Pagpauswag Sa Atong Kahanas Sa Ministeryo​—Tudloi ang Bible Study sa Pagpangandam

KON NGANONG IMPORTANTE: Kon mangandam ang atong mga Bible study, mas dali nilang masabtan ug mahinumdoman ang mga butang nga atong ginatudlo nila. Ug kon mas dali silang makasabot ug makahinumdom, mas paspas silang mouswag. Bisag bawtismado na, sila kinahanglan gihapong mangandam alang sa mga tigom ug sa ministeryo aron ‘makapadayon sa pagbantay.’ (Mat 25:13) Busa ang pagkahibalo kon unsaon pagtuon ug ang pagbaton ug maayong rutina sa pagtuon magamit nila sa tibuok nilang kinabuhi. Sa sinugdanan pa lang, angay natong tabangan ang atong mga Bible study nga mabatasan ang pagpangandam sa ilang pagtuon sa Bibliya.

KON UNSAON PAGHIMO:

• 

  Pagpakitag maayong panig-ingnan. (Rom 2:21) Pangandam alang sa matag pagtuon, ug hunahunaa ang imong estudyante. (km 11/15 3) Ipakita kaniya ang imong binadlisang publikasyon

• 

  Dasiga siya nga mangandam. Dihang masugdan na ang pagtuon, sultihi siya nga apil sa kahikayan sa pagtuon sa Bibliya ang pagpangandam, ug ipatin-aw ang mga benepisyo niini. Paghatag ug praktikal nga mga sugyot kon sa unsang paagi siya makagahin ug panahon sa pagpangandam. Samtang mag-Bible study, gipagamit sa ubang magmamantala ang ilang binadlisang publikasyon ngadto sa ilang estudyante aron ipakita ang kaayohan sa pagpangandam. Dihang mangandam ang imong estudyante, komendahi siya

• Ipakita kaniya kon unsaon pagpangandam. Sa sinugdanan pa lang, ang ubang magmamantala naggamit sa tibuok sesyon sa pagtuon aron ipakita sa ilang bag-ong mga Bible study kon unsaon pagpangandam sa ilang tun-anan