Eskedyul sa Tigom sa Pag-alagad
Semana sa Nobyembre 10
10 min: Lokal nga mga pahibalo. Ilakip ang komento sa magtatan-aw sa pag-alagad kon unsay nalampos sa kongregasyon sa pagpanagtag diha sa teritoryo sa tract nga Gusto Ka Bang Mahibalo sa Kamatuoran? Repasoha sa mubo ang sampol nga presentasyon sa Nobyembre 1 nga Bantayanang Torre ug Nobyembre nga Pagmata! diha sa panid 8.
15 min: Ugmara ang Pagkamahigugmaon ug Pagkamahinatagon. Pakigpulong sa ansiyano nga gipasukad sa Nobyembre 15, 2008, nga Bantayanang Torre, panid 6-7.
20 min: “Kita Adunay Bililhong Bahandi nga Ikapaambit Ngadto sa Uban.”a Sa dihang hisgotan ang parapo 2, dapita ang mga mamiminaw sa pagkomento kon unsang pagtulon-an sa Bibliya ang nakadani kanila sa organisasyon ni Jehova o ang labaw pa nilang gipabilhan sukad nga sila nabawtismohan.
Semana sa Nobyembre 17
10 min: Lokal nga mga pahibalo. Piniling Mga Pahibalo sa Atong Ministeryo sa Gingharian.
15 min: Panaghisgot sa “Pangutana” sa panid 7.b
20 min: “Ikaw Makahimo sa Pagtudlo!”c Interbiyoha ang usa ka magmamantala o usa ka payunir nga kaniadto nagpanuko sa pagdumalag pagtuon sa Bibliya. Sa unsang paagi siya misalig kang Jehova alang sa tabang? Sa unsang paagi siya natabangan sa organisasyon sa pagdumalag pagtuon sa Bibliya? Unsang mga ganti ang iyang natagamtam tungod sa pagdumalag pagtuon sa Bibliya?
Semana sa Nobyembre 24
10 min: Lokal nga mga pahibalo. Basaha ang taho sa kuwenta ug ang pasalamat sa donasyon. Ipahibalo kon unsa nga literatura ang itanyag sa Disyembre, ug ipasundayag ang usa o duha ka paagi kon unsaon kini pagtanyag.
20 min: Lokal nga mga panginahanglan.
15 min: Pangandam sa Pagtanyag sa Disyembre 1 nga Bantayanang Torre ug Disyembre nga Pagmata! Repasoha sa mubo ang mga magasin, ug pangutan-a ang mga mamiminaw kon unsang mga artikuloha ang makapainteres sa mga tawo sa teritoryo. Unsa nga mga pangutana ug mga teksto ang magamit sa pagtanyag sa maong mga artikulo? Ipasundayag kon sa unsang paagi magamit ang presentasyon diha sa Atong Ministeryo sa Gingharian. Hangyoa ang usa ka ansiyano nga ipasundayag sa mubo ang iyang giandam nga presentasyon sa usa ka artikulo nga haom sa teritoryo.
Semana sa Disyembre 1
10 min:Lokal nga mga pahibalo. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Nobyembre.
15 min: Teokratikanhong Tunghaan sa Ministeryo sa 2009. Ang magtatan-aw sa tunghaan makighisgot uban sa mamiminaw sa bag-ong kahikayan sa Teokratikanhong Tunghaan sa Ministeryo sumala sa gihisgotan diha sa “Instruksiyon” sa Eskedyul sa Teokratikanhong Tunghaan sa Ministeryo. Hisgoti ang mga kausaban. Dasiga ang tanan nga magmakugihon sa paghatag sa ilang mga bahin, sa pag-andam ug komento alang sa panaghisgot sa pangunang mga punto sa Bibliya, ug sa pagpadapat sa mga komento sa magtatan-aw sa tunghaan nga gipasukad sa Pahimusli ang Edukasyon sa Teokratikanhong Tunghaan sa Ministeryo.
20 min: “Andama ang mga Estudyante sa Bibliya sa Pag-atubang sa mga Pagsupak.”d Sa dihang hisgotan ang parapo 2, hisgoti sa mubo kon sa unsang paagi ang impormasyon diha sa librong Nangatarongan ubos sa ulohang “Mga Saksi ni Jehova” makatabang sa pagtubag sa mga pangutana sa mga paryente ug mga higala.
[Mga footnote]
a Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
b Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
c Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.
d Limitahe ang pasiunang mga komento nga dili mosobrag usa ka minuto, ug isunod ang pangutanag-tubag nga panaghisgot.