Mga Pahibalo

◼ Tanyag nga literatura sa Mayo: Ang edisyon para sa publiko nga Ang Bantayanang Torre uban sa Pagmata! Sa dihang magbalikduaw sa mga interesado, paningkamoti nga makasugod ug mga pagtuon sa Bibliya ginamit ang librong Gitudlo sa Bibliya. Hunyo: Unsay Tinuod nga Gitudlo sa Bibliya? Paningkamoti nga makasugod ug mga pagtuon sa Bibliya. Hulyo ug Agosto: Mahimong itanyag ang lainlaing brosyur.

◼ Sa mosunod nga pipila ka bulan, kami magpadala kaninyo ug suplay sa mga porma nga inyong gikinahanglan sa kongregasyon alang sa sunod tuig. Kon nanginahanglan kamog uban pang mga porma, kini mahimong orderon sa naandang paagi, ginamit ang Literature Request Form (S-14). Ang mga porma ipadala nga walay bayad, apan sa walay duhaduha ang mga kongregasyon buot mohatag ug makataronganong amot alang sa tibuok-kalibotang buluhaton aron maabagan ang mga galastohan sa pag-imprenta ug pagpadala. Palihog matikdi nga ang mga badge card alang sa 2008 nga Distritong mga Kombensiyon ilakip diha sa suplay sa mga porma, busa dili na kinahanglang orderon kini gawas kon kulang ang gipadala kaninyo. Apan, kinahanglan ninyong orderon ang mga plastik nga butanganan sa badge card gamit ang S-14 nga porma.

◼ Kinahanglang repasohon sa mga lawas sa mga ansiyano ang sulat nga pinetsahan ug Hulyo 6, 2006, bahin sa pagkahimong andam panahon sa katalagman ug paneguroon nga aduna silay kinaulahiang mga impormasyon sa pagkontak sa matag magmamantala. Sa mga lugar nga sagad maigo sa kalamidad, ang dugang impormasyon kon kinsay kontakon panahon sa emerhensiya angayng batonan. Siyempre, gawas sa panahon sa mga emerhensiya, mas maayo kon pahibaloon sa mga magmamantala ang ilang magtatan-aw sa CBS o ang laing ansiyano kon sila mahilayo sulod sa taastaas nga panahon tungod sa bakasyon, negosyo, pagpaospital, ug uban pa.

◼ Aron maseguro ang kahilwas sa Kingdom Hall, angayng tinoon sa kataposang mobiya nga makandadohan ang mga pultahan ug ang uban pang butang nga nalangkit sa seguridad. Kon dili siya makahimo niana, angay niyang tawgan ang usa nga makahimo, ug hulaton niya nga moabot kini una siya mobiya. Ang mga ansiyano angayng maghupot ug kinaulahiang listahan sa responsableng mga igsoon nga dunay mga yawi sa Kingdom Hall.

◼ Bag-ong MP3 nga mabatonan:

Mga Bible Drama—MP3—Iningles (Adunay 14 ka audio drama sa usa ka disc nga kanhi girekord sa mga audiocassette ug mga CD.)