Eskedyul sa Tigom sa Pag-alagad
Semana sa Enero 10
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 8 (kon haom sa inyong teritoryo) aron ipasundayag kon sa unsang paagi itanyag ang Enero 15 nga Bantayanang Torre ug ang Enero 22 nga Pagmata! Mahimong gamiton ang ubang realistikong mga presentasyon. Diha sa usa ka presentasyon ipakita kon sa unsang paagi itanyag ang mga magasin ngadto sa di-Saksing paryente.
15 min: “Inamoma sa mga Pulong sa Pagtuo.”a Basaha ug hisgoti ang gisitar nga mga teksto segun sa itugot sa panahon.
20 min: “Sulayi ang Mapaigo-igoon nga Paagi.” Panaghisgot sa mamiminaw sa panid 6 diha sa pasukip. Ipasundayag ang duha ka pananglitan kon sa unsang paagi kining paagiha mahimong gamiton uban sa tanyag nga literatura nianang bulana. Sa matag pasundayag, ipabasa sa magmamantala ang usa ka teksto nga naghisgot bahin sa problema nga giingon sa tagbalay.
Awit 143 ug paniklop nga pag-ampo.
Semana sa Enero 17
10 min: Lokal nga mga pahibalo.
15 min: Mga Batan-on—Kamo ba Nag-uswag sa Espirituwal? Pakigpulong sa ansiyano nga gipasukad sa Abril 1, 2003, Bantayanang Torre, mga panid 8-10. Paghisgot ug pipila ka realistiko, makab-ot nga mga tumong, ug dasiga ang mga batan-on sa paghimog espesipikong espirituwal nga mga tumong para sa ilang kaugalingon.
20 min: “Pagdumalag Mauswagong mga Pagtuon sa Bibliya—Bahin 5.”b Ilakip ang pasundayag sa usa ka magmamantala nga eksperyensiyado sa pagdumalag mga pagtuon sa Bibliya nga nakig-estorya uban sa bag-ohang magmamantala kon unsaon sa paglikay sa mga lit-ag nga gihisgotan diha sa mga parapo 4-5.
Awit 78 ug paniklop nga pag-ampo.
Semana sa Enero 24
5 min: Lokal nga mga pahibalo. Taho sa kuwenta.
15 min: “Kon sa Unsang Paagi ang Teokratikanhong Tunghaan sa Ministeryo Magmapuslanon Kanato.” Pakigpulong sa magtatan-aw sa tunghaan. Ilakip ang mga komento diha sa pasukip sa Oktubre 2004 nga Atong Ministeryo sa Gingharian. Hikaya daan ang usa o duha sa pagkomento kon sa unsang paagi sila nakapahimulos gikan sa tunghaan.
25 min: “Kon Unsaon Paggamit ang Panig-ingnan nga mga Presentasyon.”c Gamita ang mga pangutana nga gitagana. Hisgoti nga ang mga panid 3-5 sa pasukip niining bulana adunay mga presentasyon para sa mga publikasyon nga atong itanyag. Tipigi ang maong pasukip aron magamit sa tibuok tuig. Human matagad ang artikulo, hisgoti kon sa unsang paagi atong itanyag ang Pakigsuod Kang Jehova sa Pebrero. Ipasundayag ang duha ka presentasyon. Mahimo kining ipasukad sa panig-ingnan nga mga presentasyon diha sa panid 3 o sa ubang mga presentasyon nga hayan epektibo sa lokal nga teritoryo.
Awit 200 ug paniklop nga pag-ampo.
Semana sa Enero 31
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Enero. Ginamit ang mga sugyot sa panid 8 (kon haom sa inyong teritoryo), ipasundayag kon sa unsang paagi itanyag ang Pebrero 1 nga Bantayanang Torre o ang Pebrero 8 nga Pagmata! Mahimong gamiton ang ubang realistikong mga presentasyon.
15 min: Lokal nga mga panginahanglan.
20 min: Imo Bang Gisusi ang Kasulatan sa Adlaw-Adlaw? Pakigpulong ug panaghisgot sa mamiminaw nga gipasukad sa pasiuna sa Pagsusi sa Kasulatan sa Adlaw-Adlaw—2005. Hisgoti nga ang tanan kinahanglang mogahin ug pipila ka minuto matag adlaw sa pagkonsiderar sa teksto ug mga komento. Hikaya daan ang usa o duha sa pagkomento bahin sa ilang naandan sa pagkonsiderar sa teksto ug kon sa unsang paagi sila nakapahimulos niana. Taposa pinaagi sa mubong paghisgot sa tinuig nga teksto sa 2005.
Awit 184 ug paniklop nga pag-ampo.
Semana sa Pebrero 7
10 min: Lokal nga mga pahibalo.
15 min: Tabangi ang mga Bag-ohan nga Makakat-on sa Paghigugma sa Diyos ug sa Silingan. Pakigpulong nga gipasukad sa Hulyo 1, 2004, Bantayanang Torre, panid 16, mga parapo 7-9. Ipasiugda kon sa unsang paagi ang matag membro sa kongregasyon adunay bahin sa pagtabang sa mga bag-ohan nga mahimong mga tinun-an ni Kristo.
20 min: Si Jehova Dili Maghikaw sa Bisan Unsang Butang nga Maayo. (Sal. 84:11) Interbiyoha ang pipila ka igsoong lalaki ug babaye nga nagpabiling matinumanon latas sa mga pagsulay. Unsang mga kalisdanan ang ilang giatubang? Unsay nakatabang kanila sa pagbuntog niana? Unsang mga kalipay ug mga panalangin ang ilang nasinatian?
Awit 104 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.