Mga Pahibalo
◼ Tanyag nga literatura sa Abril ug Mayo: Itanyag ang tagsatagsa ka kopya sa Ang Bantayanang Torre ug Pagmata! Sa dihang magbalikduaw sa interesadong mga tawo, lakip niadtong nakatambong sa Memoryal apan dili aktibong nakig-uban sa kongregasyon, paningkamoting mapahimutang ang librong Gitudlo sa Bibliya uban ang tumong nga makasugod ug pagtuon sa Bibliya. Hunyo: Itanyag ang librong Kalipay sa Pamilya. Hulyo ug Agosto: Mahimong itanyag ang bisan unsang brosyur.
◼ Ang 2006 Watchtower ug Awake! nga mga tomo hapit nang moabot ug mahimo nang orderon karon. Apan hinumdomi nga kini maoy special request nga mga publikasyon ug angay lang orderon kon may mga magmamantala nga mag-order niini. Kon dili pa moabot ang mga tomo inigkadawat namo sa mga order, kini ipakita ingong “back-ordered” ug ang mga tomo ipadala gilayon inig-abot niini gikan sa Brooklyn.
◼ Ang sangang buhatan dili mohatag sa indibiduwal nga mga order alang sa literatura. Ang nagadumalang magtatan-aw angayng maghikay nga himoon ang usa ka pahibalo kada bulan sa dili pa ipadala ngadto sa sangang buhatan ang binulang order sa kongregasyon alang sa literatura aron ang tanan nga interesadong makabaton ug personal nga literatura makapahibalo sa brader nga nagdumala sa literatura sa ilang order. Palihog hinumdomi kon unsang mga publikasyona ang mga special request.
◼ Agig pahinumdom, ang adres sa sangang buhatan dili gayod angayng gamiton nga return address para sa personal nga mga sulat. Naglakip kini sa tanang sulat ug mga literatura nga ipadala aron sa pagsangyaw ngadto sa mga tawong interesado nga nagpuyo sa lisod-aboton nga mga dapit. Mahimong gamiton sa magmamantala ang kaugalingon niyang adres kay ang iyang ministeryo naglangkit man sa iya mismong pag-alagad sa Diyos. (Mat. 28:19, 20; Roma 10:14, 15) Hinuon, kon bation niyang dili maalamon nga gamiton ang iyang kaugalingong adres sa dihang magsangyaw pinaagig sulat, siya makagamit sa iyang ngalan ug sa adres sa Kingdom Hall.—Tan-awa ang “Pangutana” sa Mayo 2002 nga Atong Ministeryo sa Gingharian.