Gamita ang Mabuhi Ka Hangtod sa Hangtod! sa Pag-ugmad ug Pagtuo Kang Jehova ug Jesus

Aron mapalipay ang Diyos, kinahanglang maugmad sa mga Bible study ang lig-ong pagtuo. (Heb 11:6) Matandog nato ang ilang kasingkasing gamit ang Mabuhi Ka Hangtod sa Hangtod! nga libro. Kini may importanteng mga teksto, tin-awng pangatarongan, epektibong mga pangutana, makatandog nga mga video, ug nindot nga mga artwork. Pinaagi sa pagtabang nila nga maugmad ang Kristohanong mga hiyas ug relasyon sa Diyos, nagtukod ta gamit ang mga materyales nga dili masunog.​—1Co 3:12-15.

Para sa uban, lisod mahimong higala ang Diyos kay dili siya makita. Busa kinahanglang tabangan nato sila nga makaila kang Jehova ug mosalig niya.

TAN-AWA ANG VIDEO NGA UGMARA ANG PAGTUO KANG JEHOVA, GAMIT ANG “MABUHI KA HANGTOD SA HANGTOD!” DAYON TUBAGA ANG MOSUNOD NGA MGA PANGUTANA:

• Giunsa nato pagkahibalo nga nangandam pag-ayo ang sister para sa pagtuon?

• Giunsa niya paggamit ug maayong mga pangutana aron masulti sa study ang iyang hunahuna sa Isaias 41:10, 13?

• Unsay epekto sa video ug sa mga teksto ngadto sa study?

Daghang tawo ang wala makasabot sa lukat, o wala mag-isip niini ingong personal nga regalo sa Diyos para nila. (Gal 2:20) Busa, kinahanglan nato silang tabangan nga maugmad ang ilang pagtuo sa halad lukat ni Jesus.

TAN-AWA ANG VIDEO NGA UGMARA ANG PAGTUO KANG JESUS, GAMIT ANG “MABUHI KA HANGTOD SA HANGTOD!” DAYON TUBAGA ANG MOSUNOD NGA MGA PANGUTANA:

• Nganong makaingon ta nga nangandam pag-ayo ang brader para sa pagtuon?

• Giunsa niya paggamit ang “Susiha” nga seksiyon aron tabangan ang Bible study?

• Nganong importante kaayo ang pag-ampo para sa Bible study?