Young People Ask—What Will I Do With My Life? (Bahin 1)
Sa dihang magkahingkod ang mga batan-on, sila kinahanglang mohimog importanteng mga desisyon. Aron matabangan sila, gigama ang video nga Young People Ask—What Will I Do With My Life? Sa main menu, pilia ang Play Drama, unya tan-awa kon makatubag ka ba sa mga pangutana sa parapo 2. Inighuman, pilia ang Interviews sa main menu, ug dayon ang Looking Back, ug unya sulayi pagtubag ang mga pangutana sa parapo 3.
Drama: (1) Sa unsang paagi ang kahimtang ni Timoteo susama sa kahimtang sa mga Kristohanong batan-on karon? (2) Sa unsang paagi si Andre gipit-os nga mohawod sa sport? (3) Unsay giingon ni Brader Fleissig kang Andre bahin sa (a) pagkahimong dedikado ngadto kang Jehova ingon man ngadto sa sport? (Mat. 6:24) (b) tuboran sa tinuod nga kalipay? (c) kon unsay iyang mahinumdoman sa iyang panaksan nga gikan sa kampo konsentrasyon? (d) mga tawo nga kauban niya ug sa iyang asawa diha sa letrato? (e) kon nagbasol ba siya nga iyang gitalikdan ang iyang pangandoy? (Filip. 3:8) (4) Sa unsang paagi gitubag sa lola ni Andre ang iyang pangutana, “Daotan ba nga mahimong popular nga magdadagan?” (Luc. 4:5-7) (5) Ang pagdaog ba sa dagan nakahatag kang Andre ug tinuod nga katagbawan? (6) Unsay nagustohan nimo sa kataposang sulat ni Brader Fleissig kang Andre? (Prov. 10:22) (7) Unsay naamgohan ni Andre sa tabang ni Brader Fleissig?
Looking Back: (8) Unsang mga karera ang gipili sa usa ka brader ug sister, ug ngano? (9) Unsa sila ka malamposon? (10) Nganong nakadesisyon sila nga biyaan ang ilang mga karera? (2 Cor. 5:15) (11) Unsang teokratikanhong mga karera ang ilang gipuli sa kanhi nilang mga karera, ug nganong mibati sila nga dili nila mahimong dunganon kanang duha? (12) Nagbasol ba sila nga giusab nila ang ilang tumong sa kinabuhi? (13) Unsay ilang giingon nga ilabinang nakapahunahuna kanimo kon unsay angay nimong buhaton sa imong kinabuhi?
Palihog tan-awa ang ubang interbiyo ug ang supplementary material, ug pangandam sa pagkomento alang sa panaghisgot niini sa Tigom sa Pag-alagad sunod semana.