Eskedyul sa Tigom sa Pag-alagad
Semana sa Hulyo 14
10 min: Lokal nga mga pahibalo. Ginamit ang mga sugyot sa panid 4 o ang laing mga presentasyon nga haom sa inyong teritoryo, ipasundayag kon unsaon pagtanyag ang Hulyo 1 nga Bantayanang Torre ug ang Hulyo nga Pagmata!
15 min: Duna Ka bay “Kagawasan sa Pagsulti”? Pakigpulong nga gipasukad sa Mayo 15, 2006, nga Bantayanang Torre, panid 13-16. Ipasiugda ang kahinungdanon sa pagsangyaw uban ang kaisog.
20 min: “Pagkinabuhi nga Naghunahuna sa Adlaw ni Jehova.”a Hisgoti ang talagsaong mga bahin sa libro. Repasoha ang eskedyul sa pagtuon sa libro ug ang mga instruksiyon nga makita sa panid 3 niining gulaa sa Atong Ministeryo sa Gingharian. Dasiga ang tanan sa pagtambong ug pagkomento kanunay. Interbiyoha kadiyot ang usa o duha ka magmamantala nga nailhang nangandam pag-ayo sa mga tigom, ug pangutan-a sila kon unsay nagdasig kanila sa paghimo niana.
Semana sa Hulyo 21
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Pahinumdomi ang mamiminaw sa pagdala sa Agosto 1 nga Bantayanang Torre ug sa Agosto nga Pagmata! sa Tigom sa Pag-alagad sunod semana ug sa pag-andam ug mga presentasyon nga haom sa inyong teritoryo.
15 min: Lokal nga mga panginahanglan.
20 min: “Pagpangandam—Hinungdanon Alang sa Epektibong Balikduaw.”b Ilakip ang upat-ka-minutong pasundayag sa usa ka magmamantala nga nakigsulti sa kaugalingon samtang nangandam alang sa pagbalikduaw. Iyang gisusi ang iyang mga rekord ug nakita nga aduna siyay balikduawon nga duha ka tawo sa hinapos sa semana. Dayon, alang sa matag usa kanila, iyang susihon kon unsay iyang gihisgotan sa miagi, tinoon ang iyang tumong, ug mangandam kon unsaon pagpalampos kana. Alang sa unang balikduaw, mangandam siya sa pagtanyag ug pagtuon sa Bibliya. Alang sa ikaduha, mangandam siya sa pag-ugmad sa interes pinaagi sa paggamit sa sugyot gikan sa parapo 5.
Semana sa Hulyo 28
10 min: Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Hulyo. Basaha ang taho sa kuwenta ug ang mga pasalamat sa donasyon. Hisgoti ang tanyag nga literatura sa Agosto ug ipasundayag ang usa ka presentasyon.
15 min: Paghupot sa Atong Pagbati sa Pagkadinalian. Mainitong pakigpulong nga gibase sa Disyembre 15, 2006, nga Bantayanang Torre, panid 18-19, parapo 17-21.
20 min: Pangandam sa Pagtanyag sa Bag-ong mga Magasin. Panaghisgot uban sa mamiminaw. Human mahisgoti kadiyot ang kaundan sa Agosto nga Pagmata! ug sa Agosto 1 nga Bantayanang Torre, pangutan-a ang mamiminaw kon unsang mga artikuloha ang makapainteres sa mga tawo diha sa teritoryo ug kon ngano. Pangutan-a sila kon unsang espesipiko nga mga punto sa mga artikulo ang gihunahuna nilang gamiton. Unsay mahimong ipangutana aron masugdan ang panaghisgot? Dayon unsang tekstoha diha sa artikulo ang mahimong basahon? Ginamit ang usa sa gisugyot nga mga presentasyon sa Atong Ministeryo sa Gingharian o ang usa nga gisugyot sa mamiminaw, ipasundayag kon unsaon pagtanyag ang matag magasin.
Semana sa Agosto 4
10 min: Lokal nga mga pahibalo.
15 min: Andam ba ang Inyong mga Anak Diha sa Ilang Talagsaong Teritoryo? Pakigpulong ug panaghisgot uban sa mamiminaw. Hisgoti ang pipila ka hagit nga giatubang sa Kristohanong kabataan diha sa eskuylahan. Isaysay kon sa unsang paagi magamit sa mga ginikanan ug ilang mga anak ang Watch Tower Publications Index sa pagkaplag ug mapuslanong impormasyon. Paghatag ug pipila ka pananglitan. (Tan-awa ang pangunang ulohan nga “Schools,” sub-ulohang “experiences.”) Pakomentoha kadtong nanambong nga gimatuto sa Kristohanong panimalay kon unsay gihimo sa ilang mga ginikanan aron maandam sila sa pag-atubang sa mga hagit ug sa pagpadapat sa mga prinsipyo sa Bibliya diha sa eskuylahan. Mahimo usab nilang hisgotan ang mga report sa eskuylahan nga ilang giandam binase sa mga ulohang makaplagan diha sa Pagmata! Ipasaysay kanila kon sa unsang paagi ang pagsangyaw diha sa eskuylahan nagsilbing panalipod kanila.
20 min: “Atong Pukanon ang Lig-ong Pagkatarok nga mga Butang.”c Dapita ang mga mamiminaw sa pagkomento kon sa unsang paagi ang ilang magtutudlo sa Bibliya mapailobong nagtabang kanila sa pagsalikway sa bakak nga relihiyosong mga pagtulon-an.
[Mga footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
c Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.