Mga Pahibalo

◼ Tanyag nga literatura sa Enero: Bisan unsang daan-daan nga 192-panid nga mga libro mahimong itanyag. Pebrero: Itanyag ang librong Pakigsuod Kang Jehova. Marso: Itanyag ang librong Kahibalo uban ang tumong nga makasugod ug mga pagtuon sa Bibliya. Abril ug Mayo: Itanyag ang tagsatagsa ka kopya sa Ang Bantayanang Torre ug Pagmata! Sa dihang mobalikduaw sa interesadong mga tawo, lakip niadtong nakatambong sa Memoryal o uban pang teokratikanhong mga okasyon apan dili pa aktibong nakig-uban sa kongregasyon, ipasiugda ang pagpahimutang sa librong Simbaha ang Diyos. Ang tumong mao gayod ang pagsugod ug pagtuon sa Bibliya sa balay, ilabina uban sa mga tawong nakatuon na sa librong Kahibalo ug sa brosyur nga Gikinahanglan.

◼ Sugod sa Marso 2005 ang bag-ong pakigpulong publiko nga ihatag sa mga magtatan-aw sa sirkito maoy “Pag-atubang sa Umaabot nga May Pagtuo ug Kaisog.”

◼ Ang mga kongregasyon angayng maghimog mga kahikayan sa pagsaulog sa Memoryal niining tuiga sa Huwebes, Marso 24, 2005, human sa pagsalop sa adlaw. Ang mga tigom nga kasagarang ginahimo sa Huwebes kinahanglang himoon sa laing adlaw. Bisan tuod ang pakigpulong mahimong magsugod nga sayosayo pa, ang pagpasa sa mga emblema sa Memoryal kinahanglan nga dili sugdan hangtod mosalop na ang adlaw. Ang mga magtatan-aw sa sirkito kinahanglang magpasibo sa ilang mga eskedyul sa miting para sa maong semana sumala sa lokal nga mga kahimtang. Bisan tuod maayo alang sa matag kongregasyon ang paghimog kaugalingong pagsaulog sa Memoryal, kini dili tingali kanunayng posible. Diin ubay-ubayng mga kongregasyon ang naandang nagagamit sa samang Kingdom Hall, tingali usa o dugang mga kongregasyon ang makagamit ug laing pasilidad sa maong gabii. Kon mahimo, among isugyot nga labing menos adunay 40 minutos nga kal-ang tali sa mga programa aron ang tanan bug-os nga makabenepisyo sa maong okasyon.