Mga Pahibalo
◼ Tanyag nga literatura sa Abril 1-17: Espesyal nga kampanya sa pag-apod-apod sa brosyur nga Padayon sa Pagbantay! Abril 18—Mayo 31: Itanyag ang tagsa ka kopya sa Ang Bantayanang Torre ug Pagmata! Sa dihang mobalikduaw sa interesadong mga tawo, lakip niadtong mitambong sa Memoryal o sa ubang teokratikanhong mga okasyon apan kinsa dili aktibong nakig-uban sa kongregasyon, isentro ang pagtagad sa pagpahimutang sa librong Simbaha ang Diyos. Ang tumong kinahanglang mao ang pagsugod ug pagtuon sa Bibliya sa balay, ilabina uban sa mga tawo nga nakatuon na sa librong Kahibalo ug sa brosyur nga Gikinahanglan. Hunyo: Itanyag ang Pagkakat-on Gikan sa Dakong Magtutudlo. Kon ang mga tawo moingon nga wala silay mga anak, itanyag ang brosyur nga Gikinahanglan ug paningkamoting makasugod ug pagtuon sa Bibliya. Hulyo ug Agosto: Mahimong itanyag ang bisan unsang mga brosyur.
◼ Ang mga tomo sa 2004 Watchtower ug Awake! mabatonan na sa di madugay ug mahimo nang orderon karon. Apan, hinumdomi nga kini maoy special-request nga mga tomo ug kinahanglang orderon lamang kon adunay tinong hangyo gikan sa mga magmamantala alang niini. Kon ang mga tomo dili pa moabot sa dihang madawat na ang mga order, kini ipakita ingong “back-ordered” ug ang mga tomo ipadala kaninyo kon madawat na kini gikan sa Brooklyn.
◼ Ang mga sekretaryo sa kongregasyon angayng maghupot ug igong suplay sa mga pormang Application for Regular Pioneer Service (S-205) ug Application for Auxiliary Pioneer Service (S-205b). Kini mahimong orderon diha sa Literature Request Form (S-14). Paghupot ug labing menos usa ka tuig nga suplay. Repasoha ang tanang porma sa aplikasyon sa mga regular payunir sa pagtino nga kini kompleto, lakip na ang petsa sa bawtismo sa aplikante.
◼ Adunay ubay-ubayng mga magmamantala nga nangutana bahin sa pipila ka rekording sa mga alawiton sa Gingharian nga giawit diha sa popular nga estilo nga gipasapasa na karon taliwala sa mga Saksi ni Jehova. Nahibulong sila kon gitugotan ba kaha sa organisasyon kining maong mga rekording. Nahibalo kami bahin ning maong mga rekording ug buot namo kamong pahibaloon nga kini walay pagtugot gikan kanamo. Palihog ayawg ipasa o kopyaha kining maong mga rekording gikan sa Internet. Masaligon kami nga kining impormasyona makahatag ug katin-awan niana.