ang pag-ampo, ug kon sa unsang paagi tultolan ang ginatun-an ngadto sa organisasyon. Dasiga ang tanan sa pagpadapat sa mga sugyot nga gihatag ug sa pagtipig niining mga artikuloha ingong reperensiya alang sa umaabot.
Awit 10 ug paniklop nga pag-ampo.
Semana sa Hulyo 26
12 min: Lokal nga mga pahibalo. Taho sa kuwenta. Pahinumdomi ang mga magmamantala sa paghatag sa mga taho sa pag-alagad sa kanataran sa Hulyo. Ginamit ang mga sugyot sa panid 4, ipasundayag kon sa unsang paagi itanyag ang Agosto 1 nga Bantayanang Torre ug ang Agosto 8 nga Pagmata! Sa matag pasundayag, ipakita ang usa ka paagi sa pagdumala sa tigsumpo sa panaghisgot nga “Nganong kamo kanunayng nagaduaw?”—Tan-awa ang librong Nangatarongan, panid 20.
8 min: “Pangutana.” Dumalahon sa usa ka ansiyano. Basaha ug hisgoti ang tibuok artikulo.
25 min: “Kon sa Unsang Paagi Mosangyaw sa Teritoryong Negosyohanan.”b Hisgoti ang lokal nga mga kahikayan sa pagsangyaw sa teritoryong negosyohanan. Sa mubo ipasundayag ang duha ka presentasyon diha sa mga parapo 4-5 o ang laing presentasyon nga epektibo diha sa lokal nga teritoryo. Segun sa itugot sa panahon, dapita ang mamiminaw sa pagpaambit ug makapalig-ong mga eksperyensiya nga ilang nabatonan sa pagsangyaw diha sa teritoryong negosyohanan.
Awit 173 ug paniklop nga pag-ampo.
Semana sa Agosto 2
8 min: Lokal nga mga pahibalo.
22 min: Nangatarongan Ka Ba? Pakigpulong ug panaghisgot sa mamiminaw nga gipasukad sa librong Tunghaan sa Ministeryo, panid 254, mga parapo 1-2. Sa dihang atong ipatin-aw ug ipadapat ang mga teksto diha sa ministeryo sa kanataran ug gikan sa plataporma, ang atong pagpanudlo mahimong mas epektibo kon kita mangatarongan sa atong ginasulti imbes pugsanong magpatuo lamang niana. Ginamit ang mga pananglitan gikan sa librong Nangatarongan o ubang mga publikasyon nga haom sa lokal nga teritoryo, ipakita kon sa unsang paagi (1) pilion ug ipatin-aw ang yawing mga pulong diha sa teksto, (2) ipresentar ang nagsuportar nga ebidensiya gikan sa konteksto o gikan sa laing teksto nga naghisgot sa maong ulohan, (3) gamiton ang usa ka ilustrasyon sa pagpakita sa pagkamakataronganon sa imong giingon, ug (4) gamiton ang mga pangutana nga makatabang sa imong mamiminaw sa pagpangatarongan bahin niana. Ipasiugda ang mga kaayohan sa paggamit sa nangatarongan nga paagi.
15 min: Pakigpulong sa ansiyano nga gipasukad sa artikulong “Ikaw ba Nagatutok sa Ganti?” diha sa Abril 1, 2004, nga gula sa Ang Bantayanang Torre, mga panid 20-3.
Awit 32 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.