AGOSTO 5-11

BAHANDI GIKAN SA PULONG SA DIYOS

1. ‘Sultihi ang Sunod nga Kaliwatan’ Bahin sa Gahom sa Diyos

(10 min.)

Nakita ni David nga gipanalipdan siya ni Jehova sa batan-on pa siya (Sal 71:5; w99 9/1 18 ¶17)

Gibati ni David nga gitabangan siya ni Jehova bisan dihang tigulang na siya (Sal 71:9; g04 10/8 23 ¶3)

Gidasig ni David ang mga batan-on pinaagi sa paghisgot sa iyang eksperyensiya (Sal 71:17, 18; w14 1/15 23 ¶4-5)

Ang pamilya nga gipakita sa bahin nga “Mga Prinsipyo Para sa Pamilyahanong Pagsimba” sa miaging semana. Giimbitar nila ang tigulang nga magtiayon sa ilang pamilyahanong pagsimba ug malipayon silang naminaw samtang ang magtiayon nagpakitag mga hulagway ug nag-estorya sa ilang mga eksperyensiya.

PANGUTAN-A ANG KAUGALINGON, ‘Kinsa diha sa kongregasyon nga dugay nang nag-alagad ang gusto nakong interbiyohon panahon sa among pamilyahanong pagsimba?’

2. Espirituwal nga mga Bahandi

(10 min.)

Sal 72:8—Sa unsang paagi ang saad ni Jehova kang Abraham diha sa Genesis 15:18 natuman panahon sa pagmando ni Haring Solomon? (it-1 764)

Imong tubag
Unsang espirituwal nga mga bahandi ang imong nakat-onan sa pagbasa sa Bibliya niining semanaha?

Imong tubag

3. Pagbasa sa Bibliya

(4 min.) Sal 71:1-24 (th tun-anan 5)

MAGMAEPEKTIBO SA MINISTERYO

4. Dihang Magsugod ug Panag-estorya

(3 min.) PAGPAMALAYBALAY. Dihang ang tagbalay makiglalis na, taposa ang panag-estorya sa positibong paagi. (lmd leksiyon 4 punto 5)

5. Dihang Magbalikduaw

(4 min.) IMPORMAL NGA PAGSANGYAW. Ipadayon ang inyong naestoryahan sa imong paryente nga nagduhaduhang magtuon sa Bibliya. (lmd leksiyon 8 punto 4)

6. Pagpatin-aw sa Imong Tinuohan

(5 min.) Pakigpulong. ijwfq 49—Tema: Nganong Giusab sa mga Saksi ni Jehova ang Uban Nilang Pagtulon-an? (th tun-anan 17)

KRISTOHANONG PAGKINABUHI

7. Mga Ideya Para sa Pamilyahanong Pagsimba

(15 min.) Pakighisgot.

Ang pamilya nga gipakita ganina nagtindog ug nagpraktis ug kanta sa usa ka Kingdom song.

Ang pamilya nagtan-aw ug programa sa JW Broadcasting.

Ang usa sa mga anak nga babaye nangatarongan sa iyang mama panahon sa practice session sa ilang pamilyahanong pagsimba.

Ang pamilyahanong pagsimba maoy importanteng panahon aron ang mga anak makakat-on “sa disiplina ug tambag ni Jehova.” (Efe 6:4) Ang pagkat-on nagkinahanglag paningkamot, pero puwede ni mahimong makalingaw para sa mga anak, ilabina kon ganahan na silang mokat-on ug dugang bahin sa Bibliya. (Ju 6:27; 1Pe 2:2) Hisgoti ang kahong “Mga Ideya Para sa Pamilyahanong Pagsimba” nga makatabang sa mga ginikanan nga himoong makalingaw ang pamilyahanong pagsimba ug daghag makat-onan ang ilang mga anak. Dayon, hisgoti ang mosunod nga mga pangutana:

Asa niini nga mga sugyot ang gusto nimong sulayan?

Imong tubag
Naa pa ba kay laing nahunahunaan nga nindot pod himoon sa pamilyahanong pagsimba?

