Paghinumdom sa mga Teksto

Malisdan ba ka usahay sa paghinumdom sa imong paboritong mga teksto? Tingali naay mga teksto nga makapahupay nimo, makatabang nimo sa pagsukol sa sayop nga mga panghunahuna, o gusto nimong i-share sa uban. (Sal. 119:11, 111) Niay mga sugyot nga makatabang nimo sa paghinumdom sa mga teksto.

• Gamita ang tag nga feature sa JW Library^® app. Paghimog tag, ug nganli nig “Paboritong mga Teksto.” Ibutang sa tag ang mga teksto nga gusto nimong hinumdoman.

• Ibutang ang mga teksto sa lugar nga dali nimong makita. Isulat sa papel ang mga teksto nga gusto nimong hinumdoman, ug ibutang kini sa lugar nga dali nimong makita. Ang uban magbutang niini sa ilang samin o sa ilang refrigerator. Himoon pod ning screen saver sa uban diha sa ilang computer o gadget.

• Paghimog mga flash card. Isulat sa atubangan sa mga flash card ang teksto, ug sa likod isulat ang unod sa teksto. Dayon sulayi ang imong memorya. Gamit ang teksto sa atubangan sa flash card, kahinumdom ba ka sa unod niini? O kaha, gamit ang unod sa teksto diha sa likod sa card, kahinumdom ba ka kon unsa ni nga teksto?