Sulayi ang Mapaigo-igoon nga Paagi — Watchtower ONLINE NGA LIBRARYA

Sulayi ang Mapaigo-igoon nga Paagi

Ang atong sinserong interes sa mga tawo maoy motukmod kanato sa pag-ila sa ilang mga panginahanglan ug pagpakita kanila kon sa unsang paagi ang Gingharian motaganag bug-os nga kasulbaran sa mga problema nga ilang giatubang. (Filip. 2:4) Ang mapaigo-igoong paagi nga nakaplagang epektibo sa daghang magmamantala mao ang pag-awhag sa tagbalay sa pagkomento sa mga ilustrasyon sa mga esena sa Paraiso diha sa atong mga publikasyon, sama nianang nalista sa tuong lindog niining panira. Mahimo mong gamiton ang usa niining mosunod nga mga pasiuna:

◼ “Nagtuo ka ba nga makita pa nato ang tawhanong pamilya nga magtagamtam niining mga kahimtanga nga gihulagway dinhi?”

◼ “Kitang tanan gusto nga ang atong mga anak makatagamtam niining kalibotana nga gihulagway dinhi. Sa imong hunahuna, unsay gikinahanglan aron mapatungha kini?”

◼ “Mao kiniy ilustrasyon kon unsa unyay dagway sa yuta sa dihang ang kabubut-on sa Diyos matuman na dinhi sa yuta maingon man sa langit. May namatikdan ka bang butang nga lahi sa pagkinabuhi karon?”

◼ “Gusto mo bang magkinabuhi ilalom sa mga kahimtang nga gihulagway dinhi? [Tugoting motubag.] Nagtuo ka ba nga mahitabo kini sa panahon nga kita nagkinabuhi?”

Paminawa pag-ayo ang tubag sa maong tawo, ug malulotong pasultiha siya pinaagig pagsuknag dugang usa o duha ka pangutana. Kon ang uban motubag nga dili nila gustong magkinabuhi ilalom sa mga kahimtang nga gihulagway o dili sila motuo nga mahitabo ang maong butang, ayaw dayog hunahuna nga sila walay interes. Sa mataktikanhong paagi pangutan-a sila kon nganong ingon niana ang ilang pagbati. Ang ilang mga komento hayan magbutyag ug lalom nga kabalaka bahin sa mga problema nga giatubang sa katawhan nga morag walay kasulbaran.—Ezeq. 9:4.

Samtang imong hibaloon ang mga gikabalak-an sa tagbalay, ipahiuyon niana ang imong presentasyon. Ipasiugda ang bahin sa mensahe sa Gingharian nga nagpunting gayod sa iyang mga panginahanglan. Ipaambit ang usa o duha ka teksto nga naghisgot sa butang nga nagpabalaka kaniya. (Tan-awa ang mga sugyot sa tuong lindog.) Ipakita kaniya mismo kon unsay giingon sa Pulong sa Diyos. Kon magpakita siyag interes, itanyag ang publikasyon ug hikaya nga moduaw pag-usab. Padayong ugmara ang iyang interes sa inyong unang panaghisgot.

[Kahon sa panid 6]

Mga Pananglitan sa mga Esena sa Paraiso

Librong Creation: mga panid 237, 243, 251

Librong Magtutudlo: mga panid 251-4

Librong Kahibalo: mga panid 4-5, 188-9

Brosyur nga Gikinahanglan: mga panid 11, 13

Librong Matuod nga Kalinaw: panid 98

Librong Simbaha ang Diyos: mga panid 92-3

[Kahon sa panid 6]

Mga Butang nga Gikabalak-an sa mga Tawo

Korapsiyon, inhustisya

Isaias 9:6, 7;