Eskedyul sa Tigom sa Pag-alagad
Semana sa Pebrero 11
10 min: Lokal nga mga pahibalo. Ginamit ang mga sugyot sa panid 8 o ang laing mga presentasyon nga haom sa inyong teritoryo, ipasundayag kon unsaon pagtanyag ang Pebrero 1 nga Bantayanang Torre ug ang Pebrero nga Pagmata!
15 min: Makaalagad Ka ba sa Dapit Diin Mas Dako ang Panginahanglan? Pakigpulong ug panaghisgot nga gipasukad sa Hulyo 15, 2003, nga Bantayanang Torre, panid 20. Ilakip ang mga komento sa librong Organisado, panid 111, parapo 1, hangtod sa panid 112, parapo 2. Sa mubo interbiyoha ang si bisan kinsa nga mibalhin sa dapit nga mas dako ang panginahanglan. Unsa nga mga kalisdanan ang ilang naagian, ug giunsa nila kini pagsagubang? Unsang mga panalangin ang ilang natagamtam?
20 min: Tabangi ang mga Bag-ohan Aron Mouswag Isip mga Ministro. Human sa introduksiyon nga dili molapas sa usa ka minuto, dumalaha ang pangutanag-tubag nga panaghisgot sa Disyembre 1, 2005, nga Bantayanang Torre, sa panid 31, ginamit ang gipatik nga mga pangutana sa pagtuon. Human mahisgoti ang parapo 18, ipasundayag nga ang usa ka tagbalay mosupak sa bag-ong magmamantala nga nagsangyaw uban sa eksperyensiyadong magmamantala. Dili epektibo ang paagi sa pagtubag sa bag-ong magmamantala, ug gitapos sa tagbalay ang panaghisgot. Human sila makabiya sa maong balay, mainitong dayegon sa eksperyensiyadong magmamantala ang bag-ohan tungod sa iyang paningkamot, dayon iyang ipakita kon sa unsang paagi mahimong gamiton ang librong Nangatarongan sa pagtubag sa maong tigsumpo sa panaghisgot sa sunod higayon.
Semana sa Pebrero 18
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
10 min: Lokal nga mga panginahanglan.
25 min: “Pamatuod sa Malig-ong Pagtuo!”a Dumalahon sa magtatan-aw sa pag-alagad. Taposa pinaagi sa pagrepaso sa maayong nahimo sa kongregasyon sa miaging tuig sa pag-alagad.
Semana sa Pebrero 25
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Pebrero. Basaha ang taho sa kuwenta ug ang pasalamat sa donasyon. Ipasundayag kon unsaon paggamit ang imbitasyon alang sa Memoryal sa pagdapit sa membro sa pamilya o silingan.
20 min: “Mapabilhong Paghandom sa Lukat.”b Segun sa itugot sa panahon, dapita ang mamiminaw sa pagkomento sa gisitar nga mga teksto.
15 min: Pangandam sa Pagtanyag sa Bag-ong mga Magasin. Pakighisgot uban sa mamiminaw. Human mahisgoti sa mubo ang kaundan sa Marso 1 nga Bantayanang Torre ug Marso nga Pagmata!, pangutan-a ang mamiminaw kon unsa nga mga artikulo ang makapainteres sa mga tawo sa teritoryo ug kon ngano. Pangutan-a sila kon unsang espesipiko nga mga punto sa mga artikulo ang gihunahuna nilang gamiton. Unsang pangutana ang mahimong gamiton aron masugdan ang panaghisgot? Dayon unsa nga teksto diha sa artikulo ang basahon? Ginamit ang mga sugyot, ipasundayag kon unsaon pagtanyag ang Marso 1 nga Bantayanang Torre ug ang Marso nga Pagmata!
Semana sa Marso 3
10 min: Lokal nga mga pahibalo. Repasoha ang pangunang mga punto sa artikulong “Mga Pahinumdom sa Memoryal.”
20 min: Makasugod Ka bag Usa ka Pagtuon sa Bibliya sa Marso? Panaghisgot uban sa Mamiminaw. Atong itanyag sa Marso ang librong Gitudlo sa Bibliya uban ang tumong nga makasugod ug mga pagtuon sa Bibliya. Repasoha ang pipila ka maayong mga bahin sa libro. Hisgoti kon sa unsang paagi kini magamit sa dihang mobalik sa usa nga nagpakitag interes sa panahon nga ato siyang gihatagag imbitasyon sa Memoryal, sa dihang mobalik ngadto sa usa nga napahimutangan ug magasin, ug sa dihang magtanyag niini panahon sa pagpamalaybalay human sa Marso 22. (Tan-awa ang km 4/07 p. 4; km 3/06 p. 1, par. 3; km 1/06 p. 3-6.) Ipasundayag ang usa o duha ka presentasyon.
15 min: Paggamit sa Bibliya sa Pagtubag sa mga Pangutana. Pakigpulong ug panaghisgot uban sa mamiminaw nga gipasukad sa librong Tunghaan sa Ministeryo, panid 143-4. Ilakip ang usa ka mubong pasundayag sa magmamantala nga gisukna ug usa ka pangutana nga sagad madunggan sa inyong teritoryo, ug siya mogamit sa Bibliya sa pagtubag.
[Mga footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.