Eskedyul sa Tigom sa Pag-alagad
Semana sa Pebrero 14
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa paggamit sa mga pangutana sa panid 1 aron repasohon ang ilang mga nota agig pagpangandam alang sa panaghisgot sa mamiminaw sa programa sa “Lakaw Uban sa Diyos” nga Distritong Kombensiyon sa Tigom sa Pag-alagad sa sunod semana. Gamita ang mga sugyot sa panid 8 sa pagpasundayag kon unsaon pagtanyag ang Pebrero 15 nga Bantayanang Torre ug ang Pebrero 22 nga Pagmata! Repasoha kadiyot kon sa unsang paagi ikapasibo ang panig-ingnang mga presentasyon ngadto sa mga kahimtang sa lokal nga teritoryo.—Tan-awa ang Enero 2005 nga Atong Ministeryo sa Gingharian, p. 8.
35 min: “Ang Panahon sa Memoryal—Higayon sa Dugang Kalihokan.”a Dumalahon sa magtatan-aw sa pag-alagad. Sa dihang hisgotan ang parapo 6, ilakip ang mga komento sa Pagmata! sa Septiyembre 8, 2004, mga panid 12-13. Ipahibalo kadtong nagpalista ingong mga oksilyare payunir. Hisgoti ang dugang mga tigom sa dayon nang pagsangyaw nga gihikay. Dasiga ang tanan sa pagpauswag sa ilang espirituwal nga kalihokan sa pipila ka paagi panahon sa Memoryal.
Awit 14 ug paniklop nga pag-ampo.
Semana sa Pebrero 21
5 min: Lokal nga mga pahibalo.
40 min: “Distritong Kombensiyon Nagpasibot Kanato sa Paglakaw Uban sa Diyos.” Dumalahon sa usa ka ansiyano. Human sa introduksiyon sa usa ka minuto o kubos pa niana, dumalaha ang panaghisgot sa mamiminaw sa programa sa kombensiyon ginamit ang mga pangutana diha sa artikulo. Bahinbahina ang panahon aron igong mahisgotan ang matag pangutana, nga tingali dawaton lang ang usa ka tubag sa pipila ka pangutana. Dili basahon ang tanang teksto nga gisitar sulod sa gitagal nga panahon; gilakip kini aron daling makit-an ang mga tubag. Ang mga komento kinahanglang magsentro sa pagtagad sa mga kaayohan sa pagpadapat sa mga butang nga nakat-onan.
Awit 21 ug paniklop nga pag-ampo.
Semana sa Pebrero 28
15 min: Lokal nga mga pahibalo. Taho sa kuwenta. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Pebrero. Ginamit ang mga sugyot sa panid 8 (kon haom sa inyong teritoryo), ipasundayag kon sa unsang paagi itanyag ang Marso 1 nga Bantayanang Torre ug ang Marso 8 nga Pagmata! Mahimong gamiton ang ubang realistikong mga presentasyon. Sa kataposan sa usa sa mga presentasyon, ipakita nga gidapit sa magmamantala ang tagbalay sa pagtambong sa Memoryal ginamit ang luyong hapin sa Marso 8 nga Pagmata!
20 min: “Pagdumalag Mauswagong mga Pagtuon sa Bibliya—Bahin 6.”b Ilakip ang upat-ka-minutong pasundayag diin ang ginatun-an sa Bibliya nangutana kon nganong pipila ra man sa mga nanambong sa Memoryal ang nakig-ambit sa tinapay ug bino. Dayegon sa nagdumala ang iyang pangutana, gisulat kini, ug misugyot nga ilang hisgotan kini inigkahuman sa ilang pagtuon sa tun-anang materyal nianang semanaha. Pagkahuman sa pagtuon, ipakita sa nagdumala ngadto sa ginatun-an ang materyal ubos sa pangutanang “Kinsa ang moambit sa tinapay ug sa bino?” diha sa panid 259 [panid 267-8 sa Iningles] sa librong Nangatarongan. Ila kanang basahon, ug ang ginatun-an nagpasalamat sa tin-awng tubag sa iyang pangutana.
10 min: “Tabangi Silang Mahatagag Dugang Pamatuod.” Repasoha ang pangunang mga punto gikan sa artikulo sa panid 6. Dasiga ang tanan sa pagpil-ap dayon sa Please Follow Up (S-43) nga porma kon motungha ang kahigayonan.
Awit 72 ug paniklop nga pag-ampo.
Semana sa Marso 7
10 min: Lokal nga mga pahibalo. Repasoha ang pangunang mga punto gikan sa “Mga Pahinumdom sa Memoryal.”
15 min: Lokal nga mga panginahanglan.
20 min: “Ipahimutang ang mga Magasin sa Imong Ministeryo.”c Sa dihang hisgotan ang mga parapo 3 ug 4, ipadapat sa lokal ang materyal. Interbiyoha kadiyot ang usa o duha ka magmamantala nga epektibong nakapahimutang ug mga magasin diha sa mga negosyohanan, sa kadalanan, sa publikong mga dapit, o sa dihang nagsangyaw nga di-pormal. Hangyoa sila sa pagpatin-aw kon giunsa nila pagtanyag ang mga magasin sa maong mga kahimtang. Ipasundayag kadiyot ang usa ka presentasyon o ang aktuwal nga kasinatian.
Awit 192 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.