Mga Pahibalo

◼ Tanyag nga literatura sa Agosto: Mahimong itanyag ang bisan unsang mga brosyur. Septiyembre: Life—How Did It Get Here? By Evolution or by Creation? Kon ang mga tagbalay dili modawat sa tanyag nga libro, itanyag ang brosyur nga Padayon sa Pagbantay! Oktubre: Itanyag ang tagsatagsa ka kopya sa Ang Bantayanang Torre ug Pagmata! Kon dunay magpakitag interes, palihog itanyag ang brosyur nga Gikinahanglan. Nobyembre: Itanyag ang librong Pagkakat-on Gikan sa Dakong Magtutudlo. Kon ang mga tagbalay moingon nga wala silay mga anak, itanyag ang librong Kahibalo o ang tract nga Gusto Ka Bang Makabaton ug Dugang Kahibalo Bahin sa Bibliya?

◼ Ang nagadumalang magtatan-aw o usa nga iyang gitudlo kinahanglang mag-awdit sa kuwenta sa kongregasyon sa Septiyembre 1 o sa labing madali human nianang petsaha. Kon maawdit na, ipahibalo kini sa kongregasyon.

◼ Ang tinuig nga imbentaryo sa tanang literatura ug mga magasin nga anaa kinahanglang himoon sa Agosto 31, 2005, o labing duol nianang petsaha. Kini nga imbentaryo maoy susama sa aktuwal nga pag-ihap nga himoon matag bulan sa koordinetor sa literatura, ug ang mga total kinahanglang itala diha sa Literature Inventory nga porma (S-18). Ang total nga gidaghanon sa mga magasin nga anaa mahimong kuhaon gikan sa (mga) alagad sa magasin. Ang sekretaryo sa nagahikay nga kongregasyon mao ang magdumala sa maong pag-imbentaryo. Siya ug ang nagadumalang magtatan-aw sa nagahikay nga kongregasyon mao ang mopirma sa maong porma. Ang matag nagahikay nga kongregasyon makadawat ug tulo ka Literature Inventory nga mga porma (S-18) duyog sa kuwentada sa Hunyo. Palihog ipadala ang orihinal ngadto sa sangang buhatan nga dili maulahi sa Septiyembre 6. Paghupot ug kopya para sa inyong mga payl. Ang ikatulong kopya mahimong gamiton ingong work sheet.

◼ Duyog sa kuwentada sa Hunyo, ang matag kongregasyon makadawat ug duha ka kopya sa Congregation Analysis Report (S-10). Ang sekretaryo sa kongregasyon mao ang magpil-ap niining pormaha sa tukma ug hapsay nga paagi, ug human niana kini kinahanglang maampingong susihon sa komite sa pag-alagad. Sa luyong bahin niining pormaha, ang tanang regular payunir kinahanglang ilista, nga magpakita sa ilang total nga mga oras alang sa tuig sa pag-alagad. Ang orihinal niining pormaha kinahanglang ipadala ngadto sa sangang buhatan sa Septiyembre 6. Hupti ang kopya niana sa inyong payl.

◼ Ang mga order sa Pagsusi sa Kasulatan sa Adlaw-Adlaw—2006 ug sa 2006 Calendar kinahanglang ipadala na karon sa sangang buhatan. Magpadala kami ug usa ka special order blank uban sa kuwentada sa Hunyo para niining duha ka aytem. Kon ubay-ubayng kongregasyon ang naggamit sa usa ka Kingdom Hall, ang mga order gikan sa matag kongregasyon kolektahon sa koordinetor sa literatura ug usahon diha sa usa ka order blank nga ipadala ngadto sa sangang buhatan sa Agosto 15, 2005.

◼ Bag-ong DVD nga Mabatonan:

Young People Ask: What Will I Do With My Life?—Iningles