Eskedyul sa Tigom sa Pag-alagad

Semana sa Disyembre 11

Awit 174

15 min: Lokal nga mga pahibalo. Hisgoti ang “Bag-ong Programa sa Adlaw sa Espesyal nga Asembliya.” Ginamit ang mga sugyot sa panid 8 o ang ubang mga presentasyon nga haom sa inyong teritoryo, ipasundayag kon sa unsang paagi itanyag ang Disyembre 15 nga Bantayanang Torre ug ang Disyembre nga Pagmata! Sa usa sa mga pasundayag, ipakita kon sa unsang paagi dumalahon ang posibleng tigsumpo sa panaghisgot nga “Dili ako interesado.”—Tan-awa ang librong Nangatarongan, p. 16.

15 min: Ang Teokratikanhong Tunghaan sa Ministeryo sa 2007. Pakigpulong ug mga interbiyo nga dumalahon sa magtatan-aw sa tunghaan. Hisgoti ang mga punto nga mapadapat sa lokal nga kongregasyon gikan sa pasukip sa Nobyembre 2006 nga Atong Ministeryo sa Gingharian. Ipatin-aw nga ang magtatan-aw sa tunghaan dili magpahibalo daan diha sa plataporma sa hiyas sa pagpanulti nga ugmaron sa estudyante. Sanglit atong matapos sa pagbasa ang Hebreohanong Kasulatan nga gikan sa Isaias 24 ngadto sa kataposan sa Malaquias sa 2007, kining tuiga maoy usa ka maayong kahigayonan alang sa mga igsoong lalaki nga maasayn sa pag-andam sa mga haylayt sa Bibliya ug sa uban nga mokomento sa paggamit sa atong mga publikasyon nga nagpatin-aw niining matagnaong mga basahon. Interbiyoha ang duha o tulo ka magmamantala gikan sa mosunod: usa ka bag-ong estudyante, usa ka batan-ong estudyante nga maayo ang pag-uswag, ug usa ka eksperyensiyado nang estudyante. Ipaasoy kanila kon unsay mga epekto sa tunghaan diha sa ilang ministeryo ug sa ilang espirituwalidad. Dasiga ang tanan nga magmakugihon sa pagtuman sa ilang mga asaynment, sa pagpakigbahin sa mga haylayt sa Bibliya, ug sa pagpadapat sa mga sugyot nga gihatag kada semana gikan sa Pahimusli ang Edukasyon sa Teokratikanhong Tunghaan sa Ministeryo.

15 min: “Ayawg Biyai ang Gugma nga Imong Nabatonan sa Sinugdan.”a Segun sa itugot sa panahon, dapita ang mamiminaw sa pagkomento sa gisitar nga mga teksto.

Awit 193 ug paniklop nga pag-ampo.

Semana sa Disyembre 18

Awit 150

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Repasoha ang mga punto diha sa “Pangutana.” Hisgoti ang espesyal nga mga kalihokan sa pag-alagad sa kanataran sa Disyembre 25 ug Enero 1.

15 min: “Balikduawa ang Tanang Nagpakitag Diyutayng Interes.”b Dapita ang mamiminaw sa pagkomento kon giunsa nila pagkuha sa adres o numero sa telepono sa interesadong mga tawo nga ilang nahibalag sa di-pormal nga pagsangyaw o sa pagsangyaw sa kadalanan ug ipaasoy kanila ang talagsaong mga kasinatian sa pagbalikduaw sa maong mga tawo. Mahimong hikayon daan ang usa o duha ka komento.

20 min: “Ang Espiritu sa Pagboluntaryo Magdalag mga Panalangin.”c Interbiyoha ang usa o duha ka magmamantala nga nailhang may espiritu sa pagboluntaryo. Sa unsang paagi ilang gipasundayag ang maong espiritu? Unsang mga pagpasibo ang gikinahanglan, ug giunsa nila paghimo kini? Unsang mga panalangin ang ilang napahimuslan ingong resulta?

Awit 108 ug paniklop nga pag-ampo.

Semana sa Disyembre 25

Awit 210

15 min: Lokal nga mga pahibalo. Basaha ang taho sa kuwenta ug ang mga pasalamat sa donasyon. Hisgoti ang “Bag-ong Programa sa Sirkitong Asembliya.” Ginamit ang mga sugyot sa panid 8 o ang ubang mga presentasyon nga haom sa inyong teritoryo, ipasundayag kon sa unsang paagi itanyag ang Enero 1 nga Bantayanang Torre ug ang Enero nga Pagmata! Sa kataposan sa matag presentasyon, isukna ang makapukaw-sa-hunahuna nga pangutana nga tubagon sa sunod duaw ginamit ang librong Gitudlo sa Bibliya.

15 min: Lokal nga mga panginahanglan.

15 min: “Ikaw ba Adunay Personal nga Teritoryo?”d Ilakip ang mubong mga komento gikan sa magtatan-aw sa pag-alagad kon unsa ka dako ang giasayn nga teritoryo sa kongregasyon, kon unsa ka subsob nasangyawan ang teritoryo, ug kon aduna bay mabatonan nga personal nga mga teritoryo.

Awit 219 ug paniklop nga pag-ampo.

Semana sa Enero 1

Awit 158

5 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Disyembre.

15 min: Pagtaho Bahin sa Pag-uswag sa Ministeryo. Pakigpulong ug panaghisgot uban sa mamiminaw nga gipasukad sa Organisado Aron Buhaton ang Kabubut-on ni Jehova, gikan sa sub-ulohan sa panid 83 ngadto sa kataposan sa kapitulo.

25 min: “Pagplano na Karon sa Pag-oksilyare Payunir.”e Sa dihang hisgotan ang parapo 8, isulti ang petsa sa sunod nga duaw sa magtatan-aw sa sirkito, kon nahibaloan na. Interbiyoha ang duha o tulo nga nag-oksilyare payunir di pa dugay. Unsang mga pagpasibo ang ilang gihimo sa ilang eskedyul? Sa unsang paagi sila nakabenepisyo? Kon aduna, usa niadtong interbiyohon mahimong nakaoksilyare payunir tungod sa tabang ug pagpaluyo sa ubang mga membro sa panimalay.

Awit 65 ug paniklop nga pag-ampo.

[Mga footnote]