Andama ang Imong Kasingkasing

Dihang magtuon ta sa Bibliya, gusto nato nga ang atong mga nakat-onan bahin kang Jehova makatandog sa atong kasingkasing, o sulod nga pagkatawo. Si Esdras nagpakitag maayong ehemplo niini kay “giandam [niya] ang iyang kasingkasing sa pagtuon sa Balaod ni Jehova.” (Esd. 7:10) Unsaon nato pag-andam ang atong kasingkasing?

Pag-ampo. Sugdi ang pagtuon pinaagig pag-ampo. Hangyoa si Jehova nga tabangan ka nga masabtan ug mapadapat ang imong nakat-onan.—Sal. 119:18, 34.

Magmapainubsanon. Gitago ni Jehova ang kamatuoran gikan sa mga mapahitas-on nga nagsalig lang sa ilang kaugalingong pagsabot. (Luc. 10:21) Likayi nga mag-research aron lang ipakita sa uban nga daghan kag nahibaloan. Mapainubsanong usba ang imong panghunahuna kon dili ni uyon sa panghunahuna sa Diyos.

Sulayig paminaw sa mga Kingdom song. Ang musika makaapektar sa atong emosyon. Busa kon maminaw tag Kingdom song sa dili pa magtuon, makatabang ni nato nga makapokus kang Jehova ug maandam ang atong kasingkasing.