Paggamit ug mga Video Dihang Mag-Bible Study

Ang mga visual aid makatabang sa estudyante nga makapokus sa iyang gitun-an maong mas masabtan niya ug mahinumdoman ang iyang nakat-onan. Gigamit kini sa atong Dakong Instruktor, si Jehova, sa pagtudlo kanatog importanteng mga leksiyon. (Gen 15:5; Jer 18:1-6) Mao sab nay gihimo sa Dakong Magtutudlo, si Jesus. (Mat 18:2-6; 22:19-21) Sa milabayng mga tuig, ang video epektibo kaayo nga visual aid. Naggamit ba kag mga video dihang mag-Bible study?

Dunay 10 ka video nga makatabang nato sa pagtudlo sa mga leksiyon sa brosyur nga Maayong Balita Gikan sa Diyos! Sagad, ang ulohan sa matag video motakdo sa usa sa mga pangutana nga bagag letra diha sa brosyur. Ang digital version niini dunay mga link nga magpahinumdom nato kon kanus-a ipakita ang matag video. Gawas niana, duna pay ubang video nga magamit para sa lainlaing publikasyon nga naa sa atong Teaching Toolbox.

Naghisgot ba kag topiko sa Bibliya nga tingali nalisdan ug sabot ang imong estudyante? O nag-atubang ba siyag pagsulay? Pangitag mga video sa jw.org® ug sa JW Broadcasting® nga makatabang niya. Puwede mong magdungan ug tan-aw sa usa niini nga mga video dayon hisgotan kini.

Kada bulan, naay bag-ong mga video nga i-release. Samtang imo kining tan-awon, hunahunaa kon unsaon nimo kini paggamit sa pagtudlo sa uban.