Eskedyul sa Tigom sa Pag-alagad
Semana sa Nobyembre 12
10 min: Lokal nga mga pahibalo. Ginamit ang mga sugyot sa panid 8 o uban pang mga presentasyon nga haom sa inyong teritoryo, ipasundayag kon unsaon pagtanyag ang Nobyembre 15 nga Bantayanang Torre ug ang Nobyembre nga Pagmata! Sa matag pasundayag, duha ka magasin ang itanyag bisag usa lang niini ang ipasiugda.
15 min: “Ang Plata Akoa, ug ang Bulawan Akoa.” Pakigpulong sa usa ka ansiyano nga gipasukad sa Nobyembre 1, 2007, nga Bantayanang Torre, panid 17-21.
20 min: “Lakaw Ingong Maalamon nga mga Tawo.”a Kon duna pay oras, awhaga ang mamiminaw sa pagkomento sa mga tekstong gisitar.
Semana sa Nobyembre 19
10 min: Lokal nga mga pahibalo. Hisgoti ang literatura nga itanyag sa Disyembre, ug ilakip ang usa ka pasundayag kon unsaon kini pagtanyag. Hisgoti usab ang artikulong “Tagda Kon Giunsa Ninyo Pagpatalinghog” sa panid 7, pahinumdomi ang tanan sa pagpadapat sa maong mga sugyot dihang sila motambong sa distritong kombensiyon aron sila makapahimulos pag-ayo sa programa.
15 min: Lokal nga mga panginahanglan.
20 min: “Ayaw Pagpanuko!”b Sa dihang imong hisgotan ang parapo 5, pakomentoha kadtong mga nakadumalag pagtuon sa mga indibiduwal nga karon anaa na sa kamatuoran. Sa unsang paagi nahimong magantihon ug makalilipay ang pagdumalag usa ka progresibong pagtuon sa Bibliya? Hikaya daan ang usa o duha ka igsoon sa pagkomento.
Semana sa Nobyembre 26
10 min: Lokal nga mga pahibalo. Basaha ang taho sa kuwenta ug ang pasalamat sa donasyon. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Nobyembre. Ginamit ang mga sugyot sa panid 8 o ang uban pang mga presentasyon nga haom sa inyong teritoryo, ipasundayag kon unsaon pagtanyag ang Disyembre 1 nga Bantayanang Torre ug ang Disyembre nga Pagmata!
15 min: Imo Bang Mapasangkad ang Imong Gugma? Pakigpulong sa usa ka ansiyano nga gipasukad sa Enero 1, 2007, nga Bantayanang Torre, panid 9-11.
20 min: Mga Batan-on—Sa Unsang Paagi Madayeg Ninyo si Jehova? Panaghisgot nga gipasukad sa Hunyo 15, 2005, nga Bantayanang Torre, panid 26-8, parapo 15-19, nga gigamit ang mga pangutana alang sa pagtuon. Sa dihang hisgotan ang parapo 18, ipaasoy sa mga batan-on ang ilang kasinatian sa pagsangyaw sa mga estudyante o mga magtutudlo sa eskuylahan.
Semana sa Disyembre 3
15 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Repasoha ang mga punto sa “Pangutana” sa panid 7.
15 min: Usa ka Tunghaan Kansang mga Graduwado Nakahatag ug Benepisyo sa mga Tawo sa Tibuok Yuta. Pakigpulong nga gipasukad sa Nobyembre 15, 2006, nga Bantayanang Torre, panid 10-13. Sa mubo interbiyoha ang bisan kinsang ansiyano o mga ministeryal nga alagad sa inyong kongregasyon nga nakatungha sa Ministerial Training School. Sa unsang paagi sila gitabangan sa eskuylahan aron mouswag ingong mga ebanghelisador, magbalantay, ug mga magtutudlo? Dasiga ang kuwalipikadong mga igsoon nga himoon nilang tumong ang pagtungha sa Ministerial Training School.
15 min: “Atong Isangyaw ang Atong Paglaom sa Gingharian.”c Segun sa itugot sa panahon, dapita ang mamiminaw sa pagkomento sa gisitar nga mga teksto.
[Mga footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
c Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.