Eskedyul sa Tigom sa Pag-alagad
Semana sa Marso 14
8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 4 aron sa pagpasundayag kon sa unsang paagi itanyag ang Marso 15 nga Bantayanang Torre ug ang Marso 22 nga Pagmata! Diha sa usa sa mga presentasyon, ipasundayag ang pagbalikduaw sa usa ka ruta sa magasin. Sa dihang taposon ang presentasyon, gamita ang likod nga hapin sa Marso 15 nga Bantayanang Torre aron sa pagpahinumdom sa tagbalay sa umaabot nga pagsaulog sa Memoryal.
17 min: “Dugang Pagpasiugda sa Bibliya!”a Gamita ang pinatik nga mga pangutana.
20 min: “Espesyal nga Kampanya Aron Iapod-apod ang Bag-ong Brosyur.”b Dumalahon sa magtatan-aw sa pag-alagad. Ipasundayag ang gisugyot nga mga presentasyon. Diha sa usa sa mga presentasyon, ang tagbalay dili interesado sa Kasulatanhong presentasyon ug gihatagan ug tract inay kay brosyur.
Awit 137 ug paniklop nga pag-ampo.
Semana sa Marso 21
10 min: Lokal nga mga pahibalo. Repasoha kadiyot ang mga kahikayan alang sa espesyal nga kampanya sa pag-apod-apod sa bag-ong brosyur.
15 min: Usa ka Tagana sa Pagpalig-on Kanato. Human sa introduksiyon nga kubos sa usa ka minuto, dumalaha ang panaghisgot sa mamiminaw sa 2005 Tinuig nga Basahon. Ang pagpamalandong sa kahibulongang mga buhat ni Jehova niining modernong mga panahon makapasuod kanato ngadto kaniya ug sa atong mga igsoon sa tibuok kalibotan. (Sal. 77:12-14) Kini mopalig-on kanato sa pagsukol gayod sa Yawa, nga “malig-on sa pagtuo.” (1 Ped. 5:8, 9) Kini motabang sa mga bag-ohan nga masabtan ug mapabilhan ang organisasyon ni Jehova. Dapita ang mamiminaw sa pag-asoy sa mga punto nga ilang nagustohan gikan sa ilang pagbasa sa 2005 Tinuig nga Basahon. Hikaya daan ang usa o duha sa pagkomento kon giunsa nila pag-eskedyul ang ilang personal nga pagbasa sa Tinuig nga Basahon.
20 min: Unsa ang Armagedon? Human sa introduksiyon nga kubos sa usa ka minuto, dumalaha ang pangutanag-tubag nga panaghisgot nga gipasukad sa mga panid 51-5 sa librong Nangatarongan (p. 44-9 sa Iningles). Dapita ang mamiminaw sa pagkomento sa mga pangutana nga anaa sa tataw nga mga letra, ginamit ang kinutlo ug gisitar nga mga teksto. Hisgoti kon unsaon nato paggamit kining impormasyona diha sa ministeryo.
Awit 109 ug paniklop nga pag-ampo.
Semana sa Marso 28
10 min: Lokal nga mga pahibalo. Basaha ang taho sa kuwenta ug ang mga pasalamat sa donasyon. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Marso. Dasiga ang tanan sa pagdapit sa mga interesado sa pagtambong sa espesyal nga pakigpulong publiko sa Abril 10. Ipasundayag ang usa ka presentasyon alang sa pagtanyag sa bag-ong brosyur nga aduna nay maayong mga resulta diha sa lokal nga teritoryo. Segun sa itugot sa panahon, iasoy ang mga kasinatian gikan sa espesyal nga kampanya.
15 min: Lokal nga mga panginahanglan.
20 min: Itanyag Ang Bantayanang Torre ug Pagmata! Repasoha ang mga sugyot sa pagpauswag sa mga mapahimutang nga magasin diha sa Pebrero 2005 nga Atong Ministeryo sa Gingharian, panid 8. Hisgoti ang makapainteres nga mga punto diha sa bag-ong mga gula sa mga magasin. Ginamit ang mga sugyot sa panid 4, ipasundayag kon sa unsang paagi itanyag ang Abril 1 nga Bantayanang Torre ug ang Abril 8 nga Pagmata! Diha sa matag presentasyon, ipatin-aw kon sa unsang paagi gisuportahan sa pinansiyal ang atong tibuok-kalibotang buluhaton.—Tan-awa Ang Bantayanang Torre, p. 2, o ang Pagmata! p. 5.
Awit 116 ug paniklop nga pag-ampo.
Semana sa Abril 4
10 min: Lokal nga mga pahibalo. Idugang usab ang lokal nga mga kasinatian. Dapita ang mamiminaw sa pag-asoy sa mga kasinatian nga ilang napahimuslan hangtod niining yugtoa panahon sa espesyal nga kampanya sa pag-apod-apod sa bag-ong brosyur. Hikaya daan nga mapasundayag ang talagsaong mga kasinatian. Kon hapit nang mahurot ang suplay sa mga brosyur sa kongregasyon, hangyoa ang mga magmamantala sa pag-uli sa ekstrang mga kopya ngadto sa butanganag literatura.
20 min: Ipakita ang Kabalaka Niadtong mga Maluya. (Buh. 20:35) Human sa introduksiyon nga kubos sa usa ka minuto, dumalaha ang pangutanag-tubag nga panaghisgot sa Hulyo 1, 2004, Bantayanang Torre, mga panid 17-18, mga parapo 12-16, nga sama sa Pagtuon sa Bantayanang Torre. Ipabasa ang mga parapo sa usa ka igsoong lalaki nga maayong mobasa. Isentro ang pagtagad kon sa unsang paagi mapadapat ang impormasyon maylabot niadtong nakatambong sa Memoryal o kinsa motambong sa espesyal nga pakigpulong.
15 min: “Ang Imong Tabang Gikinahanglan.”c Interbiyoha kadiyot ang usa ka ansiyano. Ipaasoy kaniya kon unsay nakadasig kaniya sa pagpaningkamot nga makaalagad diha sa kongregasyon ug kon unsay nakatabang kaniya aron mahimong kuwalipikado.
Awit 36 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.