Eskedyul sa Tigom sa Pag-alagad
Semana sa Nobyembre 14
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 8 (kon haom sa inyong teritoryo) aron ipasundayag kon unsaon pagtanyag ang Nobyembre 15 nga Bantayanang Torre ug ang Nobyembre 22 nga Pagmata! Mahimong gamiton ang ubang praktikal nga mga presentasyon. Sa matag pasundayag, ipakita ang lahi nga paagi sa pagdumala sa tigsumpo sa panaghisgot nga “Dili ako interesado sa relihiyon.”—Tan-awa ang librong Nangatarongan, p. 16-17.
15 min: Mga Amot nga Makapahimuot sa Diyos. Pakigpulong sa usa ka ansiyano nga gipasukad sa Nobyembre 1, 2005, Bantayanang Torre, mga panid 26-30.
20 min: “Ipahayag ang Himaya ni Jehova.”a Sa dihang hisgotan ang parapo 4, dapita ang mamiminaw sa pag-asoy ug mugbong mga kasinatian nga nagpakita kon sa unsang paagi ang maayong panggawi magbukas sa kahigayonan nga makasangyaw.
Awit 24 ug paniklop nga pag-ampo.
Semana sa Nobyembre 21
10 min: Lokal nga mga pahibalo.
20 min: Paghimo Kang Jehova nga Imong Diyos. Pakigpulong sa usa ka ansiyano pinasukad sa Abril 1, 2005, Bantayanang Torre, mga panid 25-8. Paghimog praktikal nga kapadapatan sa mga leksiyon nga atong makuha gikan sa mga panig-ingnan nila ni Abraham, David, ug Elias.
15 min: “Ipakita ang Personal nga Interes—Pinaagi sa Pagkamapaniiron.”b Ilakip ang pasundayag sa usa ka magmamantala nga naniid sa usa ka butang nga nagbutyag sa mga gikaikagan sa tagbalay ug dayon nagpahiuyon niana sa iyang mga komento.
Awit 67 ug paniklop nga pag-ampo.
Semana sa Nobyembre 28
12 min: Lokal nga mga pahibalo. Basaha ang taho sa kuwenta ug ang mga pasalamat sa donasyon. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Nobyembre. Ginamit ang mga sugyot sa panid 8 (kon haom sa inyong teritoryo), ipasundayag kon sa unsang paagi itanyag ang Disyembre 1 nga Bantayanang Torre ug ang Disyembre 8 nga Pagmata! Mahimong gamiton ang ubang praktikal nga mga presentasyon. Hisgoti usab ang kahikayan sa donasyon.
15 min: Pakigpulong sa usa ka ansiyano nga may pakig-ambit sa mamiminaw nga hisgotan ang mga punto sa “Pangutana” sa panid 7. Pasalamati ang kongregasyon sa boluntaryong pagpaluyo nga ilang gihatag sa magtatan-aw sa sirkito panahon sa iyang mga pagduaw. Mahimong repasohon sa ansiyano nga modumala niining bahina ang mga punto gikan sa Organisado Aron Buhaton ang Kabubut-on ni Jehova, panid 46, parapo 2, ug panid 49, parapo 2, segun sa itugot sa oras.
18 min: Pagpresentar sa Maayong Balita sa Disyembre. Pakigpulong ug panaghisgot uban sa mamiminaw. Sa unang lima ka minutos sa pakigpulong, repasoha kadiyot ang mosunod nga mga punto gikan sa “Kon Unsaon Paggamit ang Panig-ingnan nga mga Presentasyon,” nga anaa sa panid 8 sa Enero 2005 nga Atong Ministeryo sa Gingharian: (1) Kasagaran kita mas epektibo kon atong isulti ang mga presentasyon sa kaugalingon natong mga pulong. (2) Kinahanglang gamiton nato ang maayong panghukom ug ipahiuyon ang atong mga presentasyon sumala sa kon unsay dinawat sa lokal. (3) Kinahanglan natong tagdon ang gigikanan ug panghunahuna sa mga tawo sa atong teritoryo. (4) Kinahanglang basahon nato pag-ayo ang kapitulo nga giplanohan natong ipasiugda ug mangitag mga punto nga makapukaw sa interes. (5) Wala kita limitahe nga gamiton lamang ang mga paagi nga gilaraw diha sa panig-ingnan nga mga presentasyon. Unya hisgoti kon sa unsang paagi ipadapat kining mga puntoha sa dihang magtanyag ug literatura sa Disyembre. Mahimo nimong gamiton ang gisugyot nga mga presentasyon diha sa pasukip sa Enero 2005 nga Atong Ministeryo sa Gingharian o ang uban pang mga presentasyon nga epektibo sa lokal. Ipasundayag ang usa o duha ka presentasyon.
Awit 123 ug paniklop nga pag-ampo.
Semana sa Disyembre 5
10 min: Lokal nga mga pahibalo.
15 min: Lokal nga mga panginahanglan.
20 min: “Kon Unsay Napalampos sa Atong Ministeryo.”c Sa dihang hisgotan ang parapo 5, ilakip ang mga komento sa Pebrero 15, 2004, Bantayanang Torre, panid 32.
Awit 26 ug paniklop nga pag-ampo.
[Mga footnote]
a Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.
b Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.
c Limitahe ang pasiunang mga komento nga dili moabot ug usa ka minuto, ug isunod dayon ang pangutanag-tubag nga panaghisgot.