Kon Unsaon Pagpalig-on sa mga Magtiayon ang Ilang Kaminyoon

Ingong magtiayon, si Abraham ug Sara maoy maayong ehemplo sa pagpakitag pagtahod ug gugma sa usag usa. (Gen 12:11-13; 1Pe 3:6) Bisan pa niana, dili perpekto ang ilang kaminyoon, ug daghan silag giatubang nga mga pagsulay. Unsay makat-onan sa mga magtiayon sa ehemplo ni Abraham ug Sara?

Importante ang komunikasyon. Tubag sa kalmadong paagi dihang naay masulti ang imong kapikas tungod sa kalagot o pagkadismaya. (Gen 16:5, 6) Pag-eskedyul ug panahon nga mag-uban mo. Pasaligi ang imong kapikas nga gimahal nimo siya pinaagi sa pulong ug buhat. Labaw sa tanan, seguroa nga apil si Jehova sa inyong kaminyoon pinaagi sa pagtuon, pag-ampo, ug pagsimba nga magkauban. (Ecc 4:12) Ang lig-ong kaminyoon magpasidungog kang Jehova, ang Tigmugna niining sagrado nga kahikayan.

TAN-AWA ANG VIDEO NGA KON UNSAY HIMOON SA PAGPALIG-ON SA KAMINYOON, UG TUBAGA ANG MOSUNOD NGA MGA PANGUTANA:

• Sa video, unsay pipila ka ilhanan nga nagkabugnaw ang gugma ni Shaan ug Kiara?

• Nganong importante sa kaminyoon ang matinud-anong komunikasyon?

• Sa unsang paagi ang ehemplo ni Abraham ug Sara nakatabang kang Shaan ug Kiara?

• Unsay gihimo ni Shaan ug Kiara aron palig-onon ang ilang kaminyoon?

• Nganong ang bana ug asawa dili angayng magdahom ug hingpit nga kaminyoon?