Eskedyul sa Tigom sa Pag-alagad
Semana sa Hulyo 10
10 min: Lokal nga mga pahibalo. Ginamit ang mga sugyot sa panid 4 o ang uban pang mga presentasyon nga haom sa inyong teritoryo, ipasundayag kon unsaon pagtanyag ang Hulyo 15 nga Bantayanang Torre ug ang Hulyo nga Pagmata!
15 min: Kon sa Unsang Paagi Giorganisar ug Gidumala ang Kongregasyon. Pakigpulong ug panaghisgot uban sa mamiminaw nga gipasukad sa kapitulo 4 sa Organisado Aron Buhaton ang Kabubut-on ni Jehova.
20 min: “Ugmara ang Pagpabili sa Dili-Hitupngang mga Hiyas ni Jehova.”a Ilakip ang usa ka pasundayag nga magpakita kon unsaon paggamit ang mga pangutana aron matabangan ang ginatun-an sa Bibliya sa pagpamalandong sa mga punto diha sa kahon sa repaso sa kataposan sa kapitulo 1 sa librong Gitudlo sa Bibliya.
Awit 88 ug paniklop nga pag-ampo.
Semana sa Hulyo 17
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Hisgoti kadiyot ang Agosto 15, 2000, Bantayanang Torre, panid 32. Ipasiugda ang mga kaayohan sa paghupot ug regular nga programa sa pagbasa sa Bibliya adlaw-adlaw, bisan panahon sa bakasyon o sa ubang mga panahon nga wala kita sa atong naandan nga kalihokan.
15 min: Gugma ug Pagkamapaubsanon—Hinungdanong mga Hiyas Alang sa Ministeryo. Usa ka pakigpulong nga gipasukad sa Agosto 15, 2002, Bantayanang Torre, panid 18-20, parapo 13-20.
20 min: “Sundoga ang Atong ‘Malipayong Diyos,’ si Jehova.”b Dapita ang mamiminaw sa pagkomento kon unsay nakatabang kanila sa paghupot ug malipayon ug positibong tinamdan sa dihang nagasangyaw diha sa lokal nga teritoryo.
Awit 189 ug paniklop nga pag-ampo.
Semana sa Hulyo 24
15 min: Lokal nga mga pahibalo. Basaha ang taho sa kuwenta ug mga pasalamat sa donasyon. Ginamit ang mga sugyot sa panid 4 o uban pang mga presentasyon nga haom sa inyong teritoryo, ipasundayag kon unsaon pagtanyag ang Agosto 1 nga Bantayanang Torre ug ang Agosto nga Pagmata!
10 min: “Sila Naghatag ug Panig-ingnan sa Pagkamatinumanon.” Usa ka pakigpulong nga maglakip sa pipila ka napatik nga mga kasinatian sa espesyal nga mga payunir o interbiyo uban sa mga espesyal payunir sa inyong dapit nga tingali nag-alagad sa inyong kongregasyon.—Tan-awa ang Watch Tower Publications Index ubos sa “Special Pioneers.”
20 min: Magmalig-on, Dili Matarog. (1 Cor. 15:58) Interbiyoha ang duha o tulo ka magmamantala o mga payunir nga matinumanong nag-alagad sulod sa daghang katuigan. Sa unsang paagi sila nakadangat sa kamatuoran? Unsa ang mga paagi sa pagsangyaw sa panahong mao pay ilang pagsugod sa pagsangyaw? Unsang mga suliran ang ilang naatubang? Unsang mga panalangin ang ilang napahimuslan tungod sa pagpabiling maunongon dapig sa matuod nga pagsimba?
Awit 12 ug paniklop nga pag-ampo.
Semana sa Hulyo 31
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Hulyo. Isulti ang tanyag nga literatura sa Agosto.
15 min: Lokal nga mga panginahanglan.
20 min: “Ugmara ang Maayong mga Batasan, Aniha ang Dagayang mga Panalangin.”c Dapita ang mamiminaw sa pagkomento kon unsang mga paningkamot ang ilang gihimo sa paghikay ug paghupot ug maayong espirituwal nga rutina ug kon unsang mga panalangin ang ilang naangkon tungod niana.
Awit 130 ug paniklop nga pag-ampo.
Semana sa Agosto 7
10 min: Lokal nga mga pahibalo. Sa mubo, repasoha kon sa unsang paagi ang sampol nga mga presentasyon diha sa Atong Ministeryo sa Gingharian ikapasibo ngadto sa mga panginahanglan sa lokal nga teritoryo.—Tan-awa ang Enero 2005 nga Atong Ministeryo sa Gingharian, p. 8.
15 min: Mga Tigom nga Magdasig Kanato sa Paghigugma ug sa Maayong mga Buhat. Usa ka pakigpulong nga gipasukad sa Marso 15, 2002, Bantayanang Torre, panid 24-5. Ilakip ang usa ka mubong interbiyo nga nagpasiugda kon unsang paningkamot ang gihimo sa magmamantala aron regular niyang matambongan ang mga tigom ug kon sa unsang paagi siya nakabaton ug kaayohan sa paghimo niana.
20 min: Magmauswagon ug Magmapasiboon Diha sa Atong Ministeryo. Pakigpulong ug panaghisgot uban sa mamiminaw nga gipasukad sa Disyembre 1, 2005, Bantayanang Torre, panid 28-30. Diha sa pakigpulong nga gipasukad sa parapo 6-11, ipasiugda kon sa unsang paagi si Pablo mapaniiron, mapasiboon, ug mapaagihon diha sa pagsangyaw ug pagpanudlo. Dayon dapita ang mamiminaw sa pagkomento bahin sa mga pangutana alang sa parapo 12-14, nga maghimog lokal nga kapadapatan. Ilakip ang usa ka pasundayag nga nagpakita kon sa unsang paagi mahimong ipasibo sa mga magmamantala ang ilang presentasyon diha sa ministeryo, nga magtagad sa mga panginahanglan, kahimtang, ug kultural nga kagikan sa mga tawo diha sa lokal nga teritoryo.
Awit 83 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug isunod ang pangutanag-tubag nga panaghisgot.