Unsay Angay Mong Buhaton sa Imong Kinabuhi?
1 Usahay ang mga bata pangutan-on, “Unsay gustong mong himoon inigdako nimo?” Sa bata ka pa, miingon ka ba nga gusto kang mahimong doktor? inhenyero? magtatan-aw sa sirkito? O ingong usa ka batang babaye, miingon ka ba nga gusto kang mahimong maestra? nars? misyonarya? Karon nga dako ka na, kinahanglang suknaon mo ang imong kaugalingon sa mosunod nga pangutana, ‘Unsay angay kong buhaton sa akong kinabuhi?’ Andam ka na bang modesisyon?
2 Aron matabangan ka sa paghimog labing maayong desisyon, ang organisasyon ni Jehova nagtagana sa DVD nga Young People Ask—What Will I Do With My Life? Palihog tan-awa kini, ug hunahunaa pag-ayo ang tanang kaundan niini, nga naglakip sa drama, mga interbiyo, ug uban pang mga impormasyon. Ang kaundan makita diha sa kahon nga “Main Menu.”
3 Ang Drama: Samtang magtan-aw sa drama, tagda kining mga pangutanaha: (1) Unsay mga kasamahan tali ni Timoteo, kinsa gihisgotan diha sa Kristohanon Gregong Kasulatan, ug ni Andre? (Buh. 16:1; 1 Tim. 4:8; 2 Tim. 1:5) (2) Sa unsang paagi si Andre gipit-os nga manghawod sa lumba sa dagan, ug kinsay nagpit-os kaniya? (3) Kinsa ang napamatud-an nga maayong mga impluwensiya kang Timoteo ug kang Andre, ug sa unsang mga paagi? (2 Tim. 1:1-4; 3:14, 15) (4) Sa unsang paagi ang tambag sa Mateo 6:24 ug sa Filipos 3:8 nakaapekto kang Andre, ug sa unsang paagi kini nakaapekto kanimo?
4 Piniling mga Esena: Human matan-aw ang tibuok drama, ipasalida pag-usab ang mosunod nga mga esena, ug tubaga kini nga mga pangutana. “Paul and Timothy”: Unsa ang kataposang tambag ni Pablo kang Timoteo? (2 Tim. 4:5) “Giving Jehovah Your Best”: Unsay imong espirituwal nga mga tumong? “Taking a Stand for Jehovah”: Asa maggikan ang tinuod nga kalipay? “Grandmother’s Advice”: Unsay daotan sa pagkahimong inila sa kalibotan ni Satanas? (Mat. 4:9) “No Regrets”: Magmatagbawon ka sa imong kinabuhi kon makaplagan nimo ang unsa?—Prov. 10:22.
5 Mga Interbiyo: Samtang nagtan-aw ka sa matag usa sa mosunod nga mga seksiyon, unsay imong nakita nga imong mahimo aron ikahatag mo kang Jehova ang imong kinamaayohan? (1) “Dedication to Vain Pursuits or to God?” (1 Juan 2:17); (2) “Learning to Enjoy Your Ministry” (Sal. 27:14); ug (3) “An Open Door to Service.”—Mat. 6:33.
6 Sa Paghinumdom: Unsay imong tubag? (1) Unsang mga karera ang gipangagpas sa brader ug sa sister, ug ngano? (2) Unsa sila ka malamposon? (3) Unsang mga hitabo ang nakapausab sa tagsatagsa nila ka kinabuhi? (2 Cor. 5:15) (4) Unsang teokratikanhong mga karera ang ilang gipuli sa kanhi nilang mga karera, ug nganong sila mibati nga dili nila mahimong dunganon pagpangagpas ang duha ka karera? (5) Nagbasol ba sila tungod kay ilang giusab ang ilang tumong sa kinabuhi? (6) Unsay ilang giingon nga ilabinang nakapahunahuna kanimo kon unsay angay mong buhaton sa imong kinabuhi?
7 Dugang nga mga Interbiyo: Niining mga interbiyoha, unsay imong nakat-onan nga mahimo nimong ipadapat aron mas bug-os ka pang makaalagad kang Jehova? (1) “The Value of Personal Study,” (2) “Alternative Witnessing,” (3) “Bethel Service,” (4) “Gilead Missionary Training,” ug (5) “Ministerial Training School.”—Repasoha ang “Index to Published Information on Related Subjects,” ug basaha ang dugang impormasyon bahin sa kon unsay labing makapainteres kanimo.
8 Busa nakadesisyon ka na ba kon unsay angay mong himoon sa imong kinabuhi? Si Pablo nag-awhag kang Timoteo: “Palandonga kining mga butanga; hatagi kinig bug-os nga pagtagad, aron ang imong pag-uswag madayag sa tanan nga mga tawo.” (1 Tim. 4:15) Kami nag-awhag kanimo sa paghimo usab niana sumala sa imong nakita ug nadungog niini nga DVD. Pag-ampo kang Jehova nga tabangan ka sa paghimog maalamong desisyon nga maghatag kanimog tinuod nga kalipay ug katagbawan sa kinabuhi karon ug usa ka magantihon ug malipayong kinabuhi usab sa umaabot.
[Kahon sa panid 6]
MAIN MENU
Play Drama
Scenes (11 ka kapilian)
Interviews
Play All
Sections (3 ka kapilian)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Sa pagpilig mga esena diha sa menu, gamita ang Next ▶, ◀ Back, ug ang Main Menu nga mga boton.