Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon panahon sa Teokratikanhong Tunghaan sa Ministeryo sa semana nga magsugod sa Abril 30, 2007. Dumalahon sa magtatan-aw sa tunghaan ang 30-minutos nga repaso pinasukad sa materyal nga gikobrehan diha sa mga asaynment alang sa mga semana sa Marso 5 hangtod sa Abril 30, 2007. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, p. 36-7.]

MGA HIYAS SA PAGPANULTI

1. Sa unsang paagi atong mahuptang yano ang atong laraw sa pakigpulong? [be p. 168 par. 4]

2. Isulti ang upat ka paagi nga kita makapresentar sa materyal sa makataronganong paagi. [be p. 170 par. 3–p. 172 par. 5]

3. Unsang mga butang ang angay natong hinumdoman sa dihang magtino kon unsay ilakip sa pakigpulong? [be p. 173 par. 1-2]

4. Unsa ang pipila ka kaayohan sa ekstemporanyong pagpahayag? [be p. 175 par. 3-5]

5. Nganong ang kabildohay nga paagi sa pagpakigpulong hinungdanon, ug sa unsang paagi atong maugmad kining hiyasa? [be p. 179 par. 4, kahon; p. 180, kahon]

ASAYNMENT NUM. 1

6. Sa unsang paagi mangandam ang usa ka brader kon siya maoy giasayn nga mohatag sa mga haylayt gikan sa senemanang pagbasa sa Bibliya? [be p. 47 par. 3-4]

7. Unsa pay labawng hinungdanon kay sa mga kaayohan nga atong madawat gikan sa lukat ni Kristo? [w05 11/1 p. 14 par. 1]

8. Unsaon man gayod paggamit ang Kasulatanhong mga reperensiya diha sa usa ka laraw sa pakigpulong? [be p. 53 par. 1-2]

9. Unsay tumong ni Jesus ingong magtutudlo, ug sa unsang paagi kita makasundog kaniya? [be p. 57 par. 1]

10. Nganong epektibo ang mga pagtandi diha sa pagpanudlo? [be p. 57 par. 3-4]

SENEMANANG PAGBASA SA BIBLIYA

11. Sa unsang paagi atong ikapadapat ang tambag sa Jeremias 6:16 sa paglakaw diha sa “mga alagianan sa dugay na kanhi, kon hain na, karon, ang maayong dalan”?

12. Nganong gipili man ni Jehova ang cigueña ingong praktikal nga pananglitan alang sa dili-matinumanong mga Hudiyo, ug unsay atong makat-onan gikan niini? (Jer. 8:7)

13. Sa unsang paagi atong ikapadapat ang Jeremias 15:17 bahin sa atong panglantaw sa mga kalingawan karon?

14. Sa unsang paagi ang mga tawo samag yutang-kulonon diha sa mga kamot sa Dakong Magkukulon, si Jehova? (Jer. 18:5-11)

15. Nganong ang pagkasunodsunod sa mga nasod nga nalista sa Jeremias 25:17-26 makahuloganon sa atong adlaw?