Gamita ang Mabuhi Ka Hangtod sa Hangtod! sa Imong Ministeryo

Eksayted ta nga duna tay bag-ong brosyur ug libro para sa pagdumalag mga pagtuon sa Bibliya! Nag-ampo ta nga panalanginan ni Jehova ang atong mga paningkamot sa paghimog mas daghang tinun-an. (Mat 28:18-20; 1Co 3:6-9) Unsaon nato paggamit kining bag-ong mga tool?

Ang Mabuhi Ka Hangtod sa Hangtod!, nga interactive nga pagtuon sa Bibliya, nagpresentar ug bag-ong paagi sa pagtudlo. Busa sunda kini nga mga instruksiyon samtang mangandam ka ug magdumalag mga pagtuon sa Bibliya.a

• Basaha ang materyal, ug hisgoti ang mga pangutana

• Basaha ang “basaha” nga mga teksto, ug tabangi ang estudyante nga masabtan kon unsaon pagpadapat niini

• I-play ug hisgoti ang mga video, gamit ang mga pangutana nga gitagana

• Paningkamoti nga makobrehan ang matag leksiyon sa usa ka sesyon

Diha sa ministeryo, itanyag una ang brosyur aron mahibaloan kon interesado ang usa ka tawo. (Tan-awa ang kahon nga “Kon Unsaon Pagtanyag sa Brosyur nga Mabuhi Ka Hangtod sa Hangtod! sa Unang Pakig-estorya.”) Kon mahuman na ninyog tuon ang brosyur ug gusto sa estudyante nga magpadayon, itanyag ang libro ug sugdi ang pagtuon sa leksiyon 04. Kon duna na kay gidumalahag pagtuon sa librong Gitudlo Kanato o Magpabilin sa Gugma, ibalhin ang pagtuon sa librong Mabuhi Ka Hangtod sa Hangtod! ug susiha kon asa mo maayong magsugod.

TAN-AWA ANG VIDEO NGA WELCOME SA IMONG PAGTUON SA BIBLIYA, UG TUBAGA ANG MOSUNOD NGA MGA PANGUTANA:

• Unsay makat-onan sa mga Bible study sa bag-ong libro?

• Nganong angay nimong ipatan-aw kini nga video sa bag-ong mga Bible study?

• Unsa ang anam-anam nimong idasig nga sulayan sa estudyante?—Tan-awa ang tsart nga “Pokus ug mga Ipasulay sa Matag Seksiyon”