Imong tubag

MGA IDEYA PARA SA PAMILYAHANONG PAGSIMBA

BIBLIYA:

Paminawa ang audio recording sa senemanang pagbasa sa Bibliya, o pagpulihanay mo sa pagbasa niini. Kon naay lainlaing karakter ang inyong basahon, puwedeng iasayn kon kinsay mobasa sa giingon sa matag karakter
Pag-andam ug mga pangutana base sa senemanang pagbasa sa Bibliya. Papilia ang matag membro sa pamilya ug usa ka pangutana nga ilang i-research. Dayon puwede nilang isulti ang ilang nakat-onan
Paghatag ug pangutana o situwasyon. Ug diha sa Mga Teksto Para sa Kristohanong Pagkinabuhi, pangitaa ang mga prinsipyo sa Bibliya nga puwedeng ipadapat
Idrama ang usa ka asoy sa Bibliya
Paghimog mga flash card nga naay lainlaing teksto kada semana, sama nianang naa sa apendise A sa brosyur nga Higugmaa ang mga Tawo—Paghimog Tinun-an, ug dayon sulayig memorize ang teksto. Repasoha ang mga card sa miaging mga semana
Tun-i ang usa ka bahin sa libro nga Mabuhi Ka Hangtod sa Hangtod!
Pag-asayn ug mga membro sa pamilya nga mohatag ug report sa usa sa mga artikulo sa serye nga “Tubag sa mga Pangutana Bahin sa Bibliya” o sa “Mga Teksto Gipatin-aw,” nga makita sa GITUDLO SA BIBLIYA nga tab diha sa jw.org

TIGOM:

Pangandam para sa usa ka seksiyon sa umaabot nga tigom
Pag-andam ug mga komento. Praktisa kini nga dili molapas sa tayming
Pagpraktis ug mga Kingdom song
Hisgoti ug pagpraktis kon unsaon pagdasig ang uban sa dili pa magsugod ang tigom o human sa tigom
Praktisa ang inyong mga bahin para sa umaabot nga tigom

MINISTERYO:

Pangandam para sa pagpamalaybalay
Pangandam para sa inyong mga pagbalikduaw
Paghunahuna ug mga situwasyon nga makasangyaw mo sa impormal nga paagi, ug pagpraktis kon unsaon pagsugod ug mahigalaong panag-estorya
Hisgoti ang espesipikong mga tumong kon unsaon pagpalapad sa inyong ministeryo panahon sa Memoryal o dihang walay trabaho o klase

PANGINAHANGLAN SA PAMILYA:

Pagpraktis kon unsay himoon sa mga kahimtang nga giatubang o posibleng maatubang sa inyong pamilya, sama sa neyutralidad, pagpang-bully, pagpakigdeyt, o mga selebrasyon nga dili binase sa Bibliya
Paghimog practice session diin ang anak kunohay ang ginikanan ug ang ginikanan kunohay ang anak. Ang anak mag-research bahin sa topiko ug mangatarongan sa iyang ginikanan base niini

DUGANG SUGYOT:

Pagtan-aw ug paghisgot ug usa ka programa sa JW Broadcasting^®
Pagbasa ug artikulo o pagtan-aw ug video sa jw.org, ug dayon hisgoti kini
Paghisgot ug usa ka materyal nga makita sa seksiyon nga “Mga Batan-on” o “Mga Bata” sa GITUDLO SA BIBLIYA nga tab diha sa jw.org
Repasoha ang inyong mga nota sa kombensiyon o asembliya
Pag-research bahin sa kalalangan o obserbahi kini. Dayon hisgoti kon unsay gitudlo niini bahin kang Jehova
Pag-imbitar ug igsoon nga moapil ninyo, ug dayon interbiyoha siya
Pagtakda ug espirituwal nga mga tumong, ug hisgoti kon unsaon kini pagkab-ot
Paghimog project, sama sa mapa, replika, o tsart

I-play ang VIDEO nga Padayong Pauswaga ang Inyong Pamilyahanong Pagsimba. Dayon pangutan-a ang mamiminaw:

Unsay mahimo sa bana aron mahimong makalingaw ang pamilyahanong pagsimba uban sa iyang asawa kon ang ilang mga anak wala na magpuyo uban nila?

Imong tubag

8. Pagtuon sa Kongregasyon sa Bibliya

(30 min.) bt kap. 13 ¶17-24