Eskedyul sa Tigom sa Pag-alagad
Semana sa Hulyo 11
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 4 (kon haom sa inyong teritoryo) aron ipasundayag kon unsaon pagtanyag ang Hulyo 15 nga Bantayanang Torre ug ang Hulyo 22 nga Pagmata! Mahimong gamiton ang ubang realistikong mga presentasyon. Sa matag pasundayag, ipakita ang lahi nga paagi sa pagtubag sa lagmit tigsumpo sa panaghisgot nga “Puliki ako.”—Tan-awa ang librong Nangatarongan, p. 19-20.
15 min: Lokal nga mga panginahanglan.
20 min: “Ipaabot ang Maayong Balita sa Labing Daghang Tawo Kutob sa Mahimo.”a Sa paghisgot sa parapo 5, repasoha ang mga sugyot diha sa Hunyo 2005 nga Atong Ministeryo sa Gingharian, panid 8, nga mapadapat sa lokal nga teritoryo.
Awit 88 ug paniklop nga pag-ampo.
Semana sa Hulyo 18
10 min: Lokal nga mga pahibalo. Hisgoti sa mubo ang Agosto 15, 2000, Bantayanang Torre, panid 32. Ipasiugda ang mga kaayohan sa pagbaton ug regular nga programa sa pagbasa sa Bibliya kada adlaw, bisan panahon sa mga bakasyon ug sa ubang mga panahon sa dili-naandan nga mga buluhaton.
15 min: “Pagdumalag Mauswagong mga Pagtuon sa Bibliya—Bahin 10.”b Ilakip ang usa ka pasundayag nga magpakita sa usa ka pag-ensayo nga ginahimo pa. Samtang giensayo sa ginatun-an ang usa ka presentasyon, ang tagdumala, nga maoy nagdala sa papel sa tagbalay, mopahayag ug kasagarang pagtutol, ug sa dihang ang ginatun-an nagbungabunga sa pagsulti, iyang ipatin-aw kon sa unsang paagi kana mahimong tubagon. Dugang pa, hikaya daan nga adunay usa o duha nga mokomento bahin sa pagbansay nga ilang nadawat sa pagsugod nila sa pagpakig-ambit sa ministeryo sa balay-balay.
20 min: Tabangi ang Uban sa Pagpabili sa Bibliya. Pangutana-ug-tubag nga panaghisgot nga gipasukad sa librong Simbaha ang Diyos, mga panid 24-5, mga parapo 3-6. Gamita ang mga pangutana alang sa pagtuon sa libro. Ilakip ang mga komento mahitungod sa brosyur nga Usa ka Basahon Alang sa Tanang Tawo, panid 32.
Awit 10 ug paniklop nga pag-ampo.
Semana sa Hulyo 25
15 min: Lokal nga mga pahibalo. Basaha ang taho sa kuwenta ug mga sulat bahin sa donasyon. Ginamit ang mga sugyot sa panid 4 (kon haom sa inyong teritoryo), ipasundayag kon unsaon pagtanyag ang Agosto 1 nga Bantayanang Torre ug ang Agosto 8 nga Pagmata! Mahimong gamiton ang ubang realistikong mga presentasyon. Sa usa sa mga presentasyon, ipasundayag ang pagtanyag sa mga magasin sa di-pormal nga paagi diha sa tiyanggihan o sa laing haom nga publikong dapit.
10 min: Isilsil ang Kamatuoran Diha sa Kasingkasing sa Inyong Anak. (Deut. 6:7) Usa ka pakigpulong sa usa ka ansiyano nga gipasukad sa Agosto 15, 2002, Bantayanang Torre, mga panid 30-1. Ipasiugda ang Kasulatanhong mga prinsipyo nga mahimong giya sa pagbansay sa anak alang sa Kristohanong ginikanan nga adunay dili-Saksing kapikas.
20 min: “Kita Adunay Utang sa Uban.”c Ilakip ang mga komento diha sa Hulyo 1, 2000, Bantayanang Torre, panid 11, parapo 13.
Awit 82 ug paniklop nga pag-ampo.
Semana sa Agosto 1
15 min: Lokal nga mga pahibalo. Pahinumdomi ang mga magmamantala nga ihatag ang mga taho sa pag-alagad sa kanataran alang sa Hulyo. Dapita ang mamiminaw sa pagbukas sa panid 70 sa librong Tunghaan sa Ministeryo, ug pinaagi sa panaghisgot uban sa mamiminaw, hisgoti ang mga parapo 1-2 ug ang kahon nga “Kon Unsaon Pagkomento Panahon sa mga Tigom.”
15 min: “Tabangi ang Inyong mga Anak Aron Mouswag Diha sa Ministeryo.” Pakigpulong ug panaghisgot uban sa mamiminaw. Ilakip ang usa ka pasundayag sa ginikanan ug anak nga gigamit ang gipayano nga presentasyon. Ipatapos sa ginikanan ang presentasyon pinaagi sa mubong pagpatin-aw sa kahikayan sa donasyon.
15 min: Nakasulay Ka na ba sa Pagpahiuyon sa Imong Presentasyon? Pakigpulong ug panaghisgot uban sa mamiminaw nga gipasukad sa Enero 2005 nga Atong Ministeryo sa Gingharian, panid 6. Repasoha ang mga sugyot nga gihatag, ug ipakita kon sa unsang paagi ang gipahiuyon nga presentasyon mahimong gamiton sa pagtanyag sa basahon alang sa Agosto. Ipasundayag ang usa o duha ka presentasyon.
Awit 218 ug paniklop nga pag-ampo.
[Mga footnote]
a Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.
b Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.
c Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